follow us:
జమ్మూ కశ్మీర్- నూతన సంవత్సర సమయంలో కశ్మీర్ లో విషాదం చోటుచేసుకుంది. జమ్మూ కశ్మీర్ లోని వైష్ణోదేవి మాత ఆలయంలో తొక్కిసలాట జరిగింది. ఈ ఘటనలో మొత్తం 12 మంది భక్తులు చనిపోగా, మరో 13 మంది భక్తులు గాయపడ్డారు. న్యూ ఇయర్ సందర్బంగా తమకు అంతా మంచి జరగాలని వైష్ణోదేవి ఆలయంలో పూజలు చేయడం కోసం భక్తులు పెద్ద ఎత్తున తరలివచ్చారు.
ఈ సమయంలో క్యూ లైన్ లో ఒకరినొకరు తోసుకోవడంతో తొక్కిసలాట చోటుచేసుకుంది. దీంతో 12 మంది భక్తులు మృత్యువాత పడ్డారు. శనివారం తెల్లవారుజామున 2.45గంటల సమయంలో ఈ ఘటన జరిగింది. తొక్కిసలాటలో గాయపడిన 13 మంది భక్తులను చికిత్స కోసం స్థానిక ఆస్పత్రికి తరలించారు. మృతుల్లో ఢిల్లీ, హరియాణా, పంజాబ్‌, జమ్మూకశ్మీర్‌ కు చెందిన భక్తులున్నట్టు అధికారులు గుర్తించారు. ఆలయం వెలుపల త్రికూట కొండపై తొక్కిసలాట జరిగింది.
ముందు భక్తుల మధ్య వాగ్వాదం చోటుచేసుకుని తొక్కిసలాటకు దారితీసిందని జమ్మూ కశ్మీర్ డీజీపీ దిల్బాగ్ సింగ్ చెప్పారు. త్రికూట కొండపై ఘటనాస్థలిలో సహాయక చర్యలు కొనసాగుతున్నాయి. వైష్ణోదేవి ఆలయంలో తొక్కిసలాటలో 12 మంది మృతి చెందడంపై ప్రధాని నరేంద్ర మోదీ విచారం వ్యక్తం చేశారు. మృతుల కుటుంబ సభ్యులకు ప్రగాఢ సానుభూతి తెలిపారు. క్షతగాత్రులు త్వరగా కోలుకోవాలని ఆకాంక్షించారు.
మృతుల కుటుంబాలకు 2లక్షల రూపాయలు, క్షతగాత్రులకు 50వేల రూపాయలు చొప్పున ప్రధాని పరిహారం ప్రకటించారు. అటు జమ్మూ కశ్మీర్ ప్రభుత్వం సైతం బాధితులకు పరిహారం ప్రకటించింది. మృతుల కుటుంబాలకు ఒక్కొక్కరికి 10లక్షల రూపాయలు, క్షతగాత్రులకు 2 లక్షల రూపాయల చొప్పున పరిహారం అందజేయనున్నట్టు జమ్మూ కశ్మీర్ లెఫ్టినెంట్ గవర్నర్ తెలిపారు. వైష్ణోదేవి ఆలయంలో జరిగిన తొక్కిసలాట ఘటనపై పలువురు ప్రముఖులు దిగ్భ్రాంతి వ్యక్తం చేశారు.
Extremely saddened by the loss of lives due to a stampede at Mata Vaishno Devi Bhawan. Condolences to the bereaved families. May the injured recover soon. Spoke to JK LG Shri @manojsinha_ Ji, Ministers Shri @DrJitendraSingh Ji, @nityanandraibjp Ji and took stock of the situation.
— Narendra Modi (@narendramodi) January 1, 2022
#UPDATE | Katra: 6 dead in the stampede at Mata Vaishno Devi Bhawan, exact number not there yet. Their post mortem will be done. Injured being taken to Naraina hospital, total number of injured not confirmed either: Dr Gopal Dutt, Block Medical Officer, Community Health Centre https://t.co/LaOpUdyuCG pic.twitter.com/xtKVnrYGHY
— ANI (@ANI) January 1, 2022
