కెనడా క్రికెట్ టోర్నీలో వింత బహుమతి! మ్యాన్ ఆఫ్ ది సిరీస్ గా భూమి!

ఈ రోజుల్లో భూమికి ఉన్న డిమాండ్ మరే వస్తువుకు లేదనేది వాస్తవమే. ఇటీవల హైదరాబాద్ కోకాపేటలో ఎకరం భూమి వంద కోట్లకు పైగా రేట్ పలికి ఆశ్చర్యంలో ముంచెత్తిన విషయం తెలిసిందే. మరి అలాంటిది ఒక టోర్నమెంట్ లో మెరుగైన ప్రదర్శన చేసి మ్యాన్ ఆఫ్ ది సిరీస్ గా నిలిచిన ప్లేయర్ కు అరెకరం భూమి బహుమతి గా ఇవ్వడం వింతే కదా. ఈ సంఘటన కెనాడాలో వెలుగు చూడగా.. అమెరికాలో భూమి ఇవ్వనున్నట్లు నిర్వాహకులు వెల్లడించారు. అమెరికాలో అరెకరం భూమి అనేసరికి ఈ ఫొటో సోషల్ మీడియాలో వైరల్ గా మారింది. గ్లోబల్ టీ20 కెనడా టోర్నీలో భాగంగా ఆదివారం రాత్రి సర్రే జాగ్వార్స్, మోంటెరల్ టైగర్స్ మధ్య ఫైనల్ మ్యాచ్ జరిగింది. ఇందులో మోంటెరల్ టైగర్స్ 5 వికెట్ల తేడాతో సర్రే జాగ్వర్స్ పై విజయం సాధించింది.

తుదిపోరులో 29 బంతుల్లో 38 పరుగులు చేసి అజేయంగా నిలిచిన టైగర్స్ ప్లేయర్ రూథర్ ఫోర్డ్ కు ‘మ్యాన్ ఆఫ్ ది మ్యాచ్’ తో పాటు ‘మ్యాన్ ఆఫ్ ది సిరీస్’ అవార్డు లు దక్కాయి. లీగ్ లో రూథర్ ఫోర్డ్ 220 పరుగులతో సత్తాచాటాడు. అయితే బహుమతి ప్రదానోత్సవం సందర్భంగా టోర్నీ నిర్వాహకులు ప్లేయర్ ఆఫ్ ది సిరీస్ రూతర్ ఫోర్డ్ కు అమెరికాలో అరెకరం భూమి ఇస్తున్నట్లు ప్రకటించారు. దీనికి సంబంధించిన వివరాలతో ఓ చెక్ అందించారు. దీంతో ఈ వార్త సోషల్ మీడియాలో హల్ చల్ చేస్తోంది. పలువురు నెటిజన్లు దీనిపై ఫన్నీ కామెంట్స్ చేస్తున్నారు. చిన్నప్పుడు స్కూల్లో రన్నింగ్ రేసుల్లో పాల్గొంటే.. గ్లాస్ లు, టిఫిన్ బాక్స్ లు వచ్చేవని.. ఇలాంటి వింతైన బహుమతిని ఎక్కడా చూడలేదని నెటిజన్లు అభిప్రాయపడుతున్నారు.

ఇక ఈ మ్యాచ్ లో మొదట బ్యాటింగ్ చేసిన సర్రే నిర్ణీత 20 ఓవర్లలో 5 వికెట్లకు 130 పరుగులు చేసింది. జతిందర్ సింగ్ (56 నాటౌట్) టాప్ స్కోరర్. అనంతరం లక్ష్యఛేదనలో టైగర్స్ సరిగ్గా 20 ఓవర్లలో 5 వికెట్లకు 135 పరుగులు చేసింది. రూథర్ ఫోర్డ్ చివరి వరకు నిలిచి జట్టుకు విజయాన్నందించాడు. పలువురు అంతర్జాతీయ స్టార్ లు పాల్గొంటున్న ఈ టోర్నీలో రూథర్ ఫోర్డ్ ను అద్రుష్టం వరించింది. రస్సెల్, క్రిస్ లీన్, లిట్టన్ దాస్, బ్రాత్ వైట్, ఇఫ్తిఖార్ వంటి వాళ్లు ఈ టోర్నీలో భాగంపచుకున్నారు.

It was a busy presentation ceremony for Sherfane Rutherford and deservingly so 🫶

Dean Jones – Most Valuable Player ✅
Finals Man of the Match ✅
Moment of the Match ✅#GT20Canada #GT20Season3 #GlobalT20 #CricketsNorth #GT20Finals #SJvMT pic.twitter.com/OCHQxU4IlT

— GT20 Canada (@GT20Canada) August 7, 2023