follow us:
దిగ్గజ క్రికెటర్‌ షేన్‌ వార్న్‌ అకాల మరణంపై యావత్‌ క్రీడా ప్రపంచం దిగ్భ్రాంతి వ్యక్తం చేసింది. తనతో కలిసి ఆడిన క్రికెటర్లు సైతం వార్న్‌ మృతిని తట్టులేక కన్నీళ్లు పెట్టుకున్నారు. ఇక వార్న్‌ కుటుంబసభ్యుల పరిస్థితి గురించి ప్రత్యేకంగా చెప్పాల్సిన పనిలేదు. అందులోనూ పిల్లలు ఎంత బాధను అనుభవించి ఉంటారు. నాన్నను కోల్పోయిన ఆ హృదయాలు కళ్లలో నీళ్లు ఇంకిపోయేలా ఏడ్చి ఉంటారు. తాజాగా వార్న్‌ కూతరు సమ్మర్‌ వార్న్‌ తన సోషల్‌ మీడియాలో ఖాతాలో పెట్టిన ఒక పోస్టు వార్న్‌ అభిమానుల చేత కన్నీళ్లు పెట్టిస్తుంది. ఆ పోస్టులో ”ఇప్పటికే నిన్ను చాలా మిస్సవుతున్నా. చిన్నప్పుడు భయమేస్తే నిన్ను గట్టిగా హత్తుకొని నిద్రపోయేదాన్ని.. కానీ ఇకపై ఆ అవకాశం లేకుండా పోయింది. నీ చివరి క్షణాల్లో నేను పక్కన లేకపోవడం దురదృష్టంగా భావిస్తున్నా. ఆ సమయంలో నీ పక్కన ఉండి ఉంటే.. చేయి పట్టుకొని ఏం కాదు అంతా సవ్యంగా జరుగుతుంది అని చెబుదామనుకున్నా. అడగకుండానే అన్నీ ఇచ్చారు.. బెస్ట్‌ డాడీగా ఉండడం మాకు వరం.” అని పేర్కొంది.
”చిన్నప్పటి నుంచి ఎంతో ప్రేమతో పెంచారు. మీ జోకులతో మమ్మల్ని ఎన్నోసార్లు నవ్వించారు. ఈరోజు భౌతికంగా దూరమయ్యారంటే తట్టుకోలేకపోతున్నా.. మిస్‌ యూ నాన్న అంటూ వార్న్‌ చిన్న కూతురు బ్రూక్‌ ట్వీట్‌ చేసింది. ”నా గుండెల్లో ఎప్పటికీ నిలిచిపోయి ఉంటావు. నువ్వో గొప్ప తండ్రివి, స్నేహితుడివి” అంటూ వార్న్‌ పెద్ద కుమారుడు జాక్సన్‌ తన బాధను వ్యక్తం చేశాడు. ”ఇది ఎప్పటికీ ముగిసిపోని పీడకలలాంటిది. వార్న్‌ లేని జీవితాన్ని ఊహించలేకపోతున్నాం. అతను అందించిన జ్ఞాపకాలతో బతికేస్తాం’’ అని అతని తల్లిదండ్రులు కీత్, బ్రిగిట్‌ ఆవేదనతో కుమిలిపోయారు. కాగా ప్రస్తుతం వీరు పోస్టు సోషల్‌ మీడియాలో వైరల్‌గా మారింది. తమ అభిమాన ఆటగాడి కుటుంబం ఏ విధంగా కుమిలిపోతుందో అంటూ వార్న్‌ అభిమానులు ఆవేదన వ్యక్తం చేస్తున్నారు. మరి ఈ పోస్టుపై మీ అభిప్రాయాలను కామెంట్ల రూపంలో తెలియజేయండి.
View this post on Instagram
మరిన్ని లేటెస్ట్ అప్డేట్స్ కోసం SumanTV App ని డౌన్లోడ్ చేసుకోండి.
