నయనతార ‘నీడ’ చూస్తే భయం..ఖాయం !

ఓటీటీలో మలయాళ సినిమాలు విజయాలు సాధిస్తూ రికార్డు సృష్టిస్తున్న విషయం తెలిసిందే!ప్రేక్షకులు అందరూ ఇప్పుడు మలయాళం చిత్రాలకు బాగానే అలవాటు పడ్డారు..లాక్ డౌన్ కాలం లో కరోనా దెబ్బతో ఓటీటీలో మలయాళం సినిమాల హవా నడిచింది.లేటెస్ట్‌గా అమెజాన్‌లో స్ట్రీమ్‌ అవుతున్నమలయాళ చిత్రం-నయనతార‘నిళల్‌’..అంటే ‘నీడ’అని అర్థం.ఇది మిస్టరీ థ్రిల్లర్‌ సినిమా.ఇప్పటికే ఎన్నో మంచి మలయాళ సినిమాలెన్నోచూశాం!ఈ మిస్టరీ సినిమా,వాటిలా ప్రేక్షకులకి నచ్చుతుందా అన్న విషయానికి వచ్చేముందు కథేమిటో తెలుసుకుందాం!

ఫస్ట్‌ క్లాస్‌ జ్యుడీషియల్‌ మేజిస్ట్రేట్‌ జాన్‌ బేబీ(కుంచాకో బోబన్‌).కారు ప్రమాదంలో గాయపడ్డ అతనికి లేని వర్షం పడుతోందన్న భ్రమ లాంటివి కలుగుతుంటాయి. ఇంతలో, చైల్డ్‌ సైకాలజిస్ట్‌ అయిన డాక్టర్‌ ఫ్రెండ్‌ షాలిని (దివ్య ప్రభ) ద్వారా ఎనిమిదేళ్ళ చిన్న స్కూలు పిల్లాడు నితిన్‌ గురించి తెలుస్తుంది.మర్డర్‌ స్టోరీలు చెప్పే ఆ కుర్రాడి గురించి, అతని తల్లి షర్మిల (నయనతార) గురించి హీరో ఆరా తీస్తాడు.

చూడడానికి మామూలుగా ఉండే ఆ కుర్రాడు కథలో చెప్పే ప్రాంతాలకు వెళితే,నిజంగానే అక్కడ అస్తిపంజరం బయటపడుతుంది. పిల్లాడు చెబుతున్నకథలు ఒక్కొక్కటీ వాస్తవమని తేలడంతో మిస్టరీ పెరుగుతుంది. దాన్నిఛేదించడానికి హీరో,ఆ పిల్లాడి తల్లి ఏం చేశారు?తండ్రి లేని ఆ పిల్లాడిని తల్లి అసలు ఎలా పెంచింది?ఆమెఫ్లాష్‌బ్యాక్‌ ఏమిటి లాంటివి చివరలోసస్పెన్స్ కి తెరపడుతుంది

ఇక పాత్రలు పాత్ర దారుల విషయానికి వస్తే..తెలుగు సినీ ప్రేక్షకులకు బాగా తెలిసిన ముఖం నయనతార ఒక్కరే! పిల్లాడి తల్లి పాత్రలో ఆమె చేయడానికి ఈ కథలో పెద్దగా ఏమీ కనపడదు.కథలో తొలిసారి కనిపించే లాంటి కొన్నిచోట్ల మేకప్‌ కూడా ఎక్కువవడంతో నయనతార స్క్రీన్‌ ప్రెజెన్స్‌ కూడా ఇబ్బందిగా అనిపిస్తుంది. ఇక, కథానాయకుడైన మేజిస్ట్రేట్‌ పాత్రలో కుంచాకో బోబన్‌ నటన ఫరవాలేదు .

కేరళలోని తొలి స్టూడియో అయిన ‘ఉదయ’ ఓనర్ల కుటుంబానికి చెందిన అతను ఒకప్పుడు బాల నటుడు. ఇప్పుడు పలు చిత్రాల హీరో,నిర్మాత,వ్యాపారవేత్త.లేటెస్ట్‌ మలయాళ థ్రిల్లర్‌ ‘నాయట్టు’ (వేట)లోనూ ఇతనే హీరో.సినిమా చివరలో మలయాళ దర్శక,నటుడు లాల్‌ కాసేపు కనిపిస్తారు.

కథనం ఎలాసాగిందో చూద్దాం ..మొదట కాసేపు బాగా నిదానంగా నడచినా,అరగంట తర్వాత కథలోని మిస్టరీ ఎలిమెంట్‌ ప్రేక్షకులను కూర్చోబెడుతుంది.కానీ ఆ ఆసక్తిని కొనసాగించడంలోనే దర్శక,రచయితల ఆశ అడియాస అయిందని చెప్పొచ్చు.ఎంచుకున్న కథ బాగున్నా, దాన్ని ప్రేక్షకులకి చెప్పడంలోనే ఇబ్బంది పడ్డారు డైరెక్టర్.ప్రాథమికంగా ఎడిటరైన ఆయనకు దర్శకుడిగా ఇదే తొలి సినిమా. హీరో లవ్‌ ఫెయిల్యూర్‌ స్టోరీ, హీరోయిన్‌ చిన్నప్పటి కష్టాలు, క్లైమాక్స్‌లో వచ్చే అసలు కథ – ఇలా ఎన్నో అంశాలున్నాయి కానీ,అన్నిటినీ కలిపి కథ ఆసక్తిగా చూపలేదు..కథారంభంలో వేసుకున్న సస్పెన్సు సంతృప్తి కలిగేలా చూపలేదనిపిస్తుంది.

కేరళలోని అందమైన లొకేషన్ల బాగున్నాయి, కర్ణాటక హొగెనెకల్‌ జలపాతం దాకా సినిమా తిరుగుతుంది.అయితే సీన్లకు సీన్లు జరుగుతున్నా కథ ముందుకు నడిచేది తక్కువ. పైగా పాత్రలూ ఎక్కువే. కథ కన్నా కెమేరా వర్క్,ఆర్‌.ఆర్‌.మీద ఎక్కువ ఆధారపడ్డారా అని అనుమానం కలుగుతుంది. సినిమాలోని రెండు పాటలూ లేకున్నా ఫరవాలేదు. వర్షం పడడం లాంటి అతని భ్రమలకు కారణం ఏమిటన్నది సినిమా చివరి దాకా చూసినా అర్థం కాదు.

నయనతార పాత్ర,ఆ పాత్ర ప్రవర్తన కూడా ఓ పట్టాన అంతుచిక్కదు.పిల్లాడి కథకూ,తన కథకూ ఏదో చిక్కు ముడి ఉందని భావించిన హీరో దానికి ముగింపు చెప్పక పోవటం ఒక మైనస్ పాయింట్.అతీంద్రియ శక్తుల కథ అని అనుకున్నవారికి,ఇంతేనా అనిపిస్తుంది.మలయాళ సిన్మా కదా అని ఏంటో ఊహించుకుని…నయనతారపై ఆశలు పెట్టుకొని ఈ ‘నిళల్‌’చూస్తే,ఆశాభంగం తప్పదు.

అటు నయనతార,ఇటు సినిమా–ఎవరూ మెప్పించరు.ఇంగ్లీష్‌ సబ్‌ టైటిల్సున్నఈ సినిమా…లాక్‌డౌన్‌ టైమ్‌లో మరీ..ఖాళీగాఉంటే చూడడం ఓకే!అంతే తప్ప సినిమా మిస్సైనా ఏమీ బాధ పడనవసరం లేదు.సస్పెన్స్‌ కథాంశం అని ,అలాగే నయనతార నటన కోసం చూడాలి.కథ నీరసంగా నడవటం..క్లైమాక్స్ సరిగా లేకపోవటం,కథాబలానికి మించి రీరికార్డింగ్‌,కథనం ,దర్శకత్వ లోపాలు, చిత్రానికి మైనస్..సరదాగా కాలయాపన కోసం చూడటానికి ఫరవాలేదు.మీ అభిప్రాయాలను కూడా మాకు  తెలియ చేయండి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.