ఇటీవల ఓ కార్యక్రమంలో మహిళల వస్త్రధారణపై ప్రముఖ యోగా గురువు రాందేవ్ బాబా చేసిన వ్యాఖ్యలు తీవ్ర దుమారం రేపుతున్నాయి. ఆయన చేసిన వ్యాఖ్యలపై దేశ వ్యాప్తంగా తీవ్ర నిరసనలు వ్యక్తమవుతోన్నాయి. ఆయనపై కఠిన చర్యలు తీసుకోవాలని పెద్ద ఎత్తున్న డిమాండ్లు వస్తోన్నాయి. ఆడవారు అంటే రాందేవ్ బాబాకు చులకన భావన ఉందని, అందుకే వారిని అవమానించేలా వ్యాఖ్యలు చేశారని కొందరు ఆగ్రహం వ్యక్తం చేశారు. మహిళలపై తాను చేసిన వ్యాఖ్యలపై తాజాగా రాందేవ్ బాబా క్షమాపణలు తెలిపారు. మహిళలను కించపర్చాలన్న ఉద్దేశం తనకు లేదని, తన వ్యాఖ్యలతో ఎవరైన కలత చెందినట్లయితే అందుకు తనను క్షమించాలని కోరారు.
గత శుక్రవారం మహారాష్ట్రలోని ఠానే నగరంలో ‘యోగా సైన్స్’ కార్యక్రమం జరిగింది. దీనికి మహారాష్ట్ర ఉపముఖ్యమంత్రి దేవేంద్ర ఫడణవీస్ భార్య అమృతాతో సహా పలువురు ప్రముఖులు హాజరయ్యారు. యోగా శిక్షణ ముగిసిన వెంటనే అక్కడ ఓ ప్రత్యేక సమావేశం జరిగింది. ఈ సమావేశంలో పాల్గొన్న రాందేవ్ బాబా.. స్త్రీలు చీరల్లో, సల్వార్ సూట్ లో అందంగా ఉంటారని అన్నారు. అంతటితో ఆగక తనలాగా అసలేం ధరించకపోయినా స్త్రీలు బాగుంటారని వివాస్పద వ్యాఖ్యలు చేశారు. దీంతో దేశ వ్యాప్తంగా ఆయనపై తీవ్ర స్థాయిలో విమర్శలు వ్యక్తమయ్యాయి. ఈ నేపథ్యంలో తాను చేసిన వ్యాఖ్యలపై తాజాగా రాందేవ్ బాబా స్పందించారు. మహిళలను కించపర్చాలన్న ఉద్దేశం తనకు లేదని, తన మాటలకు ఎవరైన బాధపడినట్లయితే తనను క్షమించాలని కోరారు. మహారాష్ట్ర మహిళా కమిషన్ రాందేవ్ కు నోటీసులు జారీ చేసింది.
ఈ నోటీసులకు స్పందిస్తూ.. క్షమాపణలు తెలిపారు. ఈ విషయాన్ని ఆ రాష్ట్ర మహిళ కమిషన్ ఛైరపర్సన్ రూపాలీ చకాంకర్ ట్విటర్ ద్వారా వెల్లడించారు. ఇంకా ఆ నోటిసులో రాందేవ్ బాబా పలు విషయాలను వెల్లడించారు.” ఈ సమాజంలో మహిళలు గౌరవప్రదమైన స్థానం పొందాలనే ఉద్దేశంతో వారి సాధికారత కోసమే నేను ఎల్లప్పుడూ కృషి చేస్తుంటాను. బేటి బచావ్- బేటీ పడావో కార్యక్రమాలను నేను ప్రోత్సహించాను. మహిళలను కించపరిచే ఉద్దేశం నాకు లేదు. సోషల్ మీడియాలో వైరల్ అవుతోన్న వీడియో క్లిప్ పూర్తిగా అవాస్తవం. అయినప్పటికీ.. ఎవరైనా బాధపడినట్లయితే నేను బేషరతుగా క్షమాపణలు తెలియజేస్తున్నా” అని రాందేవ్ బాబా.. మహిళ కమిషన్ ఇచ్చిన నోటీసులకు సమాధానం ఇచ్చారు.
Days after his obscene and sexist comments on women sparked a furor and triggered a controversy, Ramdev expressed regret and apologized for his remarks.
He said, “Women can look good in anything: a saree, a salwar kameez, or even when they wear nothing.” #Ramdevbaba #apologize pic.twitter.com/QPp9FiKzKr
— SaidList (@SaidListNews) November 28, 2022
