Indian Traffic Rules: చెప్పులేసుకుని బైక్ నడిపితే ఫైన్.. మీకు తెలుసా?

మీరు బైక్ డ్రైవ్ చేస్తున్నారు సరే రూల్స్ పాటిస్తున్నారా? ఇలా ఓ ప్రశ్న అడగ్గానే.. చాలామంది మరో మాట లేకుండా పాటిస్తున్నాం అనే సమాధానమిస్తారు. హెల్మెట్ పెట్టుకుంటున్నాం, పేపర్స్ అన్నీ ఉన్నాయి. ఇంకే కావాలి అని ఎదురుప్రశ్న వేస్తారు. మనలో చాలామంది ఇవి ఉంటే చాలనుకుంటారు. ఇవి కాకుండా మనకు తెలియని చాలా రూల్స్ ఉన్నాయి. కాకపోతే వాటి గురించి అటు పోలీసులు గానీ, ఇటు బైక్ నడిపేవారు కానీ పెద్దగా పట్టించుకోరు. ఒకవేళ స్ట్రిక్ట్ గా రూల్స్ అమలు చేస్తే మీరు దొరికిపోతారు.

ఇక వివరాల్లోకి వెళ్తే.. టూ వీలర్స్ బాగా పెరగడంతో ప్రమాదాలు ఎక్కువవుతున్నాయి. దీంతో భారత ప్రభుత్వం ట్రాఫిక్ నియమాలు, రహదారి భద్రతా ఉల్లంఘనలని మరింత కఠినతరం చేస్తోంది. 1989 మోటారు వాహనచట్టం, వాహనతయారీ మార్గదర్శకాల్లో చాలా మార్పులు చేసింది. సిగ్నల్ జంప్ చేయడం, సీట్ బెల్ట్ ధరించకపోతే భారీ పెనాల్టీలు వేస్తోంది. ఇవే కాకుండా చాలామందికి తెలియని నిబంధనలు కూడా ఉన్నాయి. వాటిలో మొదటిగా చెప్పుకోవాల్సింది. ద్విచక్రవాహనం నడిపేటప్పుడు చెప్పులు లేదా స్లిప్పర్స్ వేసుకోకూడదు. పూర్తిగా పాదాల్ని కప్పి ఉంటే బూట్లని మాత్రమే ధరించాలి. అలా కాని పక్షంలో రూ.1000 జరిమానా విధించొచ్చు.

అలానే టూ వీలర్ నడిపేటప్పుడు తప్పనిసరిగా ప్యాంట్, షర్ట్ లేదీ టీ షర్ట్ వేసుకోవాలి. దీనితో పాటే రెండు డ్రైవింగ్ లైసెన్సులు ఉండటం నిషిద్ధం. అలా ఉంటే ఒకదానిని రద్దు చేస్తారు. జరిమానా కూడా కట్టాల్సి ఉంటుంది. అత్యవసర వాహనాలు అంటే ఫైర్ ఇంజిన్, అంబులెన్స్, పోలీస్ వాహనం లాంటి వాటికి కచ్చితంగా దారి వదిలాలి. అలా చేయకపోతే 6 నెలల జైలుశిక్ష లేదా రూ.10 వేల జరిమానా విధిస్తారు. సో అదన్నమాట విషయం. ఈసారి టూ వీలర్ నడిపేటప్పుడు జాగ్రత్తలు తీసుకోండి. నిబంధనలు పాటించండి. సురక్షితంగా ఉండండి. మరి పైన చెప్పిన ట్రాఫిక్ రూల్స్ మీలో ఎంతమంది తెలుసు. మీ అభిప్రాయాన్ని కామెంట్స్ లో పోస్ట్ చేయండి.

ఇదీ చదవండి: బైక్ లో పెట్రోల్ లేదని ఫైన్ వేసిన పోలీసులు! ఎక్కడంటే..