follow us:
‘పల్లె జీవితం.. నగరాల ప్రజలకు ఈ వినోదం తెలియదు’ అని వీడియోకు శీర్షికగా సెహ్వాగ్ రాశాడు. భారత మాజీ ఓపెనర్ వీరేంద్ర సెహ్వాగ్ క్రికెట్ ఆడే అన్నిరోజులూ ఫార్మాట్ ఏదైనా,ప్రత్యర్థి ఎవరైనా చివరికి మ్యాచ్ ఎలాంటి స్థితిలో ఉన్నా కూడా సెహ్వాగ్ తన బ్యాటింగ్‌ స్టయిల్‌ని మాత్రం మార్చుకోలేదు. ఆ దూకుడు కారణంగా ఎన్నోసార్లు అతను మ్యాచ్ ఆరంభంలోనే వికెట్ చేజార్చుకున్నాడు. లెక్కకి మించి విధ్వంసక ఇన్నింగ్స్‌లు కూడా అతని ఖాతాలో ఉన్నాయి.
టీమిండియా మాజీ డాషింగ్‌ ఓపెనర్ వీరేంద్ర సెహ్వాగ్ క్రికెట్ నుంచి రిటైర్మెంట్‌ తీసుకున్న తర్వాత సోషల్ మీడియాలో చాలా యాక్టివ్‌గా మారారు. సరదా కామెంట్స్, ఫొటోలను సోషల్ మీడియాలో పోస్ట్ చేస్తూ అభిమానులను ఆకట్టుకుంటున్నాడు. తన పదునైన రాతలతో విమర్శకులకు ఇదే వేదిక ద్వారా జవాబిస్తుంటాడు. సెహ్వాగ్ పోస్టింగ్‌ల కోసం అభిమానులు ఎదురుచూస్తుంటారంటే అతిశయోక్తి కాదు. వీరేంద్ర సెహ్వాగ్ సోషల్ మీడియాలో ఒక విచిత్రమైన వీడియోను పోస్ట్ చేశాడు. ఈ వీడియో ఆయన అభిమానులను ఎంతగానో ఆకట్టుకుంటోంది.
ఓ పల్లెటూరి చిన్నోడు బర్రెను స్నానం చేయిస్తూ తానూ స్నానం చేస్తూ ఆ ఎంజాయ్‌మెంట్‌ను ఆస్వాదిస్తున్నాడు. పిల్లవాడు బర్రెపైన నిలబడి, కొన్నిసార్లు కూర్చొని, మరోసారి పడుకుని నీళ్లు పోస్తూ కనిపిస్తాడు. ఒక్కరోజులోనే ఈ వీడియోకు 2.39 లక్షల మంది లైక్‌ కొట్టగా వేయికి పైగా నెటిజెన్లు కామెంట్లు రాశారు. షేర్‌ చేసుకున్నారు.
View this post on Instagram
