సరిహద్దు దాటిన మరో ప్రేమ కథ.. ప్రియుడి కోసం బంగ్లాదేశ్ నుంచి..

ప్రేమకు వయసుతో సంబంధం లేదు. ఆస్థి అంతస్తులు, కులమతాలు ఇవేమీ ప్రేమకు అడ్డుకావు. నేటి రోజుల్లో టెక్నాలజీ అభివృద్ధి చెంది సోషల్ మీడియా అందుబాటులోకి వచ్చాక పరిచయాలు సరిహద్దులు దాటుతున్నాయి. ప్రియుడి కోసం ప్రియురాలు సరిహద్దులు దాటి చేరుకుంటున్నారు. ఇటీవల పాకిస్తాన్ నుంచి ప్రియుడి కోసం ఇండియా వచ్చిన సీమా హైదర్, అదే సమయంలో భారత్ నుంచి పాక్ వెళ్లిన అంజు ప్రేమ వ్యవహారాలు మనకు తెలిసిన విషయమే. ఇదే కోవలో మరో ప్రేమ కథ వెలుగులోకి వచ్చింది. ప్రియుడిని వెతుక్కుంటూ బంగ్లాదేశ్ నుంచి నోయిడాకు వచ్చింది ఆ మహిళ. అసలు ఏం జరిగిందంటే?

ఉద్యోగ రీత్య ఢాకాలో ఉన్న సమయంలో బంగ్లాదేశ్ కు చెందిన సానియా అక్తర్ అనే మహిళ నోయిడాకు చెందిన సౌరభ్ కాంత్ తివారీకి మూడేళ్ల క్రితం పరిచయమయ్యారు. పరిచయం కాస్త ప్రేమగా మారి ఆమెను వివాహం చేసుకున్నాడు. ఆ తర్వాత కొంతకాలానికి ఆమె గర్భం దాల్చింది. అదే సమయంలో సౌరభ్ మళ్లీ వస్తానని సానియాతో చెప్పి నోయిడాకు వచ్చేశాడు. అలా వచ్చిన అతడు తిరిగి వెళ్లలేదు. ఈ క్రమంలో సానియా ఓ పాపకు జన్మనిచ్చింది. తాజాగా తన భర్తను వెతుక్కుంటూ పాపతో కలిసి భారత్ చేరుకుంది. తన భర్త తనతో పాటు రావడానికి నిరాకరిస్తున్నాడని ఆరోపిస్తూ పోలీసులను ఆశ్రయించింది. ఇక ఈ ఘటనపై పూర్తి స్థాయిలో దర్యాప్తు చేస్తున్నారు పోలీసులు.

After Seema Haider, a Bangladeshi woman – Sonia Akhtar – has reached Noida with her infant alleging a Noida resident, Saurabh Kant Tiwari, married her in 2021 in Bangladesh and deserted her. She has a valid passport and visa. Police have launched an investigation. pic.twitter.com/99o7Eiv8td

— Shafaque Alam (@shafaquealamTOI) August 21, 2023