ఇటీవల కొన్ని పరిశ్రమల్లో ప్రమాదాలు కార్మికులకు శాపాలుగా మారుతున్నాయి. ముఖ్యంగా కెమికల్ ఫ్యాక్టరీల్లో ఇలాంటి ప్రమాదాలు జరగడంతో పదుల సంఖ్యల్లో కార్మికులు చనిపోతున్నారు.
ఇటీవల దేశ వ్యాప్తంగా కెమికల్ ఫ్యాక్టరీలు ఇతర పరిశ్రమలు కార్మికుల పాలిట మృత్యు కేంద్రాలుగా మారుతున్నాయి. ఏ క్షణంలో ఫ్యాక్టరీలో పేలుడు సంభవిస్తుందో.. గ్యాస్ లీక్ అవుతుందో తెలియని పరిస్థితి. గత కొంత కాలంగా పలు పరిశ్రమల్లో ప్రమాదాల వల్ల ఎంతో మంది కార్మికులు చనిపోతున్నారు.. వారి కుటుంబాలు రోడ్డున పడుతున్నాయి. తాజాగా పంజాబ్ లూథియానాలో ఆదివారం ఉదయం తీవ్ర విషాదం చోటు చేసుకుంది.. ఓ ఫ్యాక్టరీలో గ్యాస్ లీక్ అయ్యింది. పూర్తి వివరాల్లోకి వెళితే..
పంజాబ్ లూథియానలో తీవ్ర విషాదం చోటు చేసుకుంది. ఓ పాల ఫ్యాక్టరీ నుంచి గ్యాస్ లీక్ కావడంతో ఈ ఘటన చోటు చేసుకుంది. ఒక్కసారిగా గ్యాస్ లీక్ కావడంతో చాలా మంది స్పృహ తప్పి పడిపోయారు. పది మంది వరకు ప్రాణాలు వదిలినట్లు అధికారులు అంటున్నారు. ఎన్డీఆర్ఎఫ్ బృందాన్ని సహా.. పోలీసులు ఘటనా స్థలానికి చేరుకొని సహాయక చర్యల్లో పాల్గొంటున్నారు. స్పృహ తప్పి కోల్పోయిన వారిని దగ్గరలోని ఆస్పత్రిలో చేర్పించి చికిత్స అందిస్తున్నారు. వారిలో కొంతమంది పరిస్థితి తీవ్ర విషమంగా ఉన్నట్లు వైద్యులు చెబుతున్నారు. మృతుల సంఖ్య మరింత పెరిగే అవకాశం ఉందని అధికారులు అంటున్నారు. మృతుల్లోముగ్గురు పిల్లలు ఉన్నట్లు తెలుస్తుంది.
ఈ ఫ్యాక్టరీ సమీపంలోని ఇళ్లలో నివసిస్తున్న వారికి ఏం జరుగుతుంతో అర్థం కాని పరిస్థితి నెలకొంది. గ్యాస్ పీల్చడంతో చాలా మంది స్పృహ కోల్పోయారు.. కొంతమంది కోమాలోకి వెళ్లినట్లు సమాచారం. ఈ ప్రాంతంలోకి ఇతరులు ఎవరూ రావొద్దని అధికారులు తెలిపారు. ఫ్యాక్టరీకి 300 మీటర్ల పరిధిలో గ్యాస్ ప్రభావం ఉంటుందని అధికారులు తెలిపారు. బాధితులకు సహాపడేందుకు ప్రైవేట్ అంబులెన్స్ సంస్థలు ముందుకు వచ్చాయి. ఈ ఘటనపై పంజాబ్ సీఎం భగవంత్ మాన్ విచారణ వ్యక్తం చేశారు. సాధ్యమైనంత వరక ప్రతి ఒక్కరికీ సహాయం అందించబడుతుందని వెల్లడించారు.
#WATCH | Punjab: Nine dead, 11 hospitalised in an incident of gas leak in Giaspura area of Ludhiana. Visuals from the spot as local administration and medical team reach the spot.
Local officials say that the area has been cordoned off. pic.twitter.com/moDPTVG8XS
— ANI (@ANI) April 30, 2023
#WATCH | Punjab: NDRF personnel reach the spot in Giaspura area of Ludhiana where a gas leak claimed 9 lives; 11 others are hospitalised.
Local officials say that the area has been cordoned off. pic.twitter.com/BuxUEb8SCq
— ANI (@ANI) April 30, 2023
