follow us:
అంతరిక్షంలోకి వెళ్లేంత ప్రగతి సాధించినా.. ఆడవారిని గౌరవించడంలో మాత్రం.. అంతకంతకు దిగజారుతున్నాం. ప్రస్తుంత మహిళలు అన్ని రంగాల్లో దూసుకుపోతున్నా.. అక్షరాస్యత, ఆర్థికపరంగా ఎంత అభివృద్ధి చెందినా సరే.. వారికి నేటికి కనీసం మర్యాద లభించడం లేదనేనది వాస్తవం. మరీ ముఖ్యంగా కొందరు మగవాళ్లు.. కట్టుకున్న భార్యను బానిసలా చూస్తారు. వారికి ఊడిగం చేయడానికి వచ్చిన ఓ యంత్రంలా భావిస్తారు. కనీసం మనిషిగా కూడా గుర్తించరు. ఆఖరుకు భార్య ఎంతటి ఉన్నత స్థానంలో ఉన్నా సరే ఆమెకు కనీసం విలువ ఇ‍వ్వరు. పైగా సందర్భం దొరికిన ప్రతిసారి పురుషాధిక్యతను ప్రదర్శించడానికి ప్రయత్నిస్తుంటారు.
ఈ కోవకు చెందిన సంఘటన ఒకటి తాజాగా వెలుగు చూసింది. భార్యాభర్తల మధ్య ఏదో వివాదం చోటు చేసుకుంది. సహనం కోల్పోయిన భర్త.. అందరూ చూస్తుండగానే.. ఆమె చెంప మీద కొట్టాడు. ఇక్కడ సదరు వ్యక్తి భార్య ఒక ఎమ్మెల్యే. కొన్ని లక్షల మంది ప్రజల తరఫున ప్రజాప్రతినిధిగా ఎన్నికైన ఆమెకు ఇంట్లో లభించిన గౌరవం ఇది. ఇందుకు సంబంధించిన వీడియో వైరల్ కావడంతో.. మహిళా కమిషన్‌ రంగంలోకి దిగింది. ఎమ్మెల్యే భర్త మీద కేసు నమోదు చేసింది. ఆ వివరాలు..
ఈ సంఘటన పంజాబ్‌లో చోటు చేసుకుంది. తాల్వండి, సాబో నియోజకవర్గం ఎమ్మెల్యే బల్జిందర్‌ కౌర్‌, ఆమె భర్తకి మధ్య ఏదో వివాదం చోటు చేసుకుంది. ఇద్దరు ఘర్షణ పడ్డారు. ఈ క్రమంలో ఆవేశానికి లోనైన బల్జిందర్‌ కౌర్‌ భర్త.. ఆమెపై చేయి చేసుకున్నాడు. ఆ సమయంలో అక్కడ కొందరు వ్యక్తులు కూడా ఉన్నారు. వారి ముందే భార్యపై చేయి చేసుకున్నాడు.
పక్కన ఉన్నవారు అతడిని లోపలికి తీసుకెళ్లారు. ఇందుకు సంబంధించిన వీడియో వైరల్‌గా మారింది. ఈ క్రమంలో పంజాబ్‌ యూత్‌ కాంగ్రెస్‌ అధ్యక్షుడు బ్రిందర్‌ ఈ వీడియోని ట్విట్టర్‌లో పోస్ట్‌ చేయడమే కాక.. ఇలాంటి సంఘటన చోటు చేసుకోవడం సిగ్గు చేటు అని.. ఇప్పటికైనా పురుషుల ఆలోచనా ధోరణి మారాలని కోరుకున్నారు.
ఈ వీడియో వైరల్ కావడంతో.. పంజాబ్‌ మహిళా కమిషన్‌ ఆగ్రహం వ్యక్తం చేసింది. ప్రజా సమస్యలను లేవనెత్తే మహిళలు ఇంట్లోనే ఇలా భర్త చేతిలో వేధింపులకు గురి కావడం దారుణమని పేర్కొంది. ఈ ఘటను సుమోటోగా స్వీకరిస్తూ.. చర్యలు తీసుకుంటామని తెలిపింది. అయితే సదరు ఎమ్మెల్యే దీనిపై స్పందించకపోవడం గమనార్హం. మరి ఈ సంఘటనపై మీ అభిప్రాయాలను కామెంట్స్‌ రూపంలో తెలియజేయండి.
Empowering women is not a deterrent to stop violence against women.Shocking to see @BaljinderKaur_ MLA getting slapped in broad day light.Mindset of men has to change.
The problem lies in the perpetrator’s of these acts.Change this male chauvinism attitude more then anything else pic.twitter.com/Qxm6rhrtht— Brinder (@brinderdhillon) September 1, 2022
