రంజితమే పాటకు అదిరిపోయే స్టెపులేసిన కలెక్టర్.. వీడియో వైరల్

ఇటీవల కాలంలో సరికొత్త ట్రెండ్ నడుస్తోంది. ఏదైనా సినిమాలోని పాటలు ఫేమస్ అయితే చాలు.. వాటికి డ్యాన్స్ చేస్తూ, సోషల్ మీడియాలో పోస్టు చేస్తున్నారు పలువురు నెటిజన్లు. దీనికి సెలబ్రిటీలేమీ అతీతం కాదూ. వారు సైతం ఫేమస్ పాటలకు రీల్స్, షాట్స్ రూపంలో చిందులు వేస్తూ.. వాటిని తమ సోషల్ మీడియా ఖాతాల్లో షేర్ చేస్తున్నారు. అవి కాస్తా వైరల్‌గా మారిపోతున్నాయి. వారిని ఫాలో అవుతున్న సోషల్ మీడియా సైనికులు ఆ పాటలకు కాలు కదుపుతున్నారు. ఇటువంటి వీడియోల వల్లే సామాన్యులకు సైతం మంచి పేరు కూడా వచ్చింది. ఈ ఫీవర్ అక్కడ ఇక్కడ అనేదీ లేదూ యావత్ దేశం ఈ మేనియాతో ఊగిపోతుంది. ఇప్పుడు ఓ కలెక్టర్ కూడా ఓ ఫేమస్ సాంగ్‌కు డ్యాన్స్ వేసి ఔరా అనిపించారు.

ఈ సంక్రాంతికి వచ్చి హిట్ కొట్టిన బైలింగ్వల్ మూవీ వారసుడు (తమిళంలో వారిసు). ఈ సినిమాలో రంజితమే సాంగ్ గుర్తుంది కదా. అదీ ఎంతటి హిట్ అయ్యిందో అందరికీ తెలిసిందే. రాజ్ సుందరం, శోభి, జానీ మాష్టర్స్ ఈ పాటకు కొరియోగ్రాఫర్స్. ఇప్పుడు ఈ పాటకు నెట్టింట్లో తెగ రీల్స్, షాట్స్ వస్తున్నాయి. ఆ పాటకున్న క్రేజ్ అదీ మరీ. ఈ పాట కలెక్టర్ ను సైతం కట్టిపడేసినట్లుందీ కాబోలు.. ఆమె కూడా డ్యాన్స్ చేసి అందర్నీ ఆశ్చర్యంలో ముంచెత్తారు. ఆ కలెక్టర్ పేరు కవిత రామ్. తమిళనాడులోని పుదుకొట్టై జిల్లా కలెక్టర్. అంతర్జాతీయ మహిళా దినోత్సవాన్ని పురస్కరించుకుని ఈ మార్చి 8న చేపట్టిన వేడుకల్లో ఆమె డ్యాన్స్ చేసి అబ్బురపరిచారు.

కలెక్టర్ కవిత రాము ఆధ్వర్యంలో శుక్రవారం ఈ కార్యక్రమాన్ని నిర్వహించారు. జిల్లా కలెక్టర్ కార్యాలయంలో ఏర్పాటు చేసిన కార్యక్రమంలో ప్రభుత్వ అధికారులతో కలిసి జిల్లా కలెక్టర్ కవితా రాము పాల్గొన్నారు. ఈ సందర్భంగా కార్యక్రమంలో పాల్గొన్న మహిళా అధికారులకు కలెక్టర్‌కు బహుమతులు అందజేసి అభినందించారు. అనంతరం వారిసు మూవీలోని రంజితమే రంజితమే పాటకు ఆమె అదిరిపోయే స్టెప్పులేశారు. తనతో పాటు మరికొంత మంది మహిళా అధికారులను ఉత్సాహపరుస్తూ వారితో కూడా డ్యాన్స్ చేయించారు. చీర కట్టులోనే ఆమె ఈ పాటకు కాలు కదిపారు. ప్రస్తుతం ఈ వీడియో వైరల్‌గా మారింది.

Pudukkottai collector Kavitha Ramu @kavitharamu dances to ‘Ranjithame’ song along with other women officials, as a part of International #WomensDay celebrations at the district collectorate on Friday. @xpresstn pic.twitter.com/qRaSW2F9Ho

— Iniya Nandan (@Iniyanandan25) March 10, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.