follow us:
Modi: ప్రధాని నరేంద్ర మోదీ మరోసారి ఆయన స్వచ్ఛ స్ఫూర్తిని చాటుకున్నారు. ఓ కార్యక్రమంలో భాగంగా ఢిల్లీ చేరుకున్న మోదీ.. రోడ్డుపై కనిపించిన చెత్తను స్వయంగా తొలగించారు. ఇందుకు సంబంధించిన వీడియోను కేంద్ర మంత్రి పీయూష్ గోయల్ ట్విట్టర్ లో పోస్టు చేశారు. వివరాల్లోకి వెళ్తే.. ఐటీపీఓ టన్నెల్ ప్రారంభోత్సవం సందర్భంగా ప్రధాని మోదీ చెత్తను తొలగించి, పరిశుభ్రతను నెలకొల్పాలనే అంశాన్ని చాటి చెప్పారంటూ కేంద్రమంత్రి తెలిపారు.
ఇక ఢిల్లీలో నిర్మితమైన ఐటీపీవో టన్నెల్ ప్రారంభోత్సవంలో పాల్గొన్న ప్రధాని మోదీ.. ప్రాజెక్టులో భాగంగా నిర్మించిన ఐటీపీవో టన్నెల్ ను పరిశీలించారు. ఈ క్రమంలో ఆ ఏరియాలోని రోడ్డుపై చిన్నపాటి వ్యర్థాలను గమనించిన మోదీ స్వయంగా వాటిని తొలగించారు. ప్రస్తుతం ప్రధాని చెత్తను తొలగించిన వీడియో సోషల్ మీడియాలో వైరల్ గా మారింది. ప్రధాని మోదీనే పరిసర ప్రాంతాలను తిలకిస్తూ అక్కడక్కడ చిన్నపాటి వ్యర్థాలను తొలగిస్తూ వీడియోలో కనిపించారు.
అనంతరం కార్యక్రమంలో ప్రధాని మాట్లాడుతూ.. “ప్రగతి మైదాన్ రీ డెవలప్మెంట్ ప్రాజెక్టులో అంతర్భాగమే. ఈ ప్రగతి మైదాన్ సమీకృత రవాణా కారిడార్. సెంట్రల్ ఢిల్లీలోని ప్రగతి మైదాన్ ప్రాంతంలో కేంద్రం కొత్తగా ప్రపంచ స్థాయి ఎగ్జిబిషన్, కన్వెన్షన్ సెంటర్ ను అభివృద్ధి చేస్తోంది. కోవిడ్ తో సహా అనేక అడ్డంకులు ఈ ప్రాజెక్టుకు ఎదురయ్యాయని, కానీ చివరకు సాధించామని ప్రధాని ఈ సందర్భంగా పేర్కొన్నారు. మరి ప్రస్తుతం ట్రెండ్ అవుతున్న ఈ వీడియోపై మీ అభిప్రాయాలను కామెంట్స్ లో తెలియజేయండి.
Even during inauguration of the ITPO tunnel, PM @NarendraModi ji made it a point to pick up garbage and ensure cleanliness. pic.twitter.com/HcKb76pZT3
— Piyush Goyal (@PiyushGoyal) June 19, 2022
