ఆ ఇంట్లో కట్టలుకట్టలుగా డబ్బు..! అధికారులంతా షాక్!

అవినీతి అధికారుల ధనదాహనికి అంతు ఉండదు.. వారికి ప్రభుత్వమిచ్చే జీతం కంటే.. అక్రమంగా సంపాదించే లంచం పైనే మక్కువ. కొంత మంది ఉన్నతమైన ఉద్యోగాల్లో ఉంటూ కూడా డబ్బుకి కక్కుర్తి పడుతూ లంచాలు తీసుకుంటారు. ఇలాంటి వారు కొన్ని సార్లు పాపం పండి బయట పడుతుంటారు. ఓ డ్రగ్ అధికారి లంచాలు తీసుకుంటూ కోట్ల ఆస్తులను కూడాబెట్టాడు. విజిలెన్స్ అధికారులకు దిమ్మ తిరిగిపోయే రేంజ్ లో నగదు బయటపడింది. వివరాల్లోకి వెళితే..

పాట్నా కు చెందిన జితేంద్ర కుమార్ అనే ఓ డ్రగ్స్‌ ఇన్‌స్పెక్టర్‌ సంపాదనకు మించి అక్రమాస్తులు కూడబెట్టినట్టు పక్కా సమాచారం తో విజిలెన్స్ అధికారులు ఆయన ఇంటిపై దాడి చేశారు. ఏక కాలంలో పాట్నా సహ పలు ప్రాంతాల్లో ఈ దాడులు నిర్వహించారు. అయితే విజిలెన్స్ అధికారులు చేసిన దాడుల్లో బయటపడ్డ నోట్ల కట్టలు చూసి మైండ్ బ్లాక్ అయ్యింది. జితేంద్ర కుమార్ దాచిన నోట్ల కట్టలు ఓ బెడ్ పరుపుపై పరిచినా సరిపోలేదు. మొత్తానికి ఆ డబ్బును లెక్కబెట్టడానికి అధికారులకు గంటల కొద్ది సమయం పట్టింది. మొత్తం డబ్బులో వంద నుంచి రెండు వేల నోట్ల కట్టలు ఉన్నాయి.

డ్రగ్ ఇన్ స్పెక్టర్ జితేంద్రకుమార్ వద్ద బంగారు, వెండి వస్తువులతో పాటు మూడు కోట్ల నగదు స్వాధీనం చేసుకున్నారు. 2011 లో ఆయన విధుల్లో చేరారు.. అప్పటి నుంచి అక్రమాస్తులు కూడబెడుతూనే ఉన్నారు. ఈ క్రమంలో పలు ఫిర్యాదులు రావడంతో కేసు నమోదైంది. అక్రమంగా సంపాదించిన డబ్బుతో ఇళ్లు, ఫ్లాట్లుతో పాటు ఫార్మసీ కళాశాల కూడా నిర్వహిస్తున్నట్లు అధికారులు తెలిపారు. ఓ డ్రగ్ ఇన్స్ పెక్టర్ ఇంట్లో ఇంత మొత్తంలో నగదు, పత్రాలు లభ్యమవడం రాష్ట్రంలో కలకలం రేపింది. ఈ విషయం పై మీ అభిప్రాయాలు కామెంట్స్ రూపంలో తెలియజేయండి.

#WATCH | Patna, Bihar: A team of surveillance department raided the residence of Drug Inspector Jitendra Kumar in the disproportionate assets case. A huge amount of cash, many land papers, gold, silver and four luxury cars were recovered: Surendra Kumar Maur, DSP Monitoring Dept pic.twitter.com/sukTl70OXs

— ANI (@ANI) June 25, 2022