పద్మ శ్రీ అందుకున్న హరేకల హజబ్బ.. అసలు ఎవరీ హజబ్బ?

ప్రతి మనిషి ఎదుగుదలకు ప్రశంసలు ఎంత ముఖ్యమో.. విమర్శలు అంత కన్నా ముఖ్యం. అలాంటి విమర్శలు, అవమానాలతో సమాజ సేవలో ఎంతో స్థాయికి ఎదిగి నేడు పద్మ శ్రీ పురస్కారాన్ని అందుకున్నాడు హరేకల హజబ్బ. తన సేవ గుణంతో ఎంతో మంది పిల్లలకు చదువును అందిస్తూ.. తోటి వారి కష్టాన్ని చూసి స్పందించే వ్యక్తి హజబ్బ. ఇక ఈయన సేవలను కేంద్ర ప్రభుత్వం గుర్తించి ఆయనను పద్మ శ్రీ అవార్డుతో సత్కరించింది. నేడు రాష్ట్రపతి రామ్ నాథ్ కోవింద్ చేతుల మీదుగా హజబ్బ ఈ పురస్కారాన్ని అందుకున్నాడు. సాదాసీదా పంచెకట్టుతో అమాయకంగా నడిచొస్తుంటే అందరి చూపులు హజబ్బపై పడ్డాయి. దీంతో అందరూ అసలు ఎవరీ హజబ్బ? అతను చేసిన సేవలు ఏంటంటూ నెట్టింట్లో వెతికే పనిలో పడ్డారు.

అతని పేరు హరేకల హజబ్బ.. కర్ణాటక రాష్ట్రంలో మంగళూరు ప్రాంతానికి చెందిన వాడు. కమలాలు అమ్ముకుంటూ జీవనాన్ని కొనసాగిస్తున్నాడు. అయితే ఈ క్రమంలో ఓ రోజు ఫారన్ దంపతులు పళ్లు అమ్ముతున్న హజబ్బ వద్దకు వచ్చి కిలో కమలాలు ఎంత అని ఇంగ్లీష్ లో అడిగారు. హజబ్బకు కన్నడ, మాతృభాష అరబ్బీ తప్ప మరో భాష రాదు. దీంతో వారికి సమాధానం చెప్పలేక సైగలతో సమాధానం చెప్పే ప్రయత్నం చేశాడు. దీంతో ఆ ఫారన్ దంపతులు అతని వంక చూస్తూ ఎగతాళి చేశారు. ఇక దీనిని అవమానంగా భావించిన హజబ్బ కొంతకాలం చాలా బాధపడ్డాడు.

అక్కడ జరిగిన అవమానాన్ని భరించని హజబ్బ తన గ్రామంలోని పిల్లలకు భవిష్యత్ లో ఇలాంటి అవమానాలు రాకుడదని భావించాడు. ఇక పైసా పైసా కూడబెట్టి తనే స్వయంగా ఓ పాఠశాలను నిర్మించాలని బలంగా అనుకున్నాడు. తను మనసులో అనుకున్నది బలంగా నమ్మిన హజబ్బ 2001 జూన్‌ నాటికి ప్రభుత్వం, దాతల సాయంతో 8 తరగతి గదులు, రెండు మరుగుదొడ్లతో స్కూలు నిర్మాణం పూర్తి చేశాడు. ఆ తర్వాత నుంచి హై స్కూల్ ను కూడా పూర్తి చేసి ఎన్నో అవార్డులు అందుకున్నాడు.

ఇక ఇంతటితో సంతృప్తి హజబ్బ భవిష్యత్ పిల్లల కోసం మరిన్ని విద్యాసంస్థలు నిర్మించి గ్రామంలో ఫ్రీ యూనివర్సిటీ కళాశాలను నిర్మించాలని కలలు కంటున్నాడు. హజబ్బ చేస్తున్న సమాజ సేవకు అతనిని కేంద్ర ప్రభుత్వం పద్మ శ్రీ పురస్కారంతో సత్కరించాలని భావించి 2020 సంవత్సారినికి గాను ఆయనను పద్మ శ్రీ అవార్డుకు ఎంపిక చేసింది. అయితే ఎప్పుడో అందాల్సిన పద్మ శ్రీ పురస్కారాలు కరోనా నేపథ్యంలో వాయిదా పడి నేడు రాష్ట్రపతి చేతుల మీదుగా అందరికి అందించారు.

ఇలా ఎన్నో సంస్థలు హజబ్బ అవార్డులతో పాటు ఆర్థిక సాయంతో సత్కరించాయి. అలా వచ్చిన డబ్బులను సేవలకు ఖర్చు చేస్తూ ఇప్పటికీ సొంత ఇల్లు లేకుండా ఉన్నాడు మన హరేకల హజబ్బ. ఇలా సమాజ సేవ కోసం అహర్నిశలు కృషి చేస్తున్న హజబ్బ సేవలను అందరూ కొనియాడుతూ సలాం హజబ్బ అంటున్నారు. సొంత ఇల్లు కూడా లేకుండా సమాజ సేవ చేస్తున్న హరేకల హజబ్బ సేవా గుణంపై మీ అభిప్రాయాలను కామెంట్ రూపంలో తెలియజేయండి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.