follow us:
ఈ బిజీ లైఫ్ లో తమకంటూ కొంత స్పేస్ లేదని బాధపడుతున్న ఉద్యోగులు ఎంతో మంది. తమ వ్యాపకాలకు, అభిరుచులకు సమయాన్ని కేటాయించలేక పోతున్నామని భావిస్తున్నారు. కేవలం డబ్బు సంపాదన కోసం మర యంత్రాలుగా మారిపోయిన నేటి సమాజంలో నుండి ఎక్కడికైనా దూరంగా వెళ్లిపోవాలని భావిస్తుంటారు
ఉదయం 10 గంటల నుండి సాయంత్రం 6 గంటల వరకు ఉద్యోగం చేసి..ఇంటికి వచ్చి మళ్లీ కంప్యూటర్ ముందో లేదో ఇతర పనులతో బిజీగా మారిపోవడాన్ని ఇష్టపడటం లేదు చాలా మంది. తమకంటూ కొంత స్పేస్ లేదని బాధపడుతున్న ఉద్యోగులు ఎంతో మంది. తమ వ్యాపకాలకు, అభిరుచులకు సమయాన్ని కేటాయించలేకపోతున్నామని భావిస్తున్నారు. కేవలం డబ్బు సంపాదన కోసం మర యంత్రాలుగా మారిపోయిన నేటి సమాజంలో నుండి ఎక్కడికైనా దూరంగా వెళ్లిపోవాలని భావిస్తుంటారు. అయితే కుటుంబం, బంధాలు, అవసరాలు వారిని కట్టిపడేస్తున్నాయి. ఇక తప్పదు అన్నట్లు మళ్లీ క్యారేజీ సర్దుకుని, ఉరుకుల పరుగుల మీద ఆఫీసులకు వెళుతుంటారు. కానీ ఆ యువతి మాత్రం.. ఈ రోటీన్ లైఫ్ కు భిన్నంగా బతకాలని నిర్ణయించుకుంది. ఉద్యోగాన్ని వదిలేసి ఏం చేసిందంటే..?
తనకు ఇష్టమైన జీవితాన్ని గడిపేందుకు ఉద్యోగాన్ని వదిలేసి, విదేశాలను చుట్టి వస్తుంది ఆకాంక్ష మోంగా అనే యువతి. ఆమె వదిలేసిన ఉద్యోగం అల్లాటప్పా జాబ్ కాదు. ప్రముఖ సంస్థ లింక్డ్ ఇన్ సంస్థలో ఉద్యోగాన్నే కాదనుకుంది. ట్రావెలింగ్ అంటే అమితమైన ఇష్టం ఆకాంక్షకు. ఇప్పుడు దీన్ని ఫుల్ టైమ్ వృత్తిగా ఎంచుకుంది. విదేశాలను చుట్టి వస్తూ వాటికి సంబంధించిన సమాచారాన్ని సోషల్ మీడియా వేదికగా పంచుకుంటూ ఉంటుంది. ఆమె ఉద్యోగాన్ని విడిచి పెట్టి ఈ నెల 17వ తేదీకి సరిగ్గా సంవ్సతరం అయిపోయింది. ఈ సందర్భాన్ని పురస్కరించుకుని ఆకాంక్ష ట్విట్టర్ లో పోస్టు పెట్టింది.
2020లో ఢిల్లీలోని హిందూ కళాశాల నుంచి కామర్స్‌లో పట్టా పొందిన ఆకాంక్ష ..ఏడాది పాటు బైన్ అండ్‌ కంపెనీలో అనలిస్ట్‌గా పనిచేసింది. అనంతరం లింక్డ్‌ఇన్‌లో క్రియేటర్ మేనేజర్ అసోసియేట్‌గా చేరింది. అక్కడ చేరిన ఆరు నెలలకే ఆ ఉద్యోగంలో సంతృప్తి లేదని భావించి దానికి రాజీనామా చేసి ట్రావెలింగ్ చేస్తోంది. తన ట్రిప్పులకు సంబంధించిన వీడియోలను ఇన్ స్టాలో షేర్ చేస్తూ .. ఫేమస్ అయ్యింది. డబ్బులు సేవ్ చేసుకుంటూ ఎలా ట్రావెల్ చేయాలి. ఎక్కడ ఎలాంటి ఫుడ్ లభిస్తుందితో పాటు ఫన్నీ వీడియోలు చేస్తోంది. కొత్త ప్రాంతాలను చుట్టి వస్తూ సోషల్ మీడియా మంచి ఫాలోయింగ్‌ను సంపాదించుకుంది. ఏడాది క్రితం ఇన్‌స్టాగ్రామ్‌లో ఆమెకున్న ఫాలోవర్లు 2.5 లక్షల మంది. ఇప్పుడామె ఫాలోవర్ల సంఖ్య సుమారు 7 లక్షలకు పెరిగింది.
I quit my job at LinkedIn.
Last year, on this very date.
When I left, I promised to give myself 1 year to focus on my passion and travel the world full time.
When I left I was burnt out,had 250k followers on IG, worked alone.
Want to know how it’s going now? 🌻 pic.twitter.com/NJzNgKrOjQ
— Aakanksha Monga (@Aakanksha_99) May 17, 2023
View this post on Instagram
