follow us:
గత కొంత కాలంగా బంగారం రేటు విపరీతంగా పెరిగిపోతూ వస్తుంది. బంగారం రేటు ఎంత ఉన్నా వినియోగదారులు పోటీ పడీ మరి కొంటున్నారు. అందుకే దేశంలో బంగారానికి చాలా డిమాండ్ ఉంది. ఇందుకోసం కొంత మంది కేటుగాళ్లు గోల్డ్ స్మగ్లింగ్ కు పాల్పడుతున్నారు. దొంగతనంగా బంగారాన్ని స్మగ్లింగ్ చేస్తున్న ఎన్నో సార్లు కస్టమ్స్ అధికారులు వారిని పట్టుకుంటూనే ఉన్నారు. దానికి తగ్గట్టుగానే స్మగ్లర్లు కొత్త కొత్త పద్దతుల్లో రెచ్చిపోతున్నారు.
తమ శరీరఅవయవాల్లో గోల్డ్‌ను పెట్టుకుని వచ్చి అడ్డంగా దొరికిపోతున్న సంఘటనలను చూస్తూనే ఉన్నాం. కొంత మంది స్మగ్లర్లు వేసే ఐడియాలు చూసి కస్టమ్స్ ఆఫీసర్లు ఖంగుతింటుంటారు. ఓ వ్యక్తి బంగారం చాలా విచిత్రమైన పద్దతిలో తీసుకు వచ్చాడు. అబుదాబీ నుంచి అక్రమంగా బంగారం తీసుకు వస్తుండగా ఇందిరాగాంధీ ఇంటర్నేషనల్ ఎయిర్ పోర్ట్ సిబ్బంది పట్టుకున్నారు.
ఆ వ్యక్తి బట్టతలను కవర్ చేస్తూ విగ్గు పెట్టుకున్నాడు.. అందులో బంగారం స్మగ్లింగ్ కు పాల్పడుతున్న ఓ వ్యక్తిని విమానాశ్రయ సిబ్బంది అదుపులోకి తీసుకున్నారు. దాదాపు 630.45 గ్రాముల బంగారాన్ని కస్టమ్స్ అధికారులు స్వాధీనం చేసుకున్నారు. ఈ గోల్డ్ విలువ సుమారు రూ.30.55 లక్షలు ఉంటుందని, నిందితున్ని అరెస్ట్ చేసి దర్యాప్తు చేస్తున్నట్లు అధికారుల తెలిపారు.
#WATCH | Delhi: A gold smuggling case booked on a passenger from Abu Dhabi at IGI Airport T3; approx 630.45g of gold worth Rs 30.55 lakhs was concealed inside his wig & rectum. Accused arrested; further probe underway: Customs Commissioner Office
(Source: Delhi Customs) pic.twitter.com/2faJD8f1Vu
— ANI (@ANI) April 20, 2022
