‘లక్నో అమ్మాయిని అరెస్టు చేయండి’!.. వీడియో వైరల్!!.

‘అరెస్టు లక్నోగర్ల్’…
‘లక్నో అమ్మాయిని అరెస్టు చేయండి’…
ఉత్తర ప్రదేశ్‌లోని లక్నో న‌గ‌రంలో నడిరోడ్డుపై ఓ యువతి చేసిన రచ్చ వీడియో సోషల్‌ మీడియాలో వైరల్ అవుతోంది. పై నినాదాలతో ‘హ్యాష్‌ట్యాగ్స్’ సోషల్‌ మీడియాలో వైరల్‌ అవుతున్నాయి. లక్నోలోని అవధ్‌ ట్రాఫిక్‌ సిగ్నల్‌ దగ్గర ఈ ఘటన చోటు చేసుకుంది. ఓ వ్యక్తిని నడిరొడ్డులో ఓ యువతి కొడుతూ ఉండడం అందులో ఉంది. ట్రాఫిక్‌ కానిస్టేబుల్‌తో సహా అక్కడున్నవాళ్లంతా ఆ తతంగం చూస్తూ ఉండిపోయారు. అతడి సెల్ ఫోన్ ని లాక్కుని విసిరి కొట్టింది. గొడవను నివారించడానికి మధ్యలో వచ్చిన వ్యక్తిపైనా, చివరికి ట్రాఫిక్ కానిస్టేబుల్ పైన కూడా చెయ్యి చేసుకునేంత పని చేసింది. దాంతో వాళ్ళు కూడా హడలిపోయారు.

‘మహిళా పోలీసులనెవరినైనా పిలవాల’ని ‘ఈమె నుంచి తనను రక్షించాల’ని ఆ డ్రైవర్ మొత్తుకున్నా ఫలితం లేకపోయింది. రోడ్డుపై మూగిన వారంతా ఇదేదో సినిమాలా చోద్యం చూస్తూ నిలబడ్డారు. అనేకమంది తమ సెల్ ఫోన్లలో వీడియో తీస్తూ బిజీ అయిపోయారు. ఆ లేడీ నుంచి ఆ డ్రైవర్ ను కాపాడడానికి ఎవరూ ముందుకు రాలేదు. అతడు తన వాహనంతో తనను ఢీ కొట్టాడని అయినా మీరెందుకు జోక్యం చేసుకుంటున్నారని ఆమె దురుసుగా సమాధానమిచ్చింది. కారణం అడుగుతుంటే ఆ వ్యక్తి ఫోన్‌ను లాక్కుని మరీ పగలకొట్టింది.

అడ్డొచ్చిన మరో వ్యక్తిని కాలర్‌ లాగి మరీ కొట్టింది .జీబ్రా క్రాసింగ్ వద్ద ఈ సంఘటన జరిగినట్లు వీడియో చూపిస్తుంది. ఈ ఘటన కారణంగా భారీ ట్రాఫిక్ జామ్‌కు దారితీసింది. ట్రాఫిక్ పోలీసు సిబ్బంది జోక్యం చేసుకోవడానికి ప్రయత్నించినప్పటికీ, ఆ అమ్మాయి క్యాబ్ డ్రైవర్‌ని చెంపదెబ్బలు కొట్టడం కొనసాగించింది. ఆ అమ్మాయి స్థానంలో ఒక వ్యక్తి ఉంటే, ఇలాగే ఉంటామా అని ఆశ్చర్యపోతున్నారు. ఈ వీడియోని గుంపులోని ప్రేక్షకుల్లో ఒకరు రికార్డ్ చేసినట్లు తెలుస్తోంది.

This is absolutely disgusting, what happened in Lucknow and everyone only watching there Pouting face
#ArrestLucknowGirl

@Uppolice @myogiadityanath pic.twitter.com/i2u395iZMr

— Archana Dalmia (@ArchanaDalmia) August 2, 2021