వీడియో: ఎమ్మెల్యే చెంప పగలగొట్టిన మహిళ.. ఇలా చేస్తావా అంటూ..

ప్రజా ప్రతినిధులు ఎన్నికల్లో పాల్గొనే ముందు ప్రజలకు మేము ఇది చేస్తాం అది చేస్తాం అంటూ అరచేతిలో స్వర్గం చూపిస్తారు. శక్తికి మించిన హామీలను ఇచ్చి ఓట్లు దండుకుంటారు. తీరా గెలిచాక ముఖం చాటేస్తారు. మరి అలా చేస్తే ప్రజలు ఊరుకుంటారా వారి స్టైల్లో ట్రీట్ మెంట్ ఇస్తారు. సరిగ్గా ఇదే రీతిలో ఓ రాష్ట్రంలో ఓ ఎమ్మెల్యేపై జనం ఎదురుతిరిగారు. మాకిచ్చిన హామీలు నెరవేర్చలేదంటూ ఆగ్రహం వ్యక్తం చేశారు. అందులో ఓ మహిళ కోపంతో ఊగిపోతూ అందరు చూస్తుండగానే ఎమ్మెల్యే చెంప పగలగొట్టింది. ఈ హఠాత్పరిణామంతో ఎమ్మెల్యే షాక్ కు గురయ్యాడు. దీనికి సంబంధించిన వీడియో సోషల్ మీడియాలో వైరల్ గా మారింది. అసలు ఎవరు ఆ ఎమ్మెల్యే? ఆ మహిళ ఎందుకు చేయి చేసుకుంది? అనే వివరాలు ఇప్పుడు తెలుసుకుందాం.

గత కొద్ది రోజులుగా హర్యానాలో భారీ వర్షాలు కురుస్తున్నాయి. ఎడతెరిపి లేని వర్షాలతో వాగులు, నదులు పొంగిపొర్లుతున్నాయి. దీంతో విపరీతమైన వరదలు ఏర్పడి జనజీవనం అస్థవ్యస్తమైంది. భారీ వర్షాలకు ఘగ్గర్ నదిపై ఉన్న చిన్న డ్యామ్‌ దెబ్బతింది. ఈ కారణంగా దిగువ ప్రాంతమైన ఘులా ప్రాంతం వరదకు గురయ్యింది. తాగేందుకు నీరు లేక, తినడానికి ఏమీ లేక ప్రజలు అలమటిస్తున్నారు. కాగా ప్రజా ప్రతినిధులు ఎవరూ కూడా తమను ఆదుకోవడం లేదంటూ ప్రజలు ఆగ్రహం వ్యక్తం చేస్తున్నారు. ఈ క్రమంలో వరద బాధితులను పరామర్శించడానికి జననాయక్ జనతా పార్టీ ఎమ్మెల్యే ఈశ్వర్ సింగ్ అక్కడికి వచ్చారు.

అతడు అక్కడికి రాగానే వరద బాధితులు చుట్టుముట్టారు. అధికారులు ముందస్తు చర్యలు తీసుకుని ఉంటే ఈ పరిస్థితి వచ్చేది కాదని జనం ఆ ఎమ్మెల్యేపై ఆగ్రహం వ్యక్తం చేశారు. జనమంతా వరదలతో ఉక్కిరిబిక్కిరి అవుతుంటే పేరంటానికి వచ్చినట్టు ఇంత ఆలస్యంగా వస్తారా? అంటూ ఎమ్మెల్యేని ప్రశ్నించారు. అలా ప్రశ్నిస్తున్న సమయంలోనే ఓ మహిళ తన చేతికి పని చెప్పింది. ఆగ్రహంతో ఎమ్మెల్యే చెంప పగలగొట్టింది. ఈ షాకింగ్ ఘటనతో ఎమ్మెల్యే నివ్వెరపోయాడు. ఎమ్మెల్యేను ఆయన వ్యక్తిగత భద్రతా సిబ్బంది స్థానికులన నుంచి రక్షించారు. ఆ తరువాత ఎమ్మెల్యే మీడియాతో మాట్లాడుతూ.. ప్రకృతి విపత్తు వల్లే వరదలు సంబవించాయని, జనాగ్రహాన్ని తాను తప్పుబట్టట్లేదని, తనపై చేయి చేసుకున్న మహిళను క్షమిస్తున్నానని, ఆమెపై ఏవిధమైన చర్యలు తీసుకోను అంటూ స్పష్టం చేశారు.

#WATCH | Haryana: In a viral video, a flood victim can be seen slapping JJP (Jannayak Janta Party) MLA Ishwar Singh in Guhla as he visited the flood affected areas

“Why have you come now?”, asks the flood victim pic.twitter.com/NVQmdjYFb0

— ANI (@ANI) July 12, 2023