follow us:
నేటికాలంలో సినిమాల ప్రభావం యువతపై బాగానే ఉంది. అందులో జరిగే ఫైట్లు, స్టంట్లు ఓ రేంజ్ లో ఉంటాయి. హీరో, విలన్ ల మధ్య కార్లతో చేసే విన్యాసాలు మాములుగా ఉండవు. హీరో ఎదురుగా ఏదైన పెద్ద వాహనం వచ్చినా దానికి అందనంత ఎత్తులో గాల్లోకి ఎగిరి, తిరిగి కిందకి సింపుల్ గా దింపుతాడు. ఇలాంటి సీన్లు సినిమాల్లో ఒకటి కాదు అనేకం ఉంటాయి. సినిమాలు చూసే వారికి ఈ సీన్ల గురించి బాగానే తెలుసు. రియల్ లైఫ్ లో ఇవి ఆచరణ సాధ్యం కావని కూడా తెలుసు. కానీ, కొందరు సినిమాల్లో మాదిరే స్టంట్లు చేద్దామని ప్రయత్నించి మృత్యువాత పడుతున్నారు. మరికొందరు గాయాలతో ఆసుపత్రి పాలవుతున్నారు. తాజాగా ఓ యువకుడు కారుతో విన్యాసాలు చేసే ప్రయత్నం చేశాడు. అది బెడిసి కొట్టింది. అయితే చివరికి ఏమయ్యాడు అనేది పూర్తి వివరాల్లోకి వెళ్లి తెలుసుకుందాం..
హిమాచల్ ప్రదేశ్ లోని సోలన్ జిల్లా పరిధిలో 5వ నంబర్ జాతీయ రహదారిపై అమృత్ సర్ కు చెందిన ఓ వ్యక్తి కారులో వెళుతున్నాడు. రోడ్డు మధ్యలో ఎత్తయిన డివైడర్ కూడా ఉంది. దీంతో తన మార్గంలో వెళుతున్న సదరు వ్యక్తి ఎదురుగా వాహనాలు రావన్ని స్టంట్లు చేయడం మొదలు పెట్టాడు. కారును అటు ఇటు తిప్పుతూ రోడ్డు మొత్తం కారుతో హంగామా చేశాడు. కొన్ని మూల మలుపు వద్ద సైతం కారును ఓ రేంజ్ లో కటింగ్ ఇచ్చాడు. ఈ క్రమంలో ఒక్కసారిగా కారును కుడివైపునకు తిప్పి డివైడర్ ఎక్కించేశాడు. అది డివైడర్ ను బలంగా తాకడంతో పాటు అవతలి వైపు మార్గంలోకి దూసుకుపోయింది. అటుగా వస్తున్న రెండు, మూడు వాహనాలను తప్పించుకుని.. ప్రక్కన ఉన్న రెయిలింగ్ ని సైతం ఢీ కొట్టింది.
ఈ ప్రమాదంలో కారు నడుపుతున్న వ్యక్తి గాయాలతో ప్రాణాపాయం నుంచి బయటపడ్డాడు. కానీ, కారు మాత్రం బాగా డ్యామేజ్ అయింది. ధరంపూర్ పోలీస్ స్టేషన్ లో సదరు వ్యక్తిపై కేసు నమోదైంది. ర్యాష్ డ్రైవింగ్ తో విన్యాసాలకు పాల్పడినట్టు పోలీసులు తెలిపారు. పరిధి దాటి ఏ పని చేసిన అది నష్టాన్ని చేకూరుస్తుందని స్థానికులు అభిప్రాయం వ్యక్తం చేశారు. దీనికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. మరి.. ఈ ఘటనపై మీ అభిప్రాయాలను కామెంట్స్ రూపంలో తెలియజేయండి.
#WATCH | HP: A video went viral showing a car jumping over a divider & colliding with railing on NH-5 in Solan; a resident from Amritsar tried performing stunts while rash driving. Vehicle damaged but driver safe. Case filed u/s 279 of IPC in Dharampur PS: Solan Police (25.07) pic.twitter.com/o5ajWRJuiG
— ANI (@ANI) July 25, 2022
