పట్టాలు తప్పిన రైలు.. తృటిలో పెను ప్రమాదం..

ఒడిశాలోని బాలాసోర్‌లో జరిగిన రైళ్ల ప్రమాదం తీవ్ర విషాదాన్ని నింపింది. ఈ ఘటనలో ఇప్పటికే సుమారు 290 మంది మృతి చెందారు. ఇంకా లెక్క తేలని మృతదేహాలెన్నో. తమ వారి జాడ తెలియక ఆందోళన చెందుతున్నారు కొందరు. ఇక క్షతగాత్రుల సంఖ్య చెప్పనక్కర్లేదు. సుమారు 800 మందికి పైగా తీవ్ర గాయాలయ్యాయి. వీరిలో అనేక మంది పరిస్థితి విషమంగా ఉంది. ఇంతటి విపత్తు జరిగిన రైల్వే అధికారుల నిర్లక్ష్యంలో ఏ మాత్రం మార్పు ఉండటం లేదు. రైలు పట్టాల మీద బతుకులతో చెలగాటాలు ఆడుతున్నారు. సికింద్రాబాద్-అగర్తలా ఎక్స్‌ప్రెస్‌ను బి5 బోగీలో మంటలు చెలరేగాయి. నిన్నటికి నిన్నసీల్దా-అజ్మీర్ ఎక్స్‌ప్రెస్ రైలు జనరల్ కోచ్‌లలో మంటలు చెలరేగాయి. ఇప్పుడు తృటిలో పెను ప్రమాదాలు తృటిలో తప్పాయి.

మధ్యప్రదేశ్‌లో గ్యాస్ ట్యాంకర్లను మోసుకెళుతున్న గూడ్సు రైలుకు పెను ప్రమాదం తప్పింది. ఈ ఘటన మంగళవారం జబల్‌పూర్ జిల్లాలోని షాపురా భిటోని స్టేషన్‌లోని భారత్ పెట్రోలియం డిపో సమీపంలో ఈ ఘటన చోటుచేసుకుంది. జబల్‌పూర్ జిల్లాలోని భారత్ పెట్రోలియంకు చెందిన ఎల్పీజీ గ్యాస్ ట్యాంకర్లను తీసుకెళ్లున్న గూడ్సు రైలు నుండి రెండు వ్యాగన్లు ఒక్కసారిగా పట్టాలు తప్పాయి. వ్యాగన్లు పట్టాలు తప్పడాన్ని గ్రహించిన లోకో పైలట్.. వెంటనే రైలును నిలిపివేశారు. సమాచారం అందుకున్న రైల్వే అధికారులు సంఘటనా స్థలానికి చేరుకుని సహాయక చర్యలు చేపట్టారు.

పట్టాలు తప్పిన వ్యాగన్లను తొలగిస్తున్నారు. అలాగే న్యూఢిల్లీ-భువనేశ్వర్ రాజధాని ఎక్స్‌ప్రెస్ (రైలు నెం. 22812)కు తృటిలో ప్రమాదం తప్పింది. సంతాల్దిహ్ రైల్వే క్రాసింగ్ సమీపంలో రైల్వే గేట్‌ను ట్రాక్టర్ ఢీకొంది. ట్రాక్టర్ రైల్వే ట్రాక్, గేట్ మధ్య ఇరుక్కుపోయింది. వెంటనే ట్రైన్‌ను ఆపు చేయడంతో పెను ప్రమాదం తప్పింది. బొకారో జిల్లాలోని భోజుడిహ్ రైల్వే స్టేషన్ సంతాల్దిహ్ రైల్వే క్రాసింగ్ వద్ద ఈ సంఘటన జరిగింది.

#WATCH | Two wagons of LPG rake of a goods train derailed while being placed for unloading last night in Shahpura Bhitoni, Jabalpur of Madhya Pradesh. Train movement is normal in main line. Restoration work started after sunrise in the presence of siding authorities. Fitness… pic.twitter.com/F2StcFHDFi

— ANI (@ANI) June 7, 2023