follow us:
ఇటీవల ఇంటి ముందు పార్క్ చేసి ఉంచిన వాహనాలకు భద్రత లేకుండా పోతుంది. కేటుగాళ్లు రాత్రి పూట బైక్స్ లో పెట్రోలు కాజేయడం.. కార్లు ఇతర వాహనాల టైర్లు తీసుకొని వెళ్లడం లాంటివి చేస్తున్నారు. కొంతమంది సైకో లు వాహనాలకు నిప్పులు పెడుతున్న ఘటనలు కూడా వెలుగులోకి వచ్చాయి.
సాధారణంగా పట్టణాల్లో నివాసస్థలాలు చాలా ఇరుకుగా ఉంటారు. రోజంతా పనులపై తిరిగి వచ్చి రాత్రి తమ బైకులు, కార్లు ఇంటి ముందు కానీ లేదా ఇంటి ఆవరణలో పార్కింగ్ చేస్తుంటారు. ఇటీవల బయట పార్క్ చేసిన వాహనాలు సేఫ్టీగా ఉంటాయన్న ధీమా లేకుండా పోతుంది. కొంతమంది కేటుగాళ్లు టైర్లు, విలువైన వస్తువులు.. పెట్రోల్ దొంగతనాలు చేస్తున్నారు. కొంతమంది ఆకతాయిలు సీట్లు చింపడం, నిప్పు పెట్టడం లాంటివి చేస్తుంటారు. ఢిల్లీలో ఓ మహిళ రాత్రిపూట సైకోగా మారి ఇళ్లముందు ఉన్న బైకులకు నిప్పుపెడుతుంది. ఈ దృశ్యాలు సీసీ కెమెరాలో రికార్డు అయ్యాయి.. ప్రస్తుతం సోషల్ మీడియాలో వైరల్ గా మారాయి.
ఇటీవల పట్టణాల్లో ఇంటి ముందు పార్క్ చేస్తున్న వాహనాలకు ఏమాత్రం భద్రత లేకుండా పోతున్నాయి. తెల్లవారి తమ బైకులు, కార్లు సరిగా ఉన్నాయా లేదా అని చెక్ చేసుకోవాల్సిన దుస్థితి ఏర్పడుతుంది. దేశరాజధాని ఢిల్లీలో ఓ మహిళ చేసిన పనికి అందరూ షాక్ తింటున్నారు. సైకోగా మారిన ఓ మహిళ ఇంటి ముందు పార్క్ చేసిన వాహనాలకు నిప్పు పెడుతూ పైశాచిక ఆనందాన్ని పొందుతుంది. అందరూ పడుకున్న తర్వాత మహిళ బయటకు వచ్చి అటూ ఇటూ తిరుగుతూ.. బైక్ వద్దకు వెళ్లి పెట్రోల్ లీక్ చేసి అగ్గిపుల్ల వెలిగించి నిప్పు పెట్టి పారిపోతుంది. దీనికి సంబంధించిన దృశ్యాలు సీసీ కెమెరాలో రికార్డు అయి సోషల్ మీడియాలో వైరల్ అవుతున్నాయి.
గత కొంతకాలంగా ఆ మహిళ బయట పార్క్ చేసి ఉన్న బైకుల వద్దకు వెళ్లి చుట్టుపక్కల ఎవరూ లేరని నిర్ధారణ చేసుకొని బైక్ నుంచి పెట్రోల్ లీక్ చేసి నిప్పు పెట్టి దర్జాగా అక్కడ నుంచి వెళ్లిపోతుంది. ఉదయం తమ వాహనాలు కాలిపోయి ఉండటంతో యజమానులు లబోదిబో అంటున్నారు. తాజాగా ఈ ఘటన ఢిల్లీ.. జైత్ పూర్ పోలీస్ స్టేషన్ పరిధిలో జరిగింది. మొదట ఓ బైక్ కి నిప్పు పెట్టి అది కాలుతుండగానే.. మరో బైక్ వద్దకు వెళ్లి కాల్చే ప్రయత్నం చేస్తుండగా స్థానికులు ఆమెను పట్టుకున్నారు. సదరు మహిళ మానసిక పరిస్థితి బాగాలేనట్టు కనిపిస్తుందని స్థానికులు అంటున్నారు. సీసీ కెమెరాలో రికార్డు అయిన దృశ్యాల ఆధారంగా చర్యలు తీసుకుంటామని పోలీసులు అంటున్నారు.
#WATCH | A woman was found taking out petrol from a bike and setting it on fire in Jaitpur police station area of Delhi’s South East District last night. She was later trying to put another bike on fire during which locals caught her and handed her over to police: Delhi Police… pic.twitter.com/EXqSZ1f8nQ
— ANI (@ANI) May 12, 2023
