దేశంలో భారీగా తగ్గిన కరోనా కేసులు!

దేశంలో సెకండ్ వేవ్ తర్వాత కరోనా కేసులు తగ్గడంతో రాష్ట్ర ప్రభుత్వాలు లాక్ డౌన్ ఎత్తివేయడం.. ఆంక్షలు సడలించడం జరిగింది. దీంతో ప్రజలు తిరిగి తమ పనుల్లో బిజీ అయ్యారు. సెకండ్ వేవ్ ప్రభావం తగ్గింది అనుకున్నలోపు కరోనా కొత్త వేరియంట్ ఒమిక్రాన్ రూపంలో మళ్లీ విజృంభణ కొనసాగింది. కరోనా కొత్త వేరియంట్ ఒమిక్రాన్ ప్రభావంతో పది వేల నుంచి రెండున్న లక్షల పైగా కేసులు నమోదు అయ్యాయి. దేశ వ్యాప్తంగా కరోనా వ్యాక్సినేషన్ యుద్ద ప్రాతిపదికన కొనసాగుతుంది. దీంతో ఒమిక్రాన్ ప్రభావం ప్రాణాలపై పెద్దగా పడలేదు.

ఇది చదవండి: ఆపరేషన్‌ చేస్తే వీణా-వాణీలకు ముప్పు.. హైకోర్టుకు తెలిపిన వైద్యులు

ఇటీవల కరోనా కేసులు మెల్లి మెల్లిగా తగ్గు ముఖం పడుతున్నాయి. శుక్రవారం ఉదయం నుంచి శనివారం ఉదయం వరకు మరో 1,27,952 మందికి వైరస్​ నిర్ధరణ అయింది. కిందటి రోజుతో పోలిస్తే 14 శాతం తక్కువగా కొత్త కేసులు ఉన్నాయి. గడిచిన 24 గంటల్లో వైరస్ తో 1,059 మంది ప్రాణాలు కోల్పోయారు. దేశంలో మొత్తం మరణాల సంఖ్య 5,01,114కి పెరిగింది. గత 24 గంటల్లో కరోనా నుంచి 2,30,814 కోలుకున్నారు. దీంతో ఇప్పటివరకు దేశంలో కరోనాను జయించిన వారి సంఖ్య 4,02,47,902కి చేరింది. ప్రస్తుతం దేశంలో 13,31,648 కరోనా యాక్టివ్ కేసులు ఉన్నాయి. ఈ మేరకు కేంద్ర ఆరోగ్య మంత్రిత్వ శాఖ బులిటెన్‌ విడుదల చేసింది.

ఇది చదవండి: ‘జాతి రత్నాలు’ ఫేమ్ రాహుల్ రామ‌కృష్ణ సంచ‌ల‌న నిర్ణ‌యం!

ఇదిలా ఉంటే.. కొత్తగా నమోదవుతున్న కేసులు తగ్గుముఖం పడుతుండటంతో కరోనా పాజిటివిటీ రేట్ కూడా భారీగా తగ్గింది. దేశంలో పాజిటివిటీ రేటు 7.98 శాతంగా ఉందని కేంద్ర ఆరోగ్య శాఖ తెలిపింది. ప్రస్తుతం దేశంలో కరోనా రికవరీ రేటు.. 95.64 శాతం, యాక్టివ్ కేసులు 3.16 శాతం, మరణాల రేటు 1.19 శాతంగా ఉన్నాయి. మరోవైపు దేశంలో కరోనా వ్యాక్సినేషన్ ప్రక్రియ వేగంగా కొనసాగుతుంది. నిన్న (ఫిబ్రవరి 4) దేశవ్యాప్తంగా 47,53,081 డోసుల కోవిడ్ వ్యాక్సిన్ పంపిణీ జరిగింది. దీంతో ఇప్పటివరకు 1,68,98,17,199 డోసుల వ్యాక్సిన్ పంపిణీ జరిగినట్టుగా కేంద్ర ఆరోగ్య శాఖ వెల్లడించింది. కరోనా కేసులు తగ్గుముఖం పట్టడంతో వివిధ రాష్ట్రాలు కరోనా ఆంక్షలను సడలిస్తున్నాయి.

India reports 1,27,952 fresh #COVID19 cases, 2,30,814 recoveries, and 1059 deaths in the last 24 hours.

Active cases: 13,31,648
Death toll: 5,01,114
Daily positivity rate: 7.98%

Total vaccination: 1,68,98,17,199 pic.twitter.com/HAWlsyMnp0

— ANI (@ANI) February 5, 2022

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.