సంకల్ప బలముంటే ఏదైనా సాధ్యమే.. కావాల్సిందల్లా కాసింత కృషి, పట్టుదల మాత్రమే. సాహసాలు చేయడానికి వయసుతో సంబంధం లేదు అని నిరూపించారు ఓ రాష్ట్ర కాంగ్రెస్ పార్టీకి చెందిన 70 ఏళ్ల వయసున్న మంత్రి. స్కై డైవింగ్ చేసి అందరినీ అబ్బురపరిచారు.
సంకల్ప బలముంటే ఏదైనా సాధ్యమే.. కావాల్సిందల్లా కాసింత కృషి, పట్టుదల మాత్రమే. సాహసాలు చేయడానికి వయసుతో సంబంధం లేదు అని నిరూపించారు ఓ రాష్ట్ర కాంగ్రెస్ పార్టీకి చెందిన 70 ఏళ్ల వయసున్న మంత్రి. స్కై డైవింగ్ చేసి అందరినీ అబ్బురపరిచారు.
ఛత్తీస్ గఢ్ రాష్ట్రానికి చెందిన ఆరోగ్యశాఖ మంత్రి టిఎస్ సింగ్ డియో ఓ అరుదైన సాహసానికి పూనుకున్నారు. ఏడుపదుల వయసులో స్కై డైవింగ్ చేసి అరుదైన రికార్డును సొంతం చేసుకున్నారు. ఆరోగ్యశాఖ మంత్రి అయిన సింగ్ డియో ఆస్ట్రేలియాలో పర్యటిస్తున్నారు. ఈ క్రమంలోనే ఆయన ఈ స్కైడైవింగ్ సాహసం చేశారు. స్కై డైవింగ్ సూట్ ధరించిన ఆయన ఇన్ స్ట్రక్టర్ వెంట రాగా పారాష్యూట్ సాయంతో గాల్లోకి ఎగిరాడు. దీనికి సంబంధించిన వీడియోను సింగ్ డియో తను ట్విట్టర్ ఖాతాలో షేర్ చేశారు. ఈ స్కై డైవింగ్ సాహసం గురించి సింగ్ డియో ఇలా అన్నారు. ఆకాశానికి హద్దులు లేవని స్కై డైవింగ్ కు వెళ్లే అపురూపమైన అవకాశం నాకు లభించిందని, ఇదొక అధ్భుతమైన సాహసమని, ఈ స్కై డైవింగ్ తన జీవితంలో ఓ మధురమైన జ్ఞాపకంగా మిగిలిపోతుందని మంత్రి సింగ్ డియో తన ట్విట్టర్ ఖాలో వెల్లడించారు.
ఇక ఇదే విషయానికి సంబంధించి ఛత్తీస్ గఢ్ ముఖ్యమంత్రి అయిన భూపేష్ బఘేల్ ఆరోగ్య మంత్రి చేసిన ఈ అద్భుతమైన సాహసాన్ని అభినందించారు. వావ్ మహారాజ సాహెబ్.. ఈ సాహసం అద్బుతం. స్కై డైవింగ్ చేయడానికి ఏ మాత్రం వెనకాడకుండా అద్భుతంగా చేశారని, మీరు ఇదే స్పూర్తితో ఇంకెన్నో సాహసాలు చేయాలని ఆకాంక్షించారు. ఇది చూసిన నెటిజన్లు కూడా సింగ్ డియో సాహసం పట్ల అభినందనలు తెలియజేస్తున్నారు. కాగా సింగ్ డియో ఛత్తీస్ గఢ్ లోని అంబికాపూర్ నియోజకవర్గం నుంచి ప్రాతినిధ్యం వహిస్తున్నారు. 2008 నుంచి మూడు సార్లు ఎంఎల్ ఎ గా గెలుపొందిన ఆయన భూపేశ్ బఘేల్ క్యాబినెట్ లో ఆరోగ్య శాఖ మంత్రిగా భాద్యతలు నిర్వహిస్తున్నారు. మరి 70 ఏళ్ల వయసులో మంత్రి సింగ్ డియో సాహసం పట్ల మీరు ఏమనుకుంటున్నారో కామెంట్ల రూపంలో తెలయజేయండి.
There were no bounds to the sky's reach. Never!
I had the incredible opportunity to go skydiving in Australia, and it was truly an extraordinary adventure. It was an exhilarating and immensely enjoyable experience. pic.twitter.com/2OZJUCnStG
— T S Singhdeo (@TS_SinghDeo) May 20, 2023