Karnataka Elections: రూ.10,000 చిల్లరతో MLAగా నామినేషన్ వేసిన అభ్యర్థి!

కర్ణాటక రాష్ట్రంలో ఎన్నికల వాతావరణం కనిపిస్తుంది. అధికార, ప్రతిపక్ష పార్టీలు ప్రచారంలో బిజి బిజీగా గడుపుతున్నాయి. ముఖ్యంగా బీజేపీ, కాంగ్రెస్, జేడీఎస్ మధ్యే ప్రధాన పోటీ ఉంది. ఇప్పటికే బీజేపీ 222 స్థానాల్లో అభ్యర్ధులను ప్రకటించింది. అలానే కాంగ్రెస్ సైతం 50 స్థానాలకు మినహా మిగిలిన అన్ని స్థానాలకు అభ్యర్థులను ప్రకటించింది. అలానే ప్రస్తుతం నామినేషన్ల పర్వం నడుస్తుంది. అన్ని పార్టీలకు చెందిన అభ్యర్థులు నామినేషన్లు వేసేందుకు సిద్ధమయ్యారు. ఇలాంటి తరుణంలో ఓ ఆసక్తికరమైన పరిణామం చోటుచేసుకుంది. ఓ వ్యక్తి రూ.10వేల చిల్లర నాణేలతో వచ్చి ఎమ్మెల్యే అభ్యర్థిగా నామినేషన్ వేశాడు.

కర్ణాటకలో ఎన్నికల సందడి మొదలైంది. ప్రధాన పార్టీలు అధికారంలోకి వచ్చేందుకు తీవ్రంగా కృషి చేస్తున్నాయి. అలానే ఈ సారి గాలి జనార్ధన్ రెడ్డి లాంటి వారు కూడా కొన్ని స్థానాల్లో ప్రభావం చూపించనున్నారు. మరికొన్ని చోట్ల స్వతంత్ర అభ్యర్థులు తమ ప్రభావం చూపించనున్నారు. అందుకే చాలా చోట్లు స్వతంత్ర అభ్యర్థులు కూడా నామినేషన్లు వేశారు. అయితే ఓ వ్యక్తి ఎమ్మెల్యేగా వేసిన నామినేషన్ అందరిని ఆశ్చర్యానికి గురిచేసింది.

యాదగిరి అసెంబ్లి నియోజకవర్గం నుండి వెంకప్ప అనే వ్యక్తి స్వతంత్ర అభ్యర్థిగా నామినేషన్ దాఖలు చేశారు. అభ్యర్థులు నామినేషన్ కు కొంత రుసుము డిపాజిట్ గా చెల్లించాల్సి ఉంటుంది. అయితే వెంకప్ప మాత్రం మొత్తం నాణేల రూపంలో తెచ్చి ఎన్నికల అధికారుల ముందు కుప్పగా పోశారు. పది వేల రూపాయలను నాణేల రూపంలో అధికారులకు వెంకప్ప చెల్లించాడు. అధికారులు వాటిని లెక్కించి, అతడి నామినేషన్ తీసుకున్నారు. వెంకప్ప కూడా ఈ మొత్తాన్ని తన నియోజకవర్గంలోని ప్రజల నుంచి సేకరించినట్లు తెలిపాడు.

నామినేషన్ చివరి తేదీ ఈనెల 20 కాగా, ఉప సంహరణకు ఏప్రిల్ 24 చివర తేదీ. అలానే మే 10వ తేదీన కర్ణాటక ఎన్నికలు జరగనున్నాయి. అలానే మే 13న ఎన్నికల ఫలితాల వెల్లడి కానున్నాయి. కర్ణాటక ఎన్నికల నేపథ్యంలో ఇలాంటి ఆసక్తికరమైన ఘటనలు జరుగుతున్నాయి. ప్రస్తుతం వెంకప్పకు సంబంధించిన వార్త సోషల్ మీడియాలో వైరల్ అవుతోంది. మరి..నాణేల రూపంలో వెంకప్ప రుసుము చెల్లించడంపై అభిప్రాయాలను కామెంట్స్ రూపంలో తెలియజేయండి.

#WATCH | An independent candidate Yankappa paid his deposit money of Rs 10,000 entirely in one rupee coins while filing his nomination from Yadgir constituency of Karnataka. He collected the coins from people across the constituency, to contest the Karnataka elections on May 10. pic.twitter.com/OIfcLF223d

— ANI (@ANI) April 19, 2023