సీఎం కేసీఆర్ పై పోలీస్ కేసు..!

తెలంగాణ లో ఇప్పుడు అధికార పార్టీ వర్సెస్ బీజేపీ మద్య మాటల యుద్దం నడుస్తుంది. సీఎం కేసీఆర్ ప్రధాని నరేంద్ర మోదీని టార్గెట్ చేసుకొని పలు సంచలన వ్యాఖ్యలు చేశారు. ఈ నేపథ్యంలోనే అస్సాం ముఖ్యమంత్రి బిశ్వంత్ శర్మ ఇటీవల కాంగ్రెస్ పార్టీ కీలక నేత రాహుల్ గాంధీపై చేసిన అనుచిత వ్యాఖ్యలపై సీఎం కేసీఆర్ స్పందించి తీవ్రంగా మండిపడిన విషయం తెలిసిందే.ఇదే సమయంలో సీఎం కేసీఆర్ సర్జికల్ స్ట్రయిక్స్ పై ప్రూఫ్ కావాలని కేంద్రాన్ని డిమాండ్ చేశారు. సర్జికల్‌ స్ట్రయిక్స్‌ ఆధారాలు కేంద్రం బయటపెట్టాలని రాహుల్​ గాంధీ డిమాండ్​ చేయటంలో తప్పేమీ లేదని, ఇప్పుడు తాను కూడా ఆ ఆధారాలను అడుగుతున్నానని తెలిపారు.

కేసీఆర్ సర్జికల్ స్ట్రయిక్స్ పై చేసిన వ్యాఖ్యలు తీవ్ర దుమారం రేపుతున్నాయి. కేసీఆర్ దేశ వ్యతిరేక భావాలను ప్రోత్సహిస్తున్నారని పోలీసులకు ఫిర్యాదు చేశారు అసోం బీజేపీ కార్యకర్తలు. ఈ నేపథ్యంలోనే బిజెపి పార్టీకి చెందిన అస్సాం నేతలు కేసీఆర్ పై ఆ రాష్ట్రంలో కేసులు పెడుతున్నారు. తమకు అందిన ఫిర్యాదు మేరకు అక్కడి పోలీసులు కేసు నమోదు చేసే యోచనలో ఉన్నట్లు ప్రముఖ వార్త ఏజెన్సీ ఏఎన్​ఐ వెల్లడించింది.

On the basis of complaints from various BJP supporters, Assam Police to file a case against Telangana CM for questioning the Army by demanding proof for surgical strike and thereby encouraging anti-India sentiments: Assam Police sources

— ANI (@ANI) February 15, 2022