follow us:
చీమలు చూడటానికి చిన్నగా ఉన్నా ఇవి ఎంతో గొప్ప శ్రమజీవులు. వీటిలో రాణి చీమ అన్ని చీమలపై ఆజమాయిషీ చెలాయిస్తుంది. రాణి చీమ ఆదేశాలు పాటిస్తూ.. ఆహారాన్ని సమకూర్చుకుంటాయి. చీమలు ఎక్కవ శాతం ఒకేదగ్గర సమిష్టిగా గుంపులుగా ఉంటాయి. తమ తినుబండారాలను భూమి పొరల్లో ఉన్న గూటికి తరలిస్తుంటాయి. చీమలు ఎక్కువగా స్వీటుగా ఉన్న పదార్ధాలు ఇష్టపడుతుంటాయి. అలాగే వివిధ రకాల పప్పు గింజలను కూడా ఇష్టంగా తింటాయి. కొన్ని చీమలు ఓ బంగారు గొలుసుని ఎత్తుకు వెళ్లడం అందరినీ ఆశ్చర్యపరిచింది.. వినడానికి కాస్త వింతగా ఉన్నా.. ఇది నిజం. ఈ వీడియో ఇప్పుడు నెట్టింట వైరల్ అవుతోంది.
చిన్న చీమలే కాదా అని వాటిని తక్కువ అంచనా వేయొద్దు.. ‘బలవంతమైన సర్పము.. చలిచీమల చేత జిక్కి చావదె సుమతీ’ అని సుమతీ శతకంలో చెప్పినట్లు చీమలకు కూడా చాలా బలం ఉంటుంది. చీమలు ఒక్కోసారి చేసే పనులు చూస్తే నిజంగా ఆశ్చర్యం కలిగిస్తుంటాయి.. అలాంటి ఘటననే సుసాంత నంద అనే ఐఎఫ్‌ఎస్‌ అధికారి ఇలాంటి విచిత్రమైన సంఘటనలు తన ట్విట్టర్ లో పోస్ట్ చేస్తుంటారు.
ఆయన చేసిన పోస్ట్ లో కొన్ని చీమలు బంగారు గొలుసును లాక్కెళ్తున్నట్లుగా కనిపిస్తోంది. దీన్ని షేర్ చేస్తూ ‘బుల్లి గోల్డ్ స్మగర్లు.. వీటిపై ఏ సెక్షన్లు నమోదు చేయాలి?’ అంటూ రాసుకొచ్చారు. ఈ పోస్ట్ పై నెటిజన్లు రక రకాలుగా స్పందిస్తున్నారు. ఈ విషయంపై మీ అభిప్రాయాలు కామెంట్స్ రూపంలో తెలియజేయండి.
Tiny gold smugglers 😀😀
The question is,under which section of IPC they can be booked? pic.twitter.com/IAtUYSnWpv— Susanta Nanda IFS (@susantananda3) June 28, 2022
