స్మగ్లింగ్ చేస్తూ దొరికిపోయిన ఎయిర్ ఇండియా ఉద్యోగి..!

బంగారం అంటే మహిళలు ఎంతగా ఇష్టపడతారో ప్రత్యేకంగా చెప్పనక్కరలేదు. భారత్ లో బంగారానికి విపరీతమైన డిమాండ్ ఉంది. ఈ కారణం వల్లే రోజు రోజుకీ గోల్డ్ రేటు పెరిగిపోతూ వస్తుంది. భారత్ లో ప్రతి రోజు పెద్దమొత్తంలో బంగారం కొనుగోళ్లు జరుగుతూనే ఉంది. బంగారం వినియోగంలో భారత్ ప్రపంచంలో రెండో స్థానంలో ఉంది. ఇటీవల భారత్ లో గోల్డ్ స్మగ్లింగ్ విపరీతంగా పెరిగిపోయింది. స్మగ్లర్లు రక రకాల పద్దతుల్లో గోల్డ్ స్మగ్లింగ్ చేస్తున్నారు.. అయితే ఎంత పకడ్భందీగా స్మగ్లింగ్ చేసినా కస్టమ్స్ అధికారులకు అడ్డంగా బుక్ అవుతున్నారు. ప్రతిరోజూ దేశ వ్యాప్తంగా పలు విమానాశ్రయాల్లో గోల్డ్ స్మగ్లింగ్ చేస్తున్నవారిని పోలీసులు అదుపులోకి తీసుకుంటున్నారు. తాజాగా ఎయిర్ ఇండియాలో ఉద్యోగం చేస్తున్న వ్యక్తి బంగారం స్మగ్లింగ్ చేస్తూ కస్టమ్స్ ఆఫీసర్లకు అడ్డంగా దొరికిపోయాడు. ఈ ఘటన కేరళ జరిగింది. వివరాల్లోకి వెళితే..

మంచి ఉద్యోగాలు చేస్తున్నా.. కొంతమంది డబ్బుకు కక్కుర్తి పడుతూ అక్రమాలకు పాల్పపడుతూ పోలీసులకు అడ్డంగా బుక్ అవుతుంటారు. ఈ క్రమంలోనే గోల్డ్ స్మగ్లింగ్ చేస్తూ కస్టమ్స్ అధికారులకు దొరికిపోయాడు ఓ ఎయిర్ ఇండియా ఉద్యోగి. బహ్రేయిన్- కొజికోడ్-కోచి లో ప్రయాణించే ఎయిర్ ఇండియా ఎక్స్ ప్రెస్ లో క్యాబిన్ క్రూగా పనిచేస్తున్న షఫీ అనే వ్యక్తి అక్రమంగా బంగారం స్మగ్లింగ్ చేస్తున్నట్లు కస్టమ్స్ డిపార్ట్ మెంట్ వారికి సమాచారం అందింది.  ఫషీ కేజీన్నర బంగారం ప్లాస్టీక్ కవర్లలో తన రెండు చేతులకు చుట్టుకొని ఫుల్ హ్యాండ్స్ షర్ట్ ధరించి వచ్చాడు. గోల్డ్ స్మగ్లింగ్ చేస్తున్న షఫీని బుధవారం కొచ్చి ఎయిర్ పోర్ట్ లో అదుపులోకి తీసుకున్నారు కస్టమ్స్ అధికారులు.

పేస్ట్ రూపంలో ఉన్న ఆ బంగారం 1485 గ్రాములు ఉన్నట్లు.. దాని విలువ రూ.75 లక్షల వరకు ఉంటుందని అధికారులు తెలిపారు. నిందితుడు బంగారాన్ని దాచుకొని గ్రీన్ ఛానల్ గుండా వెళ్లాలని ప్లాన్ వేసిశాడు. అప్పటికే కస్టమ్స్ అధికారులు షఫీని పట్టుకొని బంగారం స్వాధీనం చేసుకున్నారు. ఇది మొదటిసారిగా చేసిందా.. గతంలో ఇలాంటి వ్యవహారాలు ఎప్పుడైనే చేశారా అన్న విషయంపై షఫీని పోలీసులు ప్రశ్నిస్తున్నారు. ఈ విషయంపై ఎయిర్‌ ఇండియా ఎక్స్‌ప్రెస్‌ సంస్థ తీవ్రంగా స్పందించింది. ఆ ఎంప్లాయన్ ని విధుల నుంచి తొలగించినట్లు తెలిపింది. ఇలాంటి వ్యవహారాలు కంపెనీ ఎప్పటికీ సంహించదని.. దర్యాప్తు నివేదిక వచ్చిన తర్వాత ఆ వ్యక్తిపై కఠిన చర్యలు తీసుకుంటామని తెలిపింది.

Kochi | Air India cabin crew Shafi, a native of Wayanad, was arrested at Kochi Airport for smuggling 1,487 gms of gold. The cabin crew was of Bahrain-Kozhikode-Kochi service. Further interrogation underway: Customs Preventive Commissionerate pic.twitter.com/1nxVzF2fA7

— ANI (@ANI) March 8, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.