follow us:
ఈ మద్య పలు చోట్ల విమాన, ఛాపర్ ప్రమాదాలు జరుగుతున్న విషయం తెలిసిందే. విమాన సిబ్బంది ఎన్ని జాగ్రత్తలు తీసుకుంటున్నప్పటికీ.. టేకాఫ్ అయిన కొద్ది సేపటికే టెక్నికల్ లోపాలు తలెత్తి ప్రమాదాలు జరుగుతున్నాయి.
ఇటీవల పలు దేశాల్లో విమాన, హెలికాప్టర్ ప్రమాదాలు వరుసగా జరుగుతున్నాయి. టెకాఫ్ అయిన కొద్ది సమయంలోనే సాంకేతిక లోపాలు తలెత్తడం వల్ల ఈ ప్రమాదాలు ఎక్కువగా జరుగుతున్నాయని విమానయాన అధికారులు అంటున్నారు. కొన్నిసార్లు ప్రకృతి వైపరిత్యాల వల్లనో.. పక్షులు ఢీ కొట్టడం వల్లనో ప్రమాదాలు జరుగుతున్నాయి. ఆ సమయంలో పైలెట్లు ప్రమాదాన్ని గమనించి ఎమర్జెన్సీ ల్యాండింగ్ చేసి వందల మంది ప్రాణాలు రక్షిస్తున్నారు. తాజాగా 20 మంది ఎయిర్‌మెన్‌లతో కూడిన హెలికాప్టర్ కి ప్రమాదం జరగడంతో ఎమర్జెన్సీగా ల్యాండింగ్ చేశారు. ఈ ఘటన జోధ్పూర్ లో చోటు చేసుకుంది. పూర్తి వివరాల్లోకి వెళితే..
20 మంది ఎయిర్‌మెన్‌లతో కూడిన ఎంఐ-17 హెలికాప్టర్ జోధ్పూర్ ఎయిర్‌బేస్ నుంచి ఫలోడీ ఎయిర్‌బేస్‌కు బయలుదేరింది. టేకాఫ్ అయిన తర్వాత హెలికాప్టర్ లో సాంకేతిక ఇబ్బందులు తలెత్తినట్లు పైలెట్ గమనించాడు. వెంటనే జోధ్ పూర్ లోని లోహావాత్ ఏరియా.. పిల్వా గ్రామంలో ఎమర్జెన్సీ ల్యాండింగ్ చేయాల్సి వచ్చింది. ఈ ఘటనపై సమాచారం అందుకున్న దెచ్చూ పోలీస్ స్టేషన్ , ఎయిర్ ఫోర్స్ బందం సంఘటనా స్థలానికి వెంటనే చేరుకొని హెలికాప్టర్ లో దర్యాప్తు ప్రారంభించారు. ‘మధ్యాహ్నం 2 గంటల ప్రాంతంలో హెలికాప్టర్ లో ఒక భాగం సాంకేతిక లోపం కారణంగా పిల్వా గ్రామంలో ఎమర్జేన్సీ ల్యాండింగ్ చేయాల్సి వచ్చిందని వాయుసేన అధికారి ఒకరు తెలిపారు.
ఆర్మీ బృందం వెంటనే అక్కడికి చేరుకొని హెలికాప్టర్ లోని లోపాలను సరిదిద్దారు. ఆ తర్వాత సురక్షితంగా బయలుదేరిన హలికాప్టర్ ఫలోడీ విమానాశ్రయానికి చేరుకుంది. మొత్తానికి ఛాపర్ దాని గమ్యస్థానానికి చేరుకోవడానికి గంట ఆలస్యం అయ్యిందని.. అందరూ సురక్షితంగా ఉన్నారని అధికారి తెలిపారు. పోలీసులు కూడా ఘటనా స్థలానికి చేరుకొని హెకాప్టర్ బృందానికి సహాయం చయడంతో పాటు అక్కడికి వచ్చిన జనాన్ని అదుపు చేసినట్లు లోహావత్ పోలీస్ సీఐ బద్రీ ప్రసాద్ తెలిపారు. ప్రస్తుతం దీనికి సంబందించిన ఓ వీడియో సోషల్ మీడియాలో తెగ వైరల్ అవుతుంది.
#WATCH | An Indian Air Force Mi-17 helicopter made a precautionary landing at Peelwa village near Jodhpur, Rajasthan. Checks were carried out by officials and later it safely took off and has now reached the Phalodi air base: IAF officials pic.twitter.com/M0FOw6gIlK
— ANI (@ANI) March 12, 2023
