follow us:
మహారాష్ట్రలో ఓ ప్రభుత్వ బడి ఉంది. ఆ బడి ప్రత్యేకత ఏంటనుకున్నారు. అందులో చదివేది ఒక్కడే స్టూడెంట్. దానిలో వింతేముంది అనుకుంటున్నారా. మామూలుగా ఒక్కడే విద్యార్థి ఉంటే.. ఏం చేస్తారూ బడినే మూసేస్తారు. కానీ ఆ ఒక్క విద్యార్థి కోసం మహారాష్ట్ర ప్రభుత్వం బడిని నడుపుతోంది. ఓ మాస్టారు బడికి వచ్చి పాఠాలు కూడా నేర్పిస్తున్నారు. అదీ పది కిలోమీటర్లు ప్రయాణించి మరీ. ఒక్కటీ కాదూ సుమా అన్నీసబ్జెక్టులను ఆయనే బోధిస్తున్నారు. ప్రస్తుతం ఈ వార్త హాట్ టాపిక్ గా మారింది.
ఈ బడి వాసిం జిల్లాలోని గణేష్ పూర్ అనే గ్రామంలో ఉంది. ఆ గ్రామంలోని జిల్లా పరిషత్ ప్రాథమిక పాఠశాలలో గత రెండేళ్లుగా ఒక్కడే విద్యార్థి చదువుతున్నాడు. ఆ ఒక్క విద్యార్థి కోసమే బడిని నడుపుతోంది మహా సర్కార్. ఆ విద్యార్థికి పాఠాలు నేర్పేందుకు కిషోర్ మాన్కర్ అనే ఉపాధ్యాయుడిని నియమించింది. గత రెండేళ్లుగా ఈ బడిలో ఒక్కడే విద్యార్థి అని, తానొక్కడినే ఉపాధ్యాయుడినని, అన్ని సబ్జెక్టులు తానే బోధిస్తున్నట్లు కిషోర్ చెప్పారు. ఆ బడిలో ఒకే విద్యార్థి ఉండటం పట్ల కిషోర్ వివరణ ఇచ్చారు.
ఈ గ్రామంలోని జనాభా కేవలం 150 మందే ఉన్నారని, ఈ పాఠశాలకు కేవలం 1-4వ తరగతి వరకు మాత్రమే తరగతులు నిర్వహించేందుకు అనుమతి ఉందని ఉపాధ్యాయుడు కిషోర్ చెప్పారు. ఆ మొత్తం గ్రామంలో ఆ బడిలో చదివే నిర్థిష్ట వయసు కలిగిన బాలుడు ఆ ఒక్కడే ఉన్నాడని తెలిపారు. ఆ ఒక్క విద్యార్థి కోసం ఈ బడిని నడుపుతున్నట్లు చెప్పారు. ఈ ఒక్క విద్యార్థికి చదువే కాదూ, మధ్యాహ్న భోజనం, అన్ని సౌకర్యాలు కూడా ప్రభుత్వం అందిస్తుందని చెప్పారు. ఇలా ఒక్క విద్యార్థి కోసం ఇంత దూరం వచ్చి చదువు చెబుతున్న ఈ టీచర్ పట్ల మీ అభిప్రాయాన్ని కామెంట్ల రూపంలో తెలియజేయండి.
Maharashtra | A Zilla Parishad primary school in Ganeshpur village of Washim district runs only for one student
Population of the village is 150. There is only one student enrolled in the school for the last 2 years. I’m the only teacher in school: Kishore Mankar, school teacher pic.twitter.com/h6nOyZXlDf
— ANI (@ANI) January 23, 2023
