రన్నింగ్ ట్రైన్ నుంచి కిందపడ్డ వృద్ధుడు.. దేవుడిలా వచ్చి కాపాడిన కానిస్టేబుల్! వీడియో వైరల్

సాధారణంగా రైల్వే స్టేషన్లలో ప్రమాదాలు తరుచూ జరుగుతూ ఉంటాయి.. రైల్ ఎక్కే సమయంలో కాలు జారి పడిపోవడం.. రన్నింగ్ ట్రైన్ ఎక్కుతున్న సమయంలో జారిపోవడం చూస్తుంటాం. తాజాగా అలాంటి ఘటనే ఒకటి చోటు చేసుకుంది.. కదులుతున్న రైలు ఎక్కబోయిన ఓ వృద్దుడు ఫ్లాట్ ఫామ్ మద్యలో పడిపోయాడు.. వెంటనే అతన్ని గమనించిన రైల్వే పోలీస్ కానిస్టేబుల్ వేగంగా వచ్చి వృద్దుడిని లాగివేశాడు. దీంతో పెద్ద ప్రమాదం తప్పిపోయింది.. ఈ ఘటన ముంబాయిలో చోటు చేసుకుంది. దీనికి సంబంధించిన ఓ వీడియో సోషల్ మీడియాలో వైలర్ అవుతుంది. వివరాల్లోకి వెళితే..

ముంబాయి వాసాయిలో రైలు బయలుదేరుతున్న సమయంలో ట్రైన్ ఎక్కే ప్రయత్నం చేశాడు. అంతలోనే ఫ్లాట్ ఫారమ్ మద్య గ్యాప్ లో పడిపోయాడు.. అది గమనించిన రైల్వే ఎంప్లాయ్ అతి వేగంగా వచ్చి వృద్దుడిని బయటికి లాగి రక్షించాడు. విజయ్ మాలేకర్ అనే 74 ఏళ్ల వృద్దుడు కదులుతున్న ట్రైన్ ఎక్కే ప్రయత్నం చేశాడు.. అంతలోనే బ్యాలెన్స్ తప్పి రైలుకు ప్లాట్ ఫామ్ కి మద్య ఉన్న గ్యాప్ లో జారిపోయాడు. ఈ విషయాన్ని అక్కడే ఉన్న పోలీస్ కానిస్టేబుల్ గమనించి ఆ వృద్దుడిని బయటకు లాగి రక్షించడంతో పెద్ద ప్రమాదం తప్పిపోయింది. వృద్దుడు పడిపోయిన సమయంలో చుట్టుపక్కల జనాలు కూడా ఉన్నారు.. కానీ ఎవరూ స్పందించలేదు. ఈ దృశ్యాలు అక్కడ సీసీ టీవీలో రికార్డు అయ్యాయి.

బుధవారం రాత్రి జరిగిన ఈ ఘటన గురించి ప్రభుత్వం రైల్వే పోలీస్ అధికారులు తెలిపారు. ఈ వీడియో చూసిన నెటిజన్లు పోలీస్ కానిస్టేబుల్ స్పందించిన తీరు పై ప్రశంసలు కురిపిస్తున్నారు. బాధ్యగల పోలీస్ ఇలా ఉంటారు అంటూ కామెంట్స్ చేస్తున్నారు. రైల్వే ఫ్లాట్ ఫామ్స్ వద్ద చాలా జాగ్రత్తగా ఉండాలని.. కదులుతున్న రైలు ఎక్కే ప్రయత్నం చేయవొద్దని రైల్వే పోలీసులు ప్రయాణికులకు సూచిస్తున్నారు. ప్రస్తుతం దీనికి సంబంధించిన ఓ వీడియో సోషల్ మీడియాలో చక్కర్లు కొడుతుంది.

A police constable (Thanambir) of Vasai GRP saved the life of a passenger while trying to catch a moving train. This incident took place on 5th April at Vasai Road railway station.#Mumbai pic.twitter.com/50uLuT96bd

— Siraj Noorani (@sirajnoorani) April 6, 2023