follow us:
ముంబయి- గాన కోకిల లతా మంగేష్కర్ ఆదివారం ఉదయం తుదిశ్వాస విడిచారు. కొవిడ్ తో గత నెల రోజులుగా ఆస్పత్రిలో చికిత్స తీసుకుంటూ, పరిస్థితి విషమించడంతో మరణించారు. భారత ప్రధాని నరేంద్ర మోదీకి లతా మంగేష్కర్ అంటే ప్రత్యేకమైన అభిమానం. ఇటువంటి సమయంలో ఓ ఆడియో క్లిప్ సోషల్ మీడియాలో వైరల్ అవుతోంది.
సరిగ్గా రెండున్నరేళ్ల క్రితం 2019లో మన్ కీ బాత్ కార్యక్రమంలో ప్రధాని నరేంద్ర మోదీ ఓ ఆడియో ఫైల్ ను తన ట్విట్టర్ ఖాతాలో షేర్ చేశారు. లతా మంగేష్కర్ పుట్టిన రోజు సందర్భంగా నరేంద్ర మోదీ మాట్లాడిన ఫోన్ కాల్ ను దేశ ప్రజలతో పంచుకున్నారు. ఇప్పుడు లతా మంగేష్కర్ కన్నుమూయడంతో ఆ ఆడియో ఫైల్ సోషల్ మీడియాలో వైరల్ అవుతోంది.
హిందీలోని ఆ ఆడియో ఫైల్ తెలుగుల అనువదిస్తూ.. ప్రధాని మోదీ, గాన కోకిల లతా మంగేష్కర్ సంభాషణ..
ప్రధాని మోదీ- ప్రణామాలు లతా దీదీ. నేను నరేంద్ర మోదీని మాట్లాడుతున్నాను.
దీదీ లతా మంగేష్కర్- ప్రణామాలు
ప్రధాని మోదీ- ఈ సారి మీ పుట్టిన రోజుకి నేను గాల్లో ప్రయాణిస్తుంటాను. అమెరికాకు వెళ్తున్నాను. అందుకే అమెరికాకు వెళ్లే ముందే ఇలా మీకు ఫోన్ చేయాలని అనుకున్నాను. మీ ఆశీర్వాదాన్ని తీసుకోవాలని అనుకోవాలని ఫోన్ చేశాను.
దీదీ లతా మంగేష్కర్- మీరు ఫోన్ చేయడం ఆనందంగా ఉంది. మళ్లీ మీరు ఎప్పుడు తిరిగి రానున్నారు?
ప్రధాని మోదీ- 28 రాత్రి లేదంటే 19 ఉదయం వస్తాను. అప్పటి వరకు మీ పుట్టిన రోజు అయిపోతుంది. (నవ్వులు)
దీదీ లతా మంగేష్కర్- అవును పుట్టిన రోజుది ఏముందిలే. ఇంట్లో అందరూ ఉంటారు. మీలాంటి వాళ్ల ఆశీర్వాదం దొరికితే చాలు.
ప్రధాని మోదీ- అరె దీదీ.. మీ ఆశీర్వాదం కావాలనే నేను అడుగుతున్నాను.. మీరు మాకంటే చాలా పెద్దవారు.
దీదీ లతా మంగేష్కర్- వయసుది ఏముంది.. ఎంతో పెద్దవాళ్లు ఉంటారు. కానీ మీరు చేసే పని చాలా పెద్దది. గొప్పది. అలాంటి వాళ్ల ఆశీర్వాదం దొరకడం గొప్ప విషయం.
ప్రధాని మోదీ- మీరు వయసులోనే కాదు పనిలోనూ గొప్పవారే. మీకు ఇది ఎంతో సాధన, తపస్సు చేస్తే గానీ సిద్దించలేదు.
దీదీ లతా మంగేష్కర్- ఇందులో నాదేమీ లేదు. ఇదంతా కూడా నా తల్లిదండ్రుల వల్లే సాధ్యమైంది. నా పాటలు విన్న శ్రోతల ఆశీర్వాదమే.
ప్రదాని మోదీ- మీరు జీవితంలో ఇంత సాధించినా కూడా మీ తల్లిదండ్రులను స్మరించుకుంటున్నారు. మీ వినమ్రత, సంస్కారాలు మాకు ఎప్పటికీ ఆదర్శప్రాయమే. మీ అమ్మగారు మా గుజరాతీయే.
దీదీ లతా మంగేష్కర్- మీ రాకతో భారత దేశం రూపు రేఖలు మారిపోయాయి. అది నాకు ఎంతో సంతోషంగా అనిపిస్తుంది. మంచిగా అనిపిస్తుంది.
ప్రధాని మోదీ- మీరు మమ్మల్ని ఆశీర్వదించండి. దేశ ప్రజలను ఆశీర్వదించండి. ఇంకా ఎన్నెన్నో మంచి పనులు చేస్తాం. మీరే మాకు ప్రేరణ.
దీదీ లతా మంగేష్కర్- మీకు నేను ఇబ్బంది కలిగించాలని అనుకోవడం లేదు. మీకు చాలా పనులుంటాయి. ఎంతో బిజీగా ఉంటారు. ఎన్నెన్నో ఆలోచించాల్సి ఉంటాయి. మీ అమ్మ వద్దకు కూడా వెళ్తారు. నాకు ఆశీర్వాదాలు ఇవ్వమని చెప్పండి.
ప్రధాని మోదీ- మా అమ్మ మీ గురించి చెబుతుంటుంది.
దీదీ లతా మంగేష్కర్- ఓ సారి టెలిఫోన్‌లోనే నాకు ఆశీర్వాదాన్ని ఇచ్చారు. నాకు ఎంతో సంతోషంగా అనిపించింది.
ప్రధాని మోదీ- మీరు చూపించిన ప్రేమకు మా అమ్మగారు ఎంతో ప్రసన్నురాలయ్యారు. మీరు నాకు గురించి ఎప్పుడూ ఆలోచిస్తుంటారు. మరొక్క సారి మీకు పుట్టిన రోజు శుభాకాంక్షలు చెబుతున్నాను. ఈ సారి ముంబైకి వస్తే కచ్చితంగా ఇంటికి వస్తాను. మీ చేత్తో వండిన గుజరాతీ వంటకాలను తింటాను.
దీదీ లతా మంగేష్కర్- కచ్చితంగా అండి.. అది నా భాగ్యమని అనుకుంటాను.
ప్రధాని మోదీ- ప్రణామాలు దీదీ..
దీదీ లతా మంగేష్కర్- ప్రణామాలు..
ఇలా సాగింది దీదీ లతా మంగేష్కర్, ప్రధాని మోదీ సంబాషణ. వీరి మాటలు వింటే దీదీ లతా మంగేష్కర్ మోదీతో ఎంత వినమ్రంగా మాట్లాడారో అర్ధం అవుతుంది. మరి మనం కూడా దీదీ లతా మంగేష్కర్ కు నివాళి అర్పించి, శ్రధ్దాంజలి ఘటిద్దాం.
