మధుస్మిత చీర కట్టుతో దాదాపు 42 కిలోమీటర్లు మారథాన్‌ రన్నింగ్‌ చేసింది. అది ఎంత కష్టమైనా సరే ఆమె వెనక్కు తగ్గలేదు. 4.50 గంటల్లో ఈ రన్నింగ్‌ పూర్తి చేశారు. ప్రస్తుతం ఆమెకు సంబంధించిన ఫొటోలు సోషల్‌ మీడియాలో వైరల్‌గా మారాయి.
‘ఏ దేశ మేగినా.. ఎందు కాలిడినా.. పొగడరా నీ తల్లి భూమి భారతిని’ అన్నాడు ప్రముఖ రచయిత రాయప్రోలు సుబ్బారావు. మనం ఎంత అభివృద్ధి సాధించినా.. ప్రపంచవ్యాప్తంగా ఎన్ని అద్భుతాలను క్రియేట్‌ చేసినా నేను భారతీయుడ్ని అని చెప్పుకోగలగడమే నిజమైన విజయం. తమ విజయాలతో దేశ ప్రతిష్టలు ప్రపంచ వ్యాప్తం చేసిన ప్రముఖులు చాలా మంది ఉన్నారు. ఇంకా కొంతమంది విదేశాల్లో తాము చేసే ప్రతి పనిలో తాము భారతీయులం అని చెప్పుకోవటానికి చూస్తు ఉంటారు. తాజాగా, ఓ మహిళ తాను పాల్గొన్న మారథాన్‌ రన్‌లో ప్రత్యేక ఆకర్షణగా నిలిచింది. చీర కట్టుతో దాదాపు 42 కిలోమీటర్లు రన్నింగ్‌ చేశారు.
పూర్తి వివరాల్లోకి వెళితే.. ఆదివారం లండన్‌లోని మాంచెస్టర్‌లో 42 కిలోమీటర్ల మారథాన్‌ రన్నింగ్‌ జరిగింది. ఈ మారథాన్‌ రన్నింగ్‌లో 41 ఏళ్ల మధుస్మిత అనే మహిళ పాల్గొంది. ఆమె డ్రెస్‌ చూసి అక్కడి వారంతా ఆశ్చర్యానికి గురయ్యారు. ఎందుకంటే.. ఆమె చీరకట్టులో రన్నింగ్‌ చేయటానికి వచ్చింది. ఆమె ఓ స్కూల్‌ టీచర్‌. ఆమె ఇండియాలోని ఒరిస్సాకు చెందిన వారు. కొన్నేళ్ల క్రితం లండన్‌కు వెళ్లి స్థిరపడ్డారు. మారథాన్‌లో పాల్గొనాలని అనుకున్నపుడు, భారత దేశ సంస్కృతి సాంప్రదాయాల్ని ప్రతిభింబించేలా తన వేషధారణ ఉండాలనిఅనుకున్నారు. ఇందుకోసం చీరకట్టుతో మారథాన్‌లో పాల్గొనాలని డిసైడ్‌ అయ్యారు.
అనుకున్నదే తడవుగా మిగిలిన అందరు రన్నర్లతో కలిసి చీరతో 42 కిలోమీటరు మారథాన్‌ చేశారు. దీనిపై మధుస్మిత ‘చీరకట్టుతో రన్నింగ్‌ చేసిన ఒకే ఒక్క మహిళను నేనే. సాధారణంగా అంత సేపు.. అన్ని కిలోమీటర్లు రన్నింగ్‌ చేయటం అన్నది చాలా కష్టమైన పని. అలాంటిది చీరతో రన్నింగ్‌ చేయటం అంటే చాలా కష్టం. కానీ, నాకు చాలా సంతోషంగా అనిపించింది. నేను 4.50 గంటల్లో మొత్తం మారథాన్‌ను కంప్లీట్‌ చేశాను’’ అని చెప్పుకొచ్చింది. ప్రస్తుతం ఆమె చీరతో మారథాన్‌లో పాల్గొన్న ఫొటోలు సోషల్‌ మీడియాలో వైరల్‌గా మారాయి. మరి, మధుస్మిత చీరతో మారథాన్‌ రన్నింగ్‌లో పాల్గొనటంపై మీ అభిప్రాయాలను కామెంట్ల రూపంలో తెలియజేయండి.
An Odia living in Manchester, UK ran the UK’s second largest Manchester Marathon 2023 wearing a Sambalpuri Saree !
What a great gesture indeed 👏
Loved her spirit 👍#Sambalpur you have a distinct inclusive cultural identity that arises from the strong association of the… pic.twitter.com/zqsUtQcO4e— dD@$h (@dashman207) April 18, 2023
