follow us:
అమ్మ.. తాను పస్తులుండైన తన పిల్లల కడుపు నింపుతుంది. అలా వారి కడుపు నిండితే చాలు తన ఆకలి తీరినట్టే అనుకుంటుంది. అంతటి ప్రేమను కురిపిస్తుంది అమ్మ తన పిల్లలపై. అలాంటి ఓ అమ్మే మీ వల్ల నా పిల్లలను చంపుకోవాలా? అంటూ ప్రభుత్వాన్నే ప్రశ్నిస్తోంది. మరి ఎంతటి కష్టం వస్తే ఆ తల్లి పిల్లలని చంపుకోవాలా అని అంటుంది. ఈ వార్తకు సంబంధించి మరిన్ని వివరాల్లోకి వెళితే..
మన పక్క దేశమైన పాకిస్థాన్ ఆర్థికంగా సంక్షోభ పరిస్థితులను ఎదుర్కొంటోంది. అప్పుల్లో కూరుకుపోయి ఇతర దేశాల దగ్గర చేయిచాచే పరిస్థితికి దిగజారింది. ప్రపంచ బ్యాంక్ దగ్గర అప్పు కోసం దరఖాస్తూ కూడా చేసుకుంది. ఈ క్రమంలో దేశంలో నిత్యావసరాలు, ఇంధన, ఔషధాల ధరలు పెరగడంతో ప్రభుత్వం పై తీవ్ర వ్యతిరేకత పెరుగుతోంది. ఈ నేపథ్యంలో ప్రధాని షహబాజ్ షరీఫ్, పీఎంఎల్- ఎన్ పార్టీని విమర్శిస్తూ.. ఓ మహిళ తన ఆవేదనను వ్యక్తం చేశారు.
ఆ వీడియోలో ఆమె స్పందిస్తూ.. ”నాకు ఇద్దరు బిడ్డలు. వారిలో ఒకరికి ఫిట్స్ ఉంది దీంతో అతనికి ప్రతి నెల మందులు కొనాలి. ఈ నాలుగు నెలల కాలంలో మందుల ధరలు పెరిగిపోయాయి. ఇప్పుడు నా చిన్నారి కోసం మందులు కొనకుండా ఉండాలా? అదీ కాక ఇంటి కిరాయి, కరెంటు ఛార్జీలు పెరిగిపోయాయి. పిల్లల కోసం పాలు, మందులు కొనాలి. మీరే చెప్పండి వారికి తిండి పెట్టాలా? లేదా చంపుకోవాలా? ఇప్పుడు నన్నేం చేయమంటారు. ఈ ప్రభుత్వ పాలనలో పేదలు చావు అంచున ఉన్నారు”. అని కన్నీరు కారుస్తూ తన ఆవేదనను వెల్లడించింది.
ప్రస్తుతం ఈ వీడియో నెట్టింట వైరల్ కావడంతో పాకిస్థాన్ ఆర్థిక మంత్రి మిఫ్తా ఇస్మాయిల్ స్పందించారు. ఈ వీడియో పై ఆయన వివరణ ఇస్తూ.. దేశ ఆర్థిక పరిస్థితి మంచిగానే ఉంది. మేం కరెంట్ ఛార్జీలు పెంచలేదు.. అలాగే ఔషధాలపై టాక్స్ లను సైతం మా ప్రభుత్వం పెంచలేదని చెప్పుకొచ్చారు. ఇదిలా ఉండగా ప్రస్తుతం ఆ మహిళ వీడియో నెట్టింట వైరల్ గా మారింది. దానిని ఓ పాక్ జర్నలిస్టు సోషల్ మీడియాలో షేర్ చేశాడు. ఏదిఏమైనప్పటికీ తన బిడ్డల కోసం ఓ తల్లి పడే ఆరాటం.. చూసేవారికి బాధ కలిగిస్తోంది. మరి సోషల్ మీడియాలో వైరల్ అవుతోన్న ఈ వీడియో పై మీ అభిప్రాయాలను కామెంట్స్ రూపంలో తెలియజేయండి.
کراچی سے تعلق رکھنے والی ایک ماں نے حکمرانوں کو اپنا بجلی کا بل اور کچن کے لئے اشیاء کی خریداری کا بل دکھا کر کچھ سوال پوچھے میں نے یہ سوال مفتاح اسماعیل کو بھیج دئیے مفتاح صاحب نے جواب بھجوا دیا ہے لیکن پہلے ایک ماں کا دکھڑا سن لیں pic.twitter.com/THahmjAjUL
— Hamid Mir (@HamidMirPAK) August 9, 2022
