వీడియో: ఆ కారణం తో విమానంలో గొడవ.. చిత్తుగా కొట్టుకున్న ప్రయాణికులు!

సాధారణంగా బస్సు, రైలు ప్రయాణ సమయంలో సీటు కోసం గొడవలు జరగడం మనం అనేకం చూశాం. సీటు నాది అంటే నాదని ఒకరినొకరు పిచ్చపిచ్చగా తన్నుకోవడం చూశాం. అలానే కిటీకి పక్కన సీటు విషయంలో కూడా జుట్లు పట్టుకుని మరీ కొట్టుకోవడం చూశాము?. అయితే విమానంలో అలా సీటు కోసం గొడవ పడటం ఎప్పుడైనా చూశాం. అసలు విమానంలో ఎవరి సీటు వారికే ఉంటాది కదా? మరీ సీటు కోసం గొడవ ఎందుకు వస్తుంది?. అనే సందేహం రావచ్చు. అయితే విమానంలో కూడా సీటు కోసం గొడవ జరిగింది. గొడవ అంటే చాలా చిన్నమాటే.. పెద్ద యుద్ధమే జరిగింది. ఇద్దరు యువకులు విమానంలో కిటికి పక్కన సీటు కోసం చిత్తుచిత్తుగా కొట్టుకున్నారని సమాచారం. విషయం ఏదైనా వీరికి గొడవకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. వివరాల్లోకి వెళ్తే..

థాయ్‌లాండ్‌కు చెందిన థాయ్‌ స్మైల్‌ ఎయిర్‌వేస్‌ విమానం బ్యాంకాక్‌ నుంచి కోల్‌కతా వస్తున్నది. అయితే విమానాం టేకాఫ్ అయిన కొంత సమయానికి విమానంలో అద్దాలు పెట్టుకున్న ఓ వ్యక్తి, నల్లఅంగి తొడుకున్న మరో వ్యక్తి మధ్య చిన్నపాటి చర్చ మొదలైంది. వారి మాటలు కొద్ది సమయం తరువాత గొడవకు దారితీసింది. ఇలా ఇద్దరు మాటకు మాట పెంచుకుంటూ వాదులాడుకుంటున్నారు. ఇంతలో కళ్లద్దాలు ధరించిన వ్యక్తి అతనికి తోడయ్యారు. అంతా కలిసి నల్ల చొక్క ధరించిన వ్యక్తిని కొట్టారు. అక్కడే ఉన్న విమాన సిబ్బంది వారిని ఆపడానికి ప్రయత్నించారు.

అయిన వారి గొడవ సద్దుమణగలేదు. ఇంత జరుగుతున్నా తోటి ప్రయాణికులు చూస్తూ ఉండిపోయారు. కానీ ఎవరు వచ్చి ఆపే ప్రయత్నం చేయలేదు. అంతేకాక మరికొందరు ఈ ఘటనను వీడియో తీసి సోషల్‌ మీడియాలో పోస్ట్‌ చేశారు. ప్రస్తుతం ఈ వీడియో సోషల్ మీడియాలో తెగ షేరింగ్‌ అవుతున్నది. అయితే ఈ ఘటనపై థాయ్ లాండ్ విమానశాఖ అధికారులు ఎలాంటి ప్రకటనా చేయలేదు. ప్రస్తుతం ఈ వీడియో సోషల్ మీడియాలో వైరల్ అవుతోంది. మరి.. సీటు కోసం విమానంలో ప్రయాణికులు గొడవపడిన ఈ ఘటనపై మీ అభిప్రాయాలను కామెంట్స్ రూపంలో తెలియజేయండి.

Not many smiles on this @ThaiSmileAirway flight at all !
On a serious note, an aircraft is possibly the worst place ever to get into an altercation with someone.
Hope these nincompoops were arrested on arrival and dealt with by the authorities.#AvGeek pic.twitter.com/XCglmjtc9l

— VT-VLO (@Vinamralongani) December 28, 2022