follow us:
రష్యా-ఉక్రెయిన్ మధ్య యుద్ధం ప్రారంభం అయ్యి ఇప్పటికి 14 రోజులు అవుతున్నా.. పరిస్థితుల్లో మాత్రం ఏ మార్పు లేదు. ఉక్రెయిన్‌పై రష్యా దాడి కొనసాగుతూనే ఉంది. ఈ క్రమంలో ఉక్రెయిన్ లో చిక్కుకున్న తమ దేశ పౌరులను సురక్షితంగా తీసుకువచ్చేందుకు అన్ని దేశాలు ప్రయత్నాలు ప్రారంభించాయి. ఈ క్రమంలో ఉక్రెయిన్‌లో చిక్కుకున్న భారతీయులను ఇండియా తీసుకువచ్చేందుకు కేంద్ర ప్రభుత్వం ఆపరేషన్‌ గంగా కార్యక్రమాన్ని ప్రాంరభించి.. వేల మందిని సురక్షితంగా దేశానికి తీసుకువచ్చింది. ఈ క్రమంలో ఉక్రెయిన్‌లోని యుద్ధ ప్రాంతం నుంచి తనను సురక్షితంగా తరలించినందుకు భారత ప్రధాని మోదీకి, ఉక్రెయిన్ దేశంలోని భారత రాయబార కార్యాలయానికి పాకిస్థానీ యువతి కృతజ్ఞతలు తెలిపింది.
ఇది కూడా చదవండి: ఉక్రెయిన్ లో చిక్కుకున్న తెలుగు వైద్యుడు!
ఉక్రెయిన్‌లోని యుద్ధ ప్రాంతం నుంచి పాక్ యువతి అస్మా షఫీక్ ను కైవ్‌లోని భారత రాయబార కార్యాలయం ఉద్యోగులు సురక్షితంగా తరలించారు. చాలా క్లిష్ట పరిస్థితుల్లో తనకు సహాయం చేసిన భారత రాయబార కార్యాలయానికి, భారత ప్రధాని నరేంద్రమోదీకి పాక్ యువతి అస్మా ధన్యవాదాలు తెలిపింది. ప్రస్తుతం ఇందుకు సంబంధించిన వీడియో సోషల్‌ మీడియాలో వైరల్‌గా మారింది.
ఇది కూడా చదవండి: ఉక్రెయిన్ లో భార‌తీయ బాధితుల కోసం రంగంలోకి సోనూసూద్!
‘‘నేను భారత ప్రధాని మోదీకి కృతజ్ఞతలు తెలుపుతున్నాను. నేను సురక్షితంగా ఇంటికి చేరుకుంటానని ఆశిస్తున్నాను, భారత రాయబార కార్యాలయానికి ధన్యవాదాలు’’ అని పాక్ యువతి అస్మా మీడియాకు ఇచ్చిన ఇంటర్వ్యూ వీడియోలో పేర్కొంది. దీనిపై మీ అభిప్రాయాలను కామెంట్స్‌ రూపంలో తెలియజేయండి.
#WATCH | Pakistan’s Asma Shafique thanks the Indian embassy in Kyiv and Prime Minister Modi for evacuating her.
Shas been rescued by Indian authorities and is enroute to Western #Ukraine for further evacuation out of the country. She will be reunited with her family soon:Sources pic.twitter.com/9hiBWGKvNp
— ANI (@ANI) March 9, 2022
మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.
