follow us:
ఇండోనేసియాలో సంభవించిన భూకంపం పెను విషాదాన్ని నింపింది. ఇప్పటివరకు ఈ ప్రమాదంలో మరణించిన వారి సంఖ్య 252కు చేరింది. వందలాది మంది గాయపడ్డారు. వేలాదిగా ఇళ్లు, ఆస్తులు ధ్వంసమయ్యాయి. భారీ భవంతులు నేలమట్టమయ్యాయి. మృతుల సంఖ్య పెరిగే అవకాశం ఉంది. భూకంపం అనంతరం దృశ్యాలు సోషల్ మీడియాలో వైరల్ అయ్యాయి. ప్రాణభయంతో జనం సురక్షిత ప్రాంతాలకు పరుగులు పెడుతున్న దృశ్యాలు కనిపిస్తున్నాయి.
ఇండోనేషియా రాజధాని జకార్తాకు 100 కిలోమీటర్ల దూరంలో ఉన్న చియాంజుర్ కేంద్రంగా 5.6 తీవ్రతతో సోమవారం మధ్యాహ్నం సుమారు 1 గంట ప్రాంతంలో ఈ భూకంపం సంభవించింది. భూకంప తీవ్రతకు బియాంజుర్ పర్వత ప్రాంతమంతా నామరూపాల్లేకుండా ధ్వంసమైంది. ఈ ఘటనలో ఇప్పటివరకు 252 మంది ప్రాణాలు కోల్పోయినట్లు అధికారులు మంగళవారం వెల్లడించారు. మరో 300 మందికి పైగా తీవ్రంగా గాయపడగా.. ఇంకా 151 మంది ఆచూకీ తెలియాల్సి ఉందని తెలిపారు. మృతుల్లో ఎక్కువ మంది విద్యార్థులేనని తెలుస్తోంది. ఇండోనేషియాలోని అత్యధిక జనాభాగల ప్రావిన్స్ ఇదే కావడం గమనార్హం.
The death toll in an earthquake in Indonesia topped more than 250 people, authorities said, adding the numbers may rise https://t.co/DIEhe98IIc pic.twitter.com/OhyV4tX62N
— Reuters (@Reuters) November 22, 2022
అంతేకాదు.. ఇండోనేషియాలో తరచూ భూకంపాలు సంభవిస్తుంటాయి. అగ్నిపర్వత విస్పోట నాలు, సునామీలు కూడా అప్పుడప్పుడు వస్తుంటాయి. దేశ భూభాగం ‘రింగ్ ఆఫ్ ఫైర్‌’ పై ఉండటమే ఇందుకు కారణం. ఈ ఏడాది ఫిబ్రవరిలో వెస్ట్ సుమత్రా ప్రావిన్స్‌‌‌‌‌‌‌‌లో 6.2 తీవ్రతతో నమోదైన భూకంపం వల్ల 25 మందికి పైగా చనిపోయారు. 460 మంది దాకా గాయపడ్డారు. వేలాది మంది నిరాశ్రయులయ్యారు.
అలాగే కిందటేడాది జనవరిలో వెస్ట్ సులవేసి ప్రావిన్స్‌‌‌‌‌‌‌‌లో 6.2 తీవ్రతతో వచ్చిన భూకంపం వల్ల 100 మందికిపైగా చనిపోయారు. 6,500 మంది గాయపడ్డారు. ఇక 2004లో వచ్చిన సునామీ, భూకంపం వల్ల ప్రపంచవ్యాప్తంగా 2.3 లక్షల మంది చనిపోయారు. ఇందులో ఇండోనేసియాలోనే ఎక్కువగా మరణాలు సంభవించాయి.
At least 162 people were killed in Monday’s earthquake in Indonesia, many of them children, with more than 300 injured https://t.co/jajwpbjNoQ pic.twitter.com/80lsT5wq9M
— Al Jazeera English (@AJEnglish) November 22, 2022
#Earthquake (#gempa) possibly felt 49 sec ago in #Indonesia. Felt it? Tell us via:
📱https://t.co/LBaVNdVFgz
🌐https://t.co/AXvOM7qtuH
🖥https://t.co/wPtMW5w1CT
⚠ Automatic crowdsourced detection, not seismically verified yet. More info soon! pic.twitter.com/NKVXnD4mJG— EMSC (@LastQuake) November 21, 2022
