ఆడవాళ్లకు గుడ్‌న్యూస్‌.. భర్తల కోసం అలాంటి సెంటర్లు!

బేబీ కేర్ సెంటర్ల గురించి మీరు వినే ఉంటారు. ఉద్యోగ బాధ్యతల్లో బిజీగా ఉండి.. పిల్లల్ని చూసుకోవటానికి వీలులేని వారు తమ పిల్లల్ని ఈ సెంటర్లలో ఉంచుతూ ఉంటారు. బేబీ కేర్‌ సెంటర్లలోని సిబ్బంది పిల్లల్ని లాలించి, ఆడించి చక్కగా చూసుకుంటూ ఉంటారు. పొద్దున్న పిల్లల్ని అక్కడ వదిలేస్తే.. సాయంత్రం ఇంటికి తెచ్చుకోవచ్చు. ఇది పిల్లలకు సంబంధించిన విషయం. మరి, భర్తల కోసం కూడా కొన్ని సెంటర్లు ఉ‍న్నాయని మీకు తెలుసా? వాటినే ‘‘ హస్బెండ్ కేర్ సెంటర్లు’’ అంటారు. డెన్మార్క్ లోని ఓ కేఫ్ “హస్బెండ్ డే కేర్ సెంటర్” ని నిర్వహిస్తోంది.

ఈ సెంటర్ డెన్మార్క్‌లోని గ్రీన్ టవర్స్ లో ఉంది. ‘‘ మీకు రెస్ట్ తీసుకోవడానికి టైం కావాలా? షాపింగ్ చేయాలనుకుంటున్నారా? మీ భర్తను మాతో వదిలేయండి. మేం అన్ని చూసుకుంటాం. అతని డ్రింక్స్ కి పే చేయండి’’ ఓ పెద్ద బోర్డు పెట్టి మరీ ఆడవాళ్లను ఆకర్షిస్తోంది. భర్తలతో షాపింగ్‌కు వెళ్లలేక ఇబ్బంది పడే వాళ్లు.. ఇంట్లో రిలాక్స్‌ అవుదామని భావించి.. భర్తల పోరు తట్టుకోలేక పోయేవాళ్ల కోసమే ఈ హస్బెండ్ డే కేర్ సెంటర్ పుట్టుకొచ్చింది. ఇదే ఇప్పుడు ప్రపంచవ్యాప్తంగా హాట్ న్యూస్‌గా మారింది.

ఈ వార్త గురించి తెలుసుకున్న ప్రముఖ వ్యాపార వేత్త ఆనంద్ మహీంద్రా వెంటనే దీన్ని ట్విట్టర్ లో షేర్ చేశారు.”ఇన్నోవేషన్ అంటే కొత్త ప్రొడక్ట్స్ క్రియేట్ చేయడమే కాదు ఆల్రెడీ ఉన్న ప్రొడక్ట్స్ కోసం కొత్త కేసులను సృష్టించడం కూడా. ఇది బ్రిలియంట్” అని భర్త డే కేర్ సెంటర్ ను ప్రశంసించారు. మరి, సోషల్‌ మీడియాలో వైరల్‌గా మారిన ఈ వినూత్న ఆలోచనపై మీ అభిప్రాయాలను కామెంట్ల రూపంలో తెలియజేయండి.

Innovation is not just creating new products. It’s also about creating entirely new use-cases for an existing product category! Brilliant. 😊 pic.twitter.com/8rDMI91riJ

— anand mahindra (@anandmahindra) April 28, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.