follow us:
ప్రపంచ ప్రఖ్యాత మాజీ హెవీవెయిట్ బాక్సింగ్ ఛాంపియ‌న్ మైక్ టైసన్ హఠాత్తుగా వీల్ చైర్‌లో కనిపించడంతో ఫ్యాన్స్ ఆందోళన చెందారు. దీనికి సంబంధించిన ఫొటోలు సోషల్ మీడియాలో వైరల్ అవుతున్నాయి. 56 ఏళ్ల టైసన్ అమెరికాలోని మియామి ఎయిర్‌పోర్టులో ఇలా వీల్ చైర్‌లో ప్రత్యక్షమయ్యారు. అంతేకాదు ఆయన చేతితో వాకింగ్ స్టిక్ కూడా పట్టుకోవడం గమనార్హం. వివరాల్లోకి వెళితే..
బాక్సింగ్ దిగ్గజం మైక్ టైసన్ గతకొంతకాలంగా వెన్నునొప్పి, సయాటికా అనే వ్యాధితో బాధపడుతున్నట్లు తెలిసింది. డాక్టర్లు టైసన్‌ను వీల్ చైర్‌ వాడాలని సలహా ఇచ్చారట. ఇటీవల న్యూయార్క్‌లోనూ టైసన్ వాకింగ్ స్టిక్ సాయంతో నడుస్తూ కనిపించాడు. ఈ విషయం గురించి మైక్ టైసన్ మాట్లాడుతూ.. వాకింగ్ స్టిక్ కేవలం జాగ్రత్త కోసమేనని, తన ఆరోగ్యం బాగానే ఉందని చెప్పాడు. చిన్న చిన్న సమస్యలు ఉన్నా ప్రస్తుతం వాటికి సంబంధించిన చికిత్స తీసుకుంటున్నానని అన్నారు.
ఇక మైక్ టైసన్ మియామి ఇంటర్నేషనల్ ఎయిర్‌పోర్టులో నుంచి బయటకు వస్తున్నప్పుడు ఆయనతో సెల్ఫీల కోసం అభిమానులు ఎగబడ్డారు. ఒకప్పుడు ప్రపంచాన్ని ఏలిన దిగ్గజ బాక్సర్‌ ఇలాంటి పరిస్థితి ఎదురయ్యిందే అని ఆందోళన చెందుతున్నారు ఫ్యాన్స్. పూరి జగన్నాథ్ దర్శకత్వంలో విజయ్ దేవరకొండ, అనన్యా పాండే జంటగా నటించిన పాన్ ఇండియా మూవీ ‘లైగర్’లో ఓ ముఖ్య పాత్రలో మైక టైసన్ కనిపించబోతున్న విషయం తెలిసిందే. ఈ మూవీ ఆగస్టు 25 న ప్రపంచ వ్యాప్తంగా రిలీజ్ కాబోతుంది. ఈ విషయంపై మీ అభిప్రాయాలు కామెంట్స్ రూపంలో తెలియజేయండి.
Former heavyweight boxing champion Mike Tyson’s health failing him and says his ‘expiration date may come really soon’
Mike Tyson is pictured in a wheelchair at Miami Airport, raising new fears for his health amid problems with sciatica. pic.twitter.com/ITHHAwfJQK— Zedbugs (@Zedbugs1) August 17, 2022
