వడగళ్ల వానతో దెబ్బతిన్న విమానం ముందు భాగం.. ఆ తరువాత ఏం జరిగిందంటే?

దేశ వ్యాప్తంగా వర్షాల జోరు కొనసాగుతోంది. ఎడతెరిపి లేని వర్షాలతో వాగులు వంకలు పొంగిపొర్లుతున్నాయి. దీంతో విపరీతంగా వరదలు సంబవించి జన జీవనం స్తంబించిపోయింది. లోతట్టు ప్రాతాలు నీటమునిగాయి. బలమైన గాలులు వీయడంతో భారీ వృక్షాలు, హోర్డింగ్స్ నేలకూలాయి. వరదల ధాటికి పురాతన భవనాలు కుప్పకూలుతున్నాయి. ఎంతో మంది ప్రజలు నిరాశ్రయులయ్యారు. వరదల ధాటికి రోడ్లు ధ్వంసం అయ్యాయి. ఈ భారీ వర్షాల ప్రభావం ఓ విమానంపై పడింది. ఆకాశంలో ఎగురుతున్న సమయంలో వడగళ్ల వాన పడడంతో విమానం ప్రమాదానికి గురయ్యింది. దీంతో ప్రయాణికులు ప్రాణ భయంతో వణికిపోయారు. దీనికి సంబంధించిన వివరాలు ఇలా ఉన్నాయి.

వర్షాలు దేశంలోనే కాకుండా విదేశాల్లో కూడా ఎంతటి బీభత్సం సృష్టిస్తున్నాయో ఈ ఒక్క ఘటనను బట్టి తెలిసిపోతుంది. వర్షానికి విమానం ధ్వంసమైన ఘటన ప్రయాణికులను షాక్ కు గురిచేస్తోంది. భారీ వర్షంలో వడగళ్ల ధాటికి విమాన ముందు భాగం ధ్వంసం అయ్యింది. ఈ ఘటన రోమ్ నగరంలో చోటుచేసుకుంది. వివరాల్లోకి వెళ్తే.. ఇటలీలోని మిలన్ ఎయిర్ పోర్ట్ నుంచి డెల్టా ఎయిర్ లైన్స్ కు చెందిన విమానం 215మంది ప్రయాణికులతో న్యూయార్క్ కు బయలుదేరింది. విమానం టేకాఫ్ సమయంలో వాతావరణం అనుకూలంగానే ఉండడంతో ఎయిర్ ట్రాఫిక్ అధికారులు విమానం టేకాఫ్ కు గ్రీన్ సిగ్నల్ ఇచ్చారు.

అయితే గాల్లోకి ఎగిరిన 15 నిమిషాల్లోనే వాతావరణం అంతా మారిపోయింది. ఒక్కసారిగా పిడుగులు, వడగళ్లతో భారీ వర్షం కురిసింది. దీంతో విమానం ముందు భాగానికి రంధ్రం పడింది. విమానం రెక్కలు, ఇంజన్ భాగాలు ధ్వంసం అయ్యాయి. విమానం కుదుపులకు గురికావడంతో ప్రయాణికులు భయాందోళనకు గురయ్యారు. పరిస్థితి క్రిటికల్ గా ఉండడంతో విమానాన్ని కంట్రోల్ చేయడం పైలట్లకు సవాల్ గా మారింది. దీంతో విమానాన్ని రోమ్ లో అత్యవసరల్యాండింగ్ చేశారు. అక్కడకు చేరుకున్న అధికారులు విమానం పరిస్థితిని పరిశీలించి పెనుప్రమాదం తప్పిందని తెలిపారు. ఈ ఘటనలో ప్రయాణికులకు ఏవిదమైన గాయాలు కాలేదని, అందరు సురక్షితంగా బయటపడ్డారని వెల్లడించారు.

Delta Boeing 767-300 (N189DN) flight #DL185 from Milan to New York JFK encountered hailstorms and severe turbulence after takeoff from Milan Malpensa Airport. The crew decided to divert to Rome Fiumicino. The aircraft received damage to its wings, engines, and radome. pic.twitter.com/2Se7hFpOtS

— Sαƈԋιɳ Kυɱαɾ ʋҽɾɱα (@Imsachin_kv) July 25, 2023