ప్రపంచ దిగ్గజ సంస్థ ట్విట్టర్ సీఈఓగా మన భారతీయుడు

బిజినెస్ డెస్క్- ప్రపంచ దిగ్గజ సంస్థ ట్విట్టర్ కు మన భారతీయుడు నేతృత్వం వహిస్తున్నారు. ట్విట్టర్‌ సహ వ్యవస్థాపకుడు, సీఈఓ జాక్‌ డోర్సే తన పదవికి రాజీనామా చేశారు. దీంతో ఆయన స్థానంలో భారత సంతతికి చెందిన పరాగ్ అగర్వాల్ ట్విట్టర్ కొత్త సీఈవోగా బాధ్యతలు చేపట్టారు. ట్విట్టర్ సంస్థలో చేరిన పదేళ్లలోనే పరాగ్‌ అగర్వాల్‌ సీఈఓ పదవిని చేపట్టడం విశేషం.

ఇప్పటికే మైక్రోసాఫ్ట్, గూగుల్, ఐబీఎం వంటి దిగ్గజ సంస్థలకు భారతీయులే సారథ్య బాధ్యతలు నిర్వహిస్తుండగా, తాజాగా ఆ జాబితాలో ట్విట్టర్ సీఈఓ పరాగ్ అగర్వాల్ చేరారు. భారత్‌ కు చెందిన పరాగ్‌ అగర్వాల్‌ 2005 లో ఐఐటీ బాంబే నుంచి కంప్యూటర్‌ సైన్స్‌లో డిగ్రీ పూర్తి చేసి, తర్వాత ప్రఖ్యాత స్టాన్‌ ఫోర్డ్‌ యూనివర్సిటీలో 2011లో పీహెచ్‌డీ చేశారు. పీహెచ్‌డీ చేస్తున్న సమయంలో మైక్రోసాఫ్ట్‌, ఏటీ అండ్‌ టీ ల్యాబ్స్‌, యాహూ వంటి అంతర్జాతీయ సంస్థల్లో రిసెర్చ్‌ చేశారు.

ఆ తరువాత 2011 అక్టోబరులో ట్విట్టర్‌ లో సాఫ్ట్‌ వేర్‌ ఇంజినీర్‌ గా చేరారు పరాగ్‌ అగర్వాల్‌. 2018లో ట్విట్టర్ చీఫ్‌ టెక్నాలజీ ఆఫీసర్‌ గా నియమితులయ్యారు. పరాగ్ అగర్వాల్ పదేళ్లుగా ట్విట్టర్‌లో కొనసాగుతున్నారు. ట్విట్టర్‌ మెషిన్‌ లెర్నింగ్‌, ఆర్టిఫిషియల్‌ ఇంటెలిజెన్స్‌, టెక్నికల్‌ స్ట్రాటజీ విభాగంలో కన్జ్యూమర్‌, రెవెన్యూ, సైన్స్‌ టీమ్స్‌ల బాధ్యతలను పరాగ్ అగర్వాల్ నిర్వర్తిస్తున్నారు. తనను సీఈఓగా నియమించడం పట్ల పరాగ్ సంస్థకు కృత‌జ్ఞ‌త‌లు తెలియజేశారు.

తాను ఈ సంస్థలో పదేళ్ల క్రితం చేరేటప్పుడు 1,000 మంది ఉద్యోగులు ఉండేవారని అగర్వాల్ గుర్తు చేసుకున్నారు. నేను మీ అడుగుజాడల్లో నడిచాను.. హెచ్చుతగ్గులు, సవాళ్లు, అడ్డంకులు, విజయాలు, తప్పులను నేను చూశాను.. కానీ అప్పుడు ఇప్పుడు, అన్నింటికీ మించి నేను ట్విట్టర్ అద్భుతమైన ప్రభావాన్ని, మా నిరంతర పురోగతిని, మన ముందున్న ఉత్తేజకరమైన అవకాశాలను చూస్తున్నాను.. మా ఉద్దేశం అంతకన్నా ముఖ్యమైంది కాదు.. మన ప్రజలు, మన సంస్కృతి ప్రపంచంలో దేనికదే భిన్నంగా ఉంటాయి.. మనం కలిసి చేసేదానికి పరిమితి లేదు.. అని పరాగ్ అగర్వాల్ వ్యాఖ్యానించారు.

ఇక జాక్ డోర్సే 16 ఏళ్ల పాటు ట్విట్టర్ కు సీఈఓగా బాధ్యతలు నిర్వర్తించారు. తాను ఈ భాద్యతల నుంచి తప్పుకుంటూ, బోర్డు డైరెక్టర్లు తదుపరి సీఈఓగా పరాగ్ అగర్వాల్‌ ను ఏకగ్రీవంగా ఎన్నుకున్నారని ట్విట్టర్ వేదికగా ఓ లేఖను షేర్ చేశారాయన. సంస్థ తీసుకున్న క్లిష్టమైన నిర్ణయాల వెనుక పరాగ్ అగర్వాల్ ఉన్నారని ఆయన చెప్పారు.

Deep gratitude for @jack and our entire team, and so much excitement for the future. Here’s the note I sent to the company. Thank you all for your trust and support 💙 https://t.co/eNatG1dqH6 pic.twitter.com/liJmTbpYs1

— Parag Agrawal (@paraga) November 29, 2021

More technology News

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.