follow us:
మహిళలను పట్టిపీడిస్తున్న అతి పెద్ద సమస్య లైంగిక వేధింపులు. బయట వ్యక్తులే కాదూ ఇంట్లోని వారే ఆడవాళ్లపై అఘాయిత్యాలకు పాల్పడుతున్నారు. ఈ లైంగిక వేధింపులకు సామాన్యులు కాదూ సెలబిట్రీలు కూడా అతీతమేమీ కాదు. నటి కుష్బు ఇటీవల తనకు జరిగిన లైంగిక వేధింపుల గురించి ప్రస్తావించారు. ఇప్పుడు మరొకరు ముందుకు వచ్చారు.
లైంగిక వేధింపులు చిన్నారుల్ని, అమ్మాయిల్ని, మహిళల్ని పట్టిపీడుస్తున్న అతి పెద్ద సమస్య. తమపై అమానుషం జరిగిందన్న విషయాన్ని కూడా గ్రహించలేని వయస్సులో లైంగిక దాడులకు గురౌతున్నారు. ఎవ్వరితో చెప్పాలో తెలియక, చెబితే ఏం జరుగుతుందోనన్న భయాందోళనలతో బతుకుతుంటారు. పసి ప్రాయంలోనే కాదూ పెరిగి పెద్దయ్యాక కూడా వీరికి ఈ వేధింపులు తప్పడం లేదు. ఇంటా, బయటా ఎక్కడ చూసిన పురుషుల చేతుల్లో నలిగిపోతున్నారు. ప్రస్తుతం మీడియా వచ్చిందీ కాబట్టి.. కొంత మంది మహిళలైనా తమ గళాన్ని విప్పుతున్నారు. తమకు చిన్నతనంలో తమకు ఎదురైన లైంగిక వేధింపులు గురించి వెల్లడిస్తున్నారు.
మొన్న నటి, బీజెపీ నేత కుష్బు తనకు చిన్నప్పుడు ఎదురైన చేదు అనుభవాన్ని బహిర్గతం చేశారు. ఈ మధ్యే జాతీయ మహిళా కమీషన్ సభ్యురాలిగా బాధ్యతలు చేపట్టిన కుష్బు మహిళలపై జరుగుతున్న వేధింపుల గురించి మాట్లాడుతూ.. తన తండ్రే తనపై లైంగిక వేధింపులకు ప్రయత్నించారని సెన్సేషనల్ కామెంట్లు చేశారు. ఎనిమిదేళ్ల వయసులోనే తన తండ్రి నుండి సెక్సువల్ హెరాస్మెంట్‌కు గురయ్యానని, 15 ఏళ్లు వచ్చే సరికి ఆయనను ఎదురించడం మొదలు పెట్టానని, 16 ఏళ్లకు తాను ఇంట్లో నుండి బయటకు వచ్చేసి బతుకుతున్నట్లు తెలిపారు. తాను చెబితే మరి కొంతమందైనా ముందుకు వస్తారన్న ఉద్దేశంతో ఆమె ఈ వ్యాఖ్యలు చేశారు.
ఇప్పుడు మరో మహిళ తనకు జరిగిన లైంగిక వేధింపుల గురించి బహిరంగ పరిచారు. ఆమె సాధారణ మహిళ కాదూ. మహిళల తరుఫున ప్రాతినిధ్యం వహిస్తుంటారు. ఆమె ఢిల్లీ మహిళా కమిషన్ (డిసిడబ్ల్యూ) చీఫ్ స్వాతి మలివాల్. ఆమె తన తండ్రిపై సెన్సేషన్ కామెంట్లు చేశారు. ఓ కార్యక్రమంలో పాల్గొన్న ఆమె మాట్లాడుతూ తనను తన తండ్రే లైంగిక వేధింపులకు గురి చేసినట్లు చెప్పారు. తన చిన్న తనంలో తన తండ్రి తన పట్ల అనుచితంగా ప్రవర్తించారని తెలిపారు. ‘ నా చిన్నతనంలో నన్ను మా నాన్న లైంగికంగా వేధించేవాడు. అతను నన్ను కొట్టేవాడు. ఆయన ఇంటికి వస్తున్నాడంటే రాత్రంతా నేను మంచం కింద దాక్కునేదాన్ని. మహిళలు, పిల్లల్ని హింసకు గురి చేస్తున్న ఇటువంటి పురుషులకు ఎలా బుద్ది చెప్పాలా అని ఆలోచిస్తూ ఉండేదాన్ని’అని తెలిపారు.
‘మా నాన్న నన్ను కొట్టాలనుకున్నప్పుడు నా జుట్టు పట్టుకుని గట్టిగా గోడకు తలను కొట్టేవాడు. దీంతో రక్త వచ్చేది. చాలా నొప్పిగా అనిపించేది’ అని ఎమోషనల్ అయ్యారు. తాను 4వ తరగతి చదువుకునే వరకు ఆయన కలిసి ఉన్నానని, అప్పటి వరకు ఈ నరకం చూశానని అని అన్నారు. డిసిడబ్ల్యూ చీఫ్ గా గత ఆరేళ్లలో లక్షకు పైగా కేసులు చేపట్టినట్లు చెప్పారు. ప్రతి రోజు ఉమన్స్ హెల్ప్ లైన్ నంబర్ 181కు 2వేల నుండి 4 వేల కాల్స్ వస్తాయన్నారు. లక్షలాది మంది మహిళలకు నేరుగా సాయం చేస్తున్నామని చెప్పారు. హోలీ ముసుగులో జపాన్ యువతిని వేధించిన యువకులపై చర్యలు తీసుకోవాలని ఢిల్లీ పోలీసులకు నోటీసులు జారీ చేసినట్లు చెప్పారు.
#WATCH | “I was sexually assaulted by my father when I was a child. He used to beat me up, I used to hide under the bed,” DCW chief Swati Maliwal expresses her ordeal alleging her father sexually assaulted her during childhood pic.twitter.com/GsUqKDh2w8
— ANI (@ANI) March 11, 2023
