ఒంటరిగా ఉండటం కష్టం.. నన్ను ఎంటర్టైన్ చేయండి

ఫిల్మ్ డెస్క్- దేశంలో మరోసారి కరోనా విలయతాండవం చేస్తోంది. చాప కింద నీరులా కొవిడ్ మెల్ల మెల్లగా విస్తరిస్తోంది. సినిమా ఇండస్ట్రీలోని ప్రముఖులకు సైతం కరోనా సోకుతుంది. టాలీవుడ్‌, కోలీవుడ్‌, బాలీవుడ్ కు చెందిన సినీ ప్రముఖలు, అగ్ర హీరోహీరోయిన్లు వరసగా కరోనా వైరస్‌ బారిన పడుతున్నారు. ఇప్పటికే సూపర్ స్టార్ మహేశ్‌ బాబు, మంచు లక్ష్మి, మంచు మనోజ్‌ కు కరోనా పాజిటివ్‌ వచ్చింది.

తాజాగా సీనియర్‌ నటుడు రాజేంద్ర ప్రసాద్‌ సైతం కరోనా మహమ్మారి బారినా పడ్డారు. ఇటీవల అమెరికా వెళ్లోచ్చిన తమిళ స్టార్‌ హీరో కమల్‌ హాసన్‌ కు సైతం కరోనా సోకగా, సీనియర్‌ నటి శోభన కూడా కోవిడ్‌ పాజిటివ్‌ నిర్ధారణ అయినట్లు ప్రకటించింది. ఇదిగో ఇప్పుడు మరో సీనియర్‌ నటికి కూడా కరోనా పాజిటివ్ గా తేలింది.

బీజేపీ నాయకురాలు, ప్రముఖ నటి ఖుష్బూ సందర్‌ కరోనా పాజిటివ్‌ పరీక్షించినట్లు సోషల్‌ మీడియా వేదిక తెలిపింది. మొత్తానికి కరోనా వచ్చేసింది.. గత రెండు వేవ్‌ల నుంచి తప్పించుకున్నప్పటికీ ఈసారి కోవిడ్‌ నన్ను చేరుకుంది.. నిన్న సాయంత్రం వరకు ఎలాంటి లక్షణాలు లేని నాకు ఆ తర్వాత ముక్కు కారడం ప్రారంభమైంది.. అది ఎక్కువ కావడంతో టెస్ట్‌ చేయించుకున్న నాకు పాజిటివ్‌గా తేలింది..

ప్రస్తుతం ఐసోలేషన్‌లో ఉన్న.. ఒంటరిగా ఉండటం చాలా కష్టం ఉంది… కానీ తప్పదు.. కాబట్టి రాబోయే 5 రోజులు నన్ను ఎంటర్‌టైన్‌ చేయండి.. అలాగే ఎలాంటి లక్షణాలు ఉన్న పరీక్షించుకోండి.. అంటూ ఖుష్బూ ట్వీట్‌ చేసింది. అదన్నమాట సంగతి. అన్నట్లు ఖుష్బూ చెప్పినట్లు ఏ మాత్రం కరోనా లక్షణాలు ఉన్నా నిర్లక్ష్యం చేయకుండా వెంటనే పరీక్షించుకోవడం మరిచిపోకండి.

Ok. finally #Covid catches up with me after dodging last 2 waves. I have just tested positive. Till last eve i was negative. Have a running nose,did a test n Voila! I have isolated myself. Hate being alone. So keep me entertained for the next 5 days. N get tested if any signs 🥰

— KhushbuSundar (@khushsundar) January 10, 2022