follow us:
బుల్లితెరపై డాన్స్ రియాలిటీ షోల ద్వారా సూపర్ క్రేజ్ సొంతం చేసుకున్న కొరియోగ్రాఫర్స్ లో యశ్ మాస్టర్ ఒకరు. ముఖ్యంగా ఢీ షోలో అన్ని ఫార్మాట్లలో విజేతగా నిలిచిన యశ్వంత్ అలియాస్ యశ్.. సినిమాలలోకి వచ్చాక పలు హిట్ సాంగ్స్ కి డాన్స్ కంపోజ్ చేశాడు. అయితే.. త్వరలోనే యశ్ మాస్టర్ కూడా కొరియోగ్రాఫర్స్ నుండి హీరోలుగా మారిన లిస్టులో చేరబోతున్నాడు. ఇప్పటికే కొరియోగ్రాఫర్స్ గా మంచి గుర్తింపు తెచ్చుకున్న స్టార్ కొరియోగ్రాఫర్స్ ప్రభుదేవా, రాఘవ లారెన్స్, జానీ మాస్టర్ లాంటివారి తర్వాత ఇప్పుడు యశ్ మాస్టర్ హీరోగా డెబ్యూ చేస్తుండగా.. ఆ సినిమాను టాలీవుడ్ స్టార్ ప్రొడ్యూసర్ నిర్మిస్తుండటం విశేషం.
యశ్వంత్ హీరోగా నటిస్తున్న సినిమాకు ‘ఆకాశం దాటి వస్తావా’ అనే టైటిల్ ని ఖరారు చేసినట్లు తెలుస్తోంది. అయితే.. ఈ సినిమాను స్టార్ ప్రొడ్యూసర్ దిల్ రాజు నిర్మిస్తున్నాడట. అలాగే ఈ సినిమాతో శశికుమార్ అనే కొత్త డైరెక్టర్ ఇండస్ట్రీకి పరిచయం కాబోతున్నాడు. ఇటీవల విడుదలైన ‘లవ్ టుడే’ అనే డబ్బింగ్ మూవీకి తెలుగు డైలాగ్స్ అందించాడు శశికుమార్. ఇక లవ్ డ్రామా జానర్ లో తెరకెక్కుతున్న ఈ సినిమాలో యశ్వంత్ మాస్టర్ సరసన హీరోయిన్ గా కార్తీక మురళీధరన్ నటిస్తోంది. ప్రముఖ సినిమాటోగ్రాఫర్ సి.కే. మురళీధరన్ కూతురే ఈ కార్తీక. కాగా.. ఇప్పటికే ఈ సినిమా షూటింగ్ దాదాపు పూర్తయిందని.. కేవలం 10 రోజుల షూటింగ్ మాత్రమే మిగిలి ఉందని సమాచారం.
ఇదిలా ఉండగా.. దిల్ రాజు ఈ ఏడాది తన ఫ్యామిలీ నుండి ఆశిష్ రెడ్డిని హీరోగా ఇంట్రడ్యూస్ చేసిన సంగతి తెలిసిందే. ఇప్పుడు యశ్వంత్ మాస్టర్ ని ఇంట్రడ్యూస్ చేస్తుండటంపై యశ్ ఫ్యాన్స్ ఆనందం వ్యక్తం చేస్తున్నారు. ఇక కొరియోగ్రాఫర్ గా ఢీ షోతో పాటు.. యూ టర్న్ మూవీలో కర్మ థీమ్ సాంగ్, ప్రతిరోజూ పండగ, చిత్రలహరి, జార్జి రెడ్డి, సోలో బ్రతుకే సో బెటర్, శ్యామ్ సింగరాయ్ లాంటి సినిమాలలోని పాపులర్ సాంగ్స్ కంపోజ్ చేశాడు. ఇప్పుడు ఏకంగా హీరోగా ఎంట్రీ ఇస్తున్న సినిమా వచ్చే ఏడాది సమ్మర్ లో రిలీజ్ చేయనున్నారట. చూడాలి మరి.. ఆకాశం దాటి వస్తావా మూవీ.. యశ్ – కార్తీకలతో పాటు డైరెక్టర్ శశికుమార్ కు ఎలాంటి ఫలితాన్ని అందించనుందో!
View this post on Instagram
View this post on Instagram
View this post on Instagram
