follow us:
ఆర్‌ఆర్‌ఆర్‌ సినిమా ఆస్కార్‌ అవార్డు గెలిచిన తర్వాత జూనియర్‌ ఎన్టీఆర్.. తన నివాసంలో టాలీవుడ్‌ సెలబ్రిటీలకు గ్రాండ్ డిన్నర్‌ పార్టీ ఇచ్చాడు. రాజమౌళి సహా ప్రముఖ టాలీవుడ్‌ దర్శక, నిర్మాతలంతా ఈ పార్టీకి హజరయ్యారు. కానీ రామ్ చరణ్ మాత్రం రాలేదు. దీనిపై నెట్టింట జోరుగా ప్రచారం సాగుతోంది. ఆ వివరాలు..
యంగ్‌ టైగర్‌ జూనియర్‌ ఎన్టీఆర్ టాలెంట్‌ గురించి ప్రత్యేకంగా చెప్పాల్సిన పని లేదు. తాత నందమూరి తారకరామారావుకి తగ్గ మనవడిగా.. ఆయన వారసుడిగా సినీ ఇండస్ట్రీలోకి ఎంట్రీ ఇచ్చిన ఎన్టీఆర్.. ప్రస్తుతం టాలీవుడ్‌లో టాప్‌ హీరోగా రాణిస్తున్నాడు. తాజాగా ఆర్‌ఆర్‌ఆర్‌ సినిమాతో ఎన్టీఆర్ ప్రతిభ ప్రపంచవ్యాప్తంగా తెలిసింది. ఆయన నటనకు.. వరల్డ్‌వైడ్‌గా అభిమానులు ఏర్పాడ్డారు. హాలీవుడ్‌ ప్రముఖులు సైతం జూనియర్‌ టాలెంట్‌పై ప్రశంసలు కురిపించారు. ఆస్కార్‌ హడావుడి ముగిసిన తర్వాత ప్రస్తుతం ఎన్టీఆర్.. కొరటాల శివ దర్శకత్వంలో తెరకెక్కుతున్న చిత్రంలో నటిస్తున్నాడు. అలనాటి అందాల నటి శ్రీదేవి కుమార్తె.. జాన్వి కపూర్‌.. ఈ చిత్రం ద్వారా టాలీవుడ్‌కు పరిచయం అవుతున్నారు. ప్రస్తుతం ఈ చిత్రం పనులతో బిజీగా ఉన్న తారక్‌.. సడెన్‌గా తన ఇంట్లో గ్రాండ్ పార్టీ ఏర్పాటు చేశాడు. ఇందుకు సంబంధించిన ఫొటోలు నెట్టింట వైరల్‌గా మారాయి.
అమెజాన్‌ స్టూడియోస్‌ ఇంటర్నేషనల్‌ వైస్‌ ప్రెసిడెంట్‌ జేమ్స్‌ ఫారెల్‌.. హైదరాబాద్‌ వచ్చారు. ఆయన ప్రత్యేకంగా జూనియర్‌ని కలవడానికి వచ్చారని టాక్‌. ఈ నేపథ్యంలో తారక్‌.. జేమ్స్‌ ఫారెల్‌తో పాటు.. టాలీవుడ్‌ ప్రముఖులందరికి గ్రాండ్ పార్టీ ఇచ్చాడు. టాలీవుడ్‌ దిగ్గజ నిర్మాతలు, దర్శకులు ఈ పార్టీకి హాజరయ్యారు. ఇందుకు సంబంధించిన ఫొటోలు నెట్టింట వైరల్‌గా అవ్వగా.. ఓ విషయం మాత్రం ప్రతి ఒక్కరి దృష్టిని ఆకర్షించింది. ఈ పార్టీలో రామ్ చరణ్ కనిపించలేదు. దాంతో దీనిపై నెట్టింట జోరుగా చర్చ సాగుతోంది.
మరి రామ్ చరణ్ ఈ పార్టీకి ఎందుకు రాలేదు అంటే.. కొందరేమో.. తారక్‌.. కేవలం దర్శక, నిర్మాతలను మాత్రమే పార్టీకి పిలిచాడు.. అందుకే చరణ్ రాలేదు అంటున్నారు. మరి కొందరేమో.. రామ్ చరణ్, ఉపాసన వెకేషన్‌ కోసం మాల్దీవులకు వెళ్లారు. బుధ‌వార‌మే అక్కడ నుంచి తిరిగి హైదరాబాద్‌ వచ్చారు. ఈ క్రమంలో జెట్‌లాగ్ కార‌ణంగా రామ్ చరణ్ ఈ పార్టీకి రాలేదు అని సమాచారం. అంతేకాక దర్శకుడు సుకుమార్‌, నిర్మాత దిల్ రాజు కూడా ఈ పార్టీలో కనిపించలేదు. సుకుమార్‌ పుష్ప-2 షూటింగ్‌లో బిజీగా ఉంటే.. దిల్ రాజు ఢిల్లీలో శాకుంత‌లం సినిమా ప్ర‌మోష‌న్స్‌తో బిజీగా ఉన్నారని.. అందుకే తారక్‌ ఇచ్చిన పార్టీకి వారు రాలేదని టాక్‌ వినిపిస్తోంది.
అయితే దీనికి కొన్ని రోజుల ముందు రామ్ చరణ్ బర్త్‌డే సందర్భంగా గ్రాండ్ పార్టీ ఏర్పాటు చేశారు. పనిలో పనిగా ఆర్‌ఆర్‌ఆర్‌ టీమ్‌ను సత్కరించారు చిరంజీవి. ఈ పార్టీలో తారక్‌ మాత్రం కనిపించలేదు. అంతేకాక ఆర్‌ఆర్‌ఆర్‌ సినిమా విడుదలకు ముందు ప్రమోషన్స్‌ కార్యక్రమంలో చరణ్, తారక్‌ ఒకరి గురించి ఒకరు టాప్‌ సీక్రెట్‌లు బయటపెట్టారు. లక్ష్మీ ప్రణతి పుట్టిన రోజు మార్చి 26. నెక్స్ట్‌ డే రామ్ చరణ్ బర్త్‌డే. మార్చి 26 రాత్రి పన్నెండు గంటల వరకు ప్రణతితో ఉంటానని.. ఆ తర్వాత పన్నెండు దాటిన వెంటనే రామ్ చరణ్ ఇంటికి వెళ్ళి అతడిని పిక్ చేసుకుని తామిద్దరం బయటకు వెళ్ళే వాళ్ళమని చెప్పుకొచ్చారు.
మరి, ఈ ఏడాది అలా జరిగిందా.. తారక్‌-చరణ్ బయటకు వెళ్లారా అంటూ నెటిజనులు సందేహాలు వ్యక్తం చేశారు. దీనికి తోడు రామ్ చరణ్ బర్త్ డే పార్టీలో ఎన్టీఆర్ ఎక్కడా కనిపించలేదు. ఇక తాజాగా తారక్‌ ఇచ్చిన పార్టీలో రామ్ చరణ్ కనిపించకపోడం చర్చనీయాంశంగా మారింది. మరి దీనిపై మీ అభిప్రాయాలను కామెంట్స్‌ రూపంలో తెలియజేయండి.
An evening well spent with friends and well wishers. Was great catching up with James and Emily. Thanks for keeping your word and joining us for dinner. pic.twitter.com/Zy0nByHQoq
— Jr NTR (@tarak9999) April 12, 2023
