బప్పి లహిరి ఒంటిపై అంత బంగారం ఎందుకు ఉండేదంటే?

ప్రముఖ సంగీత దర్శకుడు, గాయకుడు బప్పి లహిరి కన్నుమూశారు. ఆయన గత కొంతగాలంగా అనారోగ్యంతో బాధపడుతున్నారు. దీంతో ముంబైలోని ఓ ప్రైవేటు ఆస్పత్రిలో చికిత్స పొందుతూ తుదిశ్వాస విడిచారు. తన డిస్కొ మ్యూడిక్ తో భారతీయ సినీ పరిశ్రమను ఒక ఊపు ఊపేశారు. అయితే తాజాగా లహిరి మరణం నేపథ్యంలో ఆయన పాటలు, సంగీతం, వ్యక్తిగత జీవిత విశేషాలను అభిమానులను మరోసారి గుర్తుచేసుకుంటున్నారు. ఇందులో భాగంగా బప్పి లహిరి అనగానే మెడలో బంగారంతో అందరికి గుర్తుకు వస్తుంది. అలా అందరి మదిలో ఆయనకి గోల్డ్ మ్యాన్ గా కూడా గుర్తింపు ఉంది. ఆ బంగారం ధరించడానికి గల కారణాలను బప్పి లహరికి ఓ ఇంటర్వ్యూలో పంచుకున్నారు.

బప్పి లహిరి ఓ ఇంటర్య్యూలో మాట్లాడుతూ..” బంగారం ధరించే విషయంలో నన్ను అమెరికన్ పాప్ స్టార్ ఎల్విస్ ప్రెస్లీ ప్రభావితం చేశారు. ఓ షోలో ఎల్విస్ పెద్ద బంగారు గొలుసు వేసుకున్నారు. ఆ లుక్ నాకు చాలా నచ్చింది. ఎప్పటికైనా నేను అలా ధరించాలని అనుకున్నాను. అలా ఆరోజు పుట్టిన ఆలోచనతో సెలెబ్రిటీగా మారాక బంగారు గొలుసులు అధికంగా వేసుకోవడం అలవాటైంది. బంగారం గొలుసు ధరించడం ద్వారా సొంత స్టైల్‌ ను సృష్టించుకున్నాను. ఇలా బంగారు ఆభరణాలు వేసుకున్నాక నాకు బాగా కలిసి వచ్చింది” అని తెలిపారు.

గతంలో లోక్ సభ ఎన్నికల్లో బీజేపీ టికెట్ పై పోటీ చేశారు బప్పీ లహిరి. ఆ సమయంలో ఎన్నికల అఫిడవిట్లో ఆస్తుల వివరాలు సమర్పించారు. అందులో తన దగ్గర ఉన్న బంగారం వివరాలను కూడా పొందుపరిచారు. ఆ వివరాల ప్రకారం బప్పి లహరి దగ్గర 75 తులాల బంగారం ఉంది, అలాగే అతడి భార్య పేరు మీద 96 తులాల బంగారం ఉంది. అలాగే బప్పీ పేరు మీద 4.62 కిలోల వెండి, భార్య పేరున 8.9కిలోల వెండి ఉంది. రూ.4 లక్షల విలువ చేసే వజ్రాలు కూడా ఉన్నాయి. మొత్తం ఆస్తుల విలువ 20 కోట్ల రూపాయలుగా చూపించారు. మరి.. ఈ విషయంపై మీ అభిప్రాయాలను కామెంట్స్ రూపంలో తెలియజేయండి.