follow us:
సీనియర్ హీరో, నటుడు కృష్ణంరాజు మరణం ఇండస్ట్రీకి తీరనిలోటు. అనారోగ్య సమస్యలతో ఆయన చనిపోవడంతో పలువురు సినీ, రాజకీయ ప్రముఖులు సంతాపం తెలియజేస్తున్నారు. ఆయన ఆత్మకు శాంతి చేకూరాలని ప్రార్థిస్తున్నారు. ఇక ఎన్నో అద్భుతమైన సినిమాలతో అలరించిన కృష్ణంరాజు.. సగటు సినీ ప్రేక్షకుడికి తన చిత్రాలతో సరికొత్త అనుభూతి అందించారు. రెబల్ స్టార్ అని ఫ్యాన్స్ గర్వంగా చెప్పుకునే స్థాయికి ఎదిగారు. మరి ఆ బిరుదు ఎలా వచ్చిందో తెలుసా?
ఇక వివరాల్లోకి వెళ్తే.. పశ్చిమగోదావరి జిల్లాలోని మొగల్తూరులో 1940 జనవరి 20న పుట్టిన కృష్ణంరాజు.. చదువు పూర్తి కాగానే కొన్నాళ్లు జర్నలిస్టుగా పనిచేశారు. ఆ తర్వాత నటుడు కావాలనే కోరిక బలంగా ఉండేసరికి ఇండస్ట్రీలోకి వెళ్లిపోయారు. అలనాటి దర్శకుడు కోటయ్య ప్రత్యగాత్మ తీసిన ‘చిలకా గోరింకా’లో హీరోగా నటించారు. హీరో అని మాత్రమే కాకుండా ఎన్టీఆర్ ‘శ్రీ కృష్ణావతారం’ సినిమాలో కీలకపాత్ర పోషించారు. ఆ తర్వాత ఎన్టీఆర్, ఏఎన్నార్ నటించిన ఎన్నో చిత్రాల్లో పలు పాత్రలు చేసి ప్రేక్షకుల మన్ననలు పొందారు.
1968లో సూపర్ స్టార్ కృష్ణ హీరోగా చేసిన ‘నేనంటే నేనే’ సినిమాలో విలన్ గా చేసి గుర్తింపు తెచ్చుకున్నారు. ఆ తర్వాత హీరోగా జీవనతరంగాలు, కృష్ణవేణి, భక్త కన్నప్ప, అమరదీపం, సతీసావిత్రి, మన ఊరి పాండవులు లాంటి కుటుంబ-భక్తిరస చిత్రాలతో అలరించారు. కటకటాల రుద్రయ్య, రంగూన్ రౌడీ, త్రిశూలం, బొబ్బిలి బ్రహ్మాన్న, తాండ్ర పాపరాయుడు, మరణ శాసనం, పల్నాటి పౌరుషం లాంటి రెబలియన్ పాత్రలు చేయడంతో ఇండస్ట్రీలో కృష్ణంరాజు సరికొత్త ఇమేజ్ సంపాదించారు. ఇక అప్పటినుంచి ఇయన్ని రెబల్ స్టార్ అని పిలవడం స్టార్ చేశారు. 180కి పైగా చిత్రాల్లో నటించిన కృష్ణంరాజు.. 5 ఫిల్మ్ ఫేర్, 3 నంది అవార్డులతో పాటు పలు పురస్కారాలు కూడా దక్కించుకున్నారు. మరి కృష్ణంరాజు సినీ ప్రయాణంపై మీ అభిప్రాయాన్ని కామెంట్స్ లో పోస్ట్ చేయండి.
