follow us:
పునీత్ రాజ్ కుమార్ మరణం యావత్ దక్షిణాది చిత్ర పరిశ్రమలో తీవ్ర విషాదాన్ని నింపింది. శుక్రవారం గుండెపోటుతో మరణించిన ఆయన అభిమానులకు తీరని శోకాన్ని నింపారు. అయితే తమ అభిమాన నటుడు పునీత్ రాజ్ కుమార్ పార్థదేహాన్ని కడసారిగా చూసేందుకు అభిమానులంతా శుక్రవారం రాత్రి నుంచే కంఠీరవ స్టేడియానికి చేరుకుంటున్నారు. దీంతో స్టేడియం పరిసర ప్రాంతాలు అన్నీ అభిమానులతో కిక్కిరిసిపోయాయి. ఇక పోలీసు యంత్రాంగం కంఠీరవ స్టేడియం పరిసర ప్రాంతాన్ని తమ ఆధీనంలోకి తీసుకుని బెంగుళూరు అంతా హై అలెర్ట్ ప్రకటించారు.
ఇక చివరిసారిగా పునీత్ రాజ్ కుమార్ ని చూసేందుకు అభిమానులంతా కడసారి చూపు కోసం నిరీక్షిస్తున్నారు. అయితే పునీత్ రాజ్ కుమార్ కి కార్డియాక్ అరెస్ట్ కారణంగానే ఆయన మరణించాడని వైద్యులు చెబుతున్నారు. కాగా అసలు కార్డియాక్ అరెస్ట్ అంటే ఏమిటి? అది ఎందుకు వస్తుంది అనేది ఇప్పుడు తెలుసుకుందాం. ప్రధానంగా కార్డియాక్ అరెస్ట్ వచ్చే మనిషికి గుండె కొట్టుకోవడం అకస్మాత్తుగా ఆగిపోతుంది. దీనినే కార్డియాక్ అరెస్ట్ అంటారు. దీని కారణంగానే ఎంతో మంది మరణించారని వైద్యులు తెలియజేస్తున్నారు. అయితే దీని బారిన పడ్డ వారికి వెంటనే చికిత్స అందిస్తే ప్రమాదం నుంచి తప్పించుకుని ప్రాణాలను కాపాడుకోవచ్చిన నిపుణులు సూచిస్తున్నారు.
కొన్ని సందర్భాల్లో గుండె లయ తప్పడం వల్ల జఠరిక రక్తప్రరసరణ క్రమం తప్పుతుంది. ఒక్కోసారి రక్తప్రసరణ కూడా పూర్తిగా ఆగిపోతుంది. ఇది ఆకస్మిక గుండె మరణానికి దారితీస్తుంది. సాధారణంగా వెంట్రిక్యులర్ ఫైబ్రిలేషన్ కారణంగానే కార్డియాక్ అరెస్ట్ సంభవిస్తుందని నిపుణులు తెలియజేస్తున్నారు. ఇక సాధారణంగా పుట్టుకతోనే గుండె జబ్బులు, గుండె విద్యుత్ వ్యవస్థతో సమస్యలు తలెత్తినా, ధూమపానం ,ఒకేచోట కూర్చుని పనిచేసే జీవనశైలి, అధిక రక్త పోటు, ఊబకాయం ,వంశపారంపర్య గుండె జబ్బులు, 45 కంటే ఎక్కువ వయస్సున్న పురుషులకు, 55 కంటే ఎక్కువ వయసున్న మహిళలకు, పొటాషియం/మెగ్నీషియం స్థాయిలు తక్కువ ఉ‍న్నవారిలో ఆకస్మిక మరణం సంభవించే అవకాశం ఉందని వైద్యులు తెలుపుతున్నారు.
