follow us:
తెలంగాణ ప్రత్యేక రాష్ట్రంగా ఏర్పడిన అనతికాలంలోనే అన్ని రంగాల్లో అభివృద్ధి సాధిస్తూ దేశానికే ఆదర్శవంతంగా తయారయ్యింది. హైదరాబాద్ నగరానికి ప్రపంచంలోని దిగ్గజ కంపెనీలు పెట్టుబడులు పెట్టడానికి ముందుకు వస్తున్నాయి. తెలుగు సినిమా పరిశ్రమకు కూడా ప్రభుత్వం ప్రోత్సాహమిస్తూ సినిమారంగం అభివృద్ధికి పాటుపడుతున్నాది. ఈ క్రమంలో మంత్రి కెటిఆర్ అమెరికా పర్యటనలో భాగంగా ప్రముఖ హాలీవుడ్ నిర్మాణ సంస్థను తెలంగాణకు ఆహ్వానించారు.
తెలంగాణ ప్రత్యేక రాష్ట్రంగా ఏర్పడిన అనతికాలంలోనే అన్ని రంగాల్లో అభివృద్ధి సాధిస్తూ దేశానికే ఆదర్శవంతంగా తయారయ్యింది. హైదరాబాద్ నగరానికి ప్రపంచంలోని దిగ్గజ కంపెనీలు పెట్టుబడులు పెట్టడానికి ముందుకు వస్తున్నాయి. తెలుగు సినిమా పరిశ్రమకు కూడా ప్రభుత్వం ప్రోత్సాహమిస్తూ సినిమారంగం అభివృద్ధికి పాటుపడుతున్నాది. ఈ క్రమంలో మంత్రి కెటిఆర్ అమెరికా పర్యటనలో భాగంగా ప్రముఖ హాలీవుడ్ నిర్మాణ సంస్థను తెలంగాణకు ఆహ్వానించారు.
హైదరాబాద్ నగరానికి అంతర్జాతీయ ఎంటర్‌టైన్‌మెంట్‌ దిగ్గజ సంస్థ రానున్నది. వార్నర్ బ్రదర్స్ డిస్కవరీ హైదరాబాద్‌లో తమ అంతర్జాతీయ అభివృద్ధి కేంద్రాన్ని (ఐడీసీ) ఏర్పాటు చేయనున్నది. ఐడిసి ఏర్పాటుతో దాదాపు 1,200 మంది నిరుద్యోగులకు ఉద్యోగ అవకాశాలు లభించనున్నాయి. వార్నర్ బ్రదర్స్ సంస్థ మీడియా రంగంలో ప్రపంచవ్యాప్తంగా గుర్తింపుపొందింది. అమెరికా పర్యటనలో ఉన్న రాష్ట్ర ఐటీ, పరిశ్రమల శాఖల మంత్రి కేటీఆర్‌తో వార్నర్ బ్రదర్స్ డిస్కవరీ ఆర్థిక విభాగం సీనియర్‌ వైస్‌ ప్రెసిడెంట్‌ అలెగ్జాండ్రా కార్టర్‌ తో సమావేశమయ్యారు. హైదరాబాద్ లో మీడియా రంగం గురించి ఇక్కడ పెట్టుబడుల గురించి చర్చించారు.
మీడియా రంగంలో హైదరాబాద్‌లో ఉన్న అవకాశాలను అందిపుచ్చుకొనేందుకు తాము ఆసక్తిగా ఉన్నట్టు కార్టర్‌ చెప్పారు. హైదరాబాద్‌లో ఐడీసీని ఏర్పాటు చేయనున్నట్టు స్పష్టం చేశారు. ఈ కేంద్రం ద్వారా ఇండియన్ మార్కెట్‌లోకి ప్రవేశించాలని నిర్ణయించినట్టు వెల్లడించారు. వార్నర్ బ్రోస్‌ డిస్కవరీ సంస్థకు హెచ్‌బీవో, హెచ్‌బీవో మ్యాక్స్‌, సీఎన్‌ఎన్‌, టీసీఎల్‌, డిస్కవరీ, డిస్కవరీ ప్లస్‌, డబ్ల్యూబీ, యూరోస్పోర్ట్‌, యానిమల్‌ ప్లానెట్‌, కార్టూన్‌ నెట్‌వర్క్‌.. మొదలైన ప్రపంచవ్యాప్తంగా గుర్తింపు పొందిన టెలివిజన్‌ ఛానల్స్ ఉన్నాయి. వార్నర్ బ్రదర్స్ డిస్కవరీ కేంద్రం ఏర్పాటు నిర్ణయంపై మంత్రి కేటీఆర్‌ ట్వీట్‌ చేశారు. తెలుగు సినిమాను ప్రపంచ స్థాయికి తీసుకెల్లిన టాలీవుడ్ కు వార్నర్ బ్రదర్స్ డిస్కవరీ రావడంతో మరింత పేరు ప్రఖ్యాతలు వస్తాయనడంలో సందేహం లేదు.
Thrilled to announce the grand entry of global media powerhouse “Warner Bros. Discovery” into the entertainment realm of Telangana!
Hyderabad is set to witness the launch of their incredible IDC, a hub of creativity and innovation, with a whopping 1200 employees in the first… pic.twitter.com/z5hAj5kBNs
— KTR (@KTRBRS) May 17, 2023
