లాభాల్లోకి 'విరూపాక్ష'.. నాలుగు రోజుల్లోనే బ్రేక్ ఈవెన్!

సినిమా హిట్ అవ్వాలంటే ప్రమోషన్ చేయాలి, దానికోసం డబ్బులు ఖర్చు పెట్టాలి. జనాల్లో హైప్ క్రియేట్ చేయాలి. ఇలా చాలా అనుకుంటారు. కానీ వాటన్నింటి కంటే ముందు సినిమాలో దమ్ముండాలి. అప్పుడే ఎలాంటి పబ్లిసిటీ చేయకపోయినా హిట్ కొట్టొచ్చు. ఇప్పుడు ఇదంతా ఎందుకు చెబుతున్నామంటే ‘విరూపాక్ష’ విషయంలో సరిగ్గా అదే జరిగింది. థియేటర్ రిలీజ్ కి ముందు ఎలాంటి హడావుడి లేదు. అలానే ప్రేక్షకుల ముందుకు వచ్చిన ఈ సినిమా అదిరిపోయే వసూళ్లు సాధిస్తూ దూసుకుపోతోంది. ఇప్పుడు ఏకంగా లాభాల్లోకి కూడా వెళ్లిపోయింది.

ఇక వివరాల్లోకి వెళ్తే.. మెగాహీరోల్లో సాయిధరమ్ తేజ్ సినిమాలు చేసే విషయంలో కాస్త డిఫరెంట్. కమర్షియల్ మూవీస్ చేస్తూనే కంటెంట్ ఓరియెంటెడ్ చిత్రాల్లోనూ నటిస్తుంటాడు. వాటి రిజల్ట్ ఏంటనేది పెద్దగా ఆలోచించడు. తేజ్ గతచిత్రం ‘రిపబ్లిక్’ బాగుందనే టాక్ తెచ్చుకున్నప్పటికీ.. సీరియస్ సబ్జెక్ట్ కావడం వల్ల పెద్దగా ఆడలేదు. ఆ తర్వాత యాక్సిడెంట్ జరగడంతో దాదాపు రెండేళ్లపాటు స్క్రీన్ పై కనిపించలేదు. హెల్త్ కాస్త కుదురుకున్న తర్వాత సాయిధరమ్ తేజ్ చేసిన ‘విరూపాక్ష’ తాజాగా థియేటర్లలోకి వచ్చింది. హిట్ అయిపోయింది.

మిస్టరీ థ్రిల్లర్ కాన్సెప్ట్ తో తీసిన ఈ సినిమాలో సాయిధరమ్ తేజ్, సంయుక్తా మేనన్ హీరోహీరోయిన్లుగా నటించారు. హారర్ ఎలిమెంట్స్ డీసెంట్ గా ఉండేసరికి జనాలకు ఇది నచ్చేసింది. దీంతో తొలిరోజు రూ.12 కోట్లు వసూలు చేసిన ఈ మూవీ.. శని, ఆదివారాల్లో వరసగా చెరో రూ.16 కోట్లు కలెక్షన్స్ సాధించింది. సోమవారం కాస్త తగ్గి రూ.6 కోట్లు వసూలు చేసింది. మొత్తంగా నాలుగు రోజుల్లో రూ.50 కోట్ల మార్క్ ని అందుకుంది. ఇక మంగళవారం సాయంత్రం నుంచి వచ్చే డబ్బులన్నీ కూడా ‘విరూపాక్ష’కి లాభాల కిందే లెక్క! సో అదన్నమాట విషయం. సైలెంట్ గా వచ్చిన ‘విరూపాక్ష’ జస్ట్ ఒక్క వీకెండ్ లో డబ్బులన్నీ రాబట్టేసుకుంది, ఏకంగా లాభాల్లోకి కూడా వెళ్లిపోయినట్లు తెలుస్తోంది. మీలో ఎంతమంది ‘విరూపాక్ష’ చూశారు? చూస్తే ఎలా అనిపించింది కింద కామెంట్ చేయండి.

#Virupaksha continues the Blockbuster run at Box-office on weekdays too & hits the 50CR+ Milestone at the Box-office in just 4 days 💥#BlockbusterVirupaksha
IN CINEMAS NOW 👇https://t.co/HzG8SAAGh7@IamSaiDharamTej @iamsamyuktha_ @karthikdandu86 @SVCCofficial @SukumarWritings pic.twitter.com/nTElWxt9tI

— SVCC (@SVCCofficial) April 25, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.