follow us:
రౌడీ హీరో విజయ్ దేవరకొండ గురించి స్పెషల్ గా చెప్పాల్సిన పనిలేదు. ‘అర్జున్ రెడ్డి’ సినిమా తెలుగు రాష్ట్రాల్లో తన గురించి మట్లాడుకునేలా చేశారు. తన యాక్టింగ్ తో ఎప్పటికప్పుడు మెప్పిస్తూనే వస్తున్నాడు. ఈ ఏడాది ఆగస్టులో ‘లైగర్’ సినిమాతో వచ్చిన విజయ్, ప్రేక్షకుల్ని ఎంటర్ టైన్ చేయడంలో ఫెయిలయ్యాడు. బాక్సాఫీస్ దగ్గర ఈ సినిమా బోల్తా కొట్టింది. విజయ్ బాక్సర్ గా కనిపించిన ఈ మూవీని పూరీ జగన్నాథ్ డైరెక్ట్ చేశాడు. అయితే ఈ మూవీ లావాదేవీల విషయంలో మనీ ల్యాండరింగ్ ఆరోపణలు వచ్చాయి. దీంతో ఈడీ అధికారులు రంగంలోకి దిగారు. కొన్నిరోజుల ముందు దర్శకనిర్మాతలు పూరీ జగన్నాథ్, ఛార్మిని ప్రశ్నించిన అధికారులు.. తాజాగా హీరో విజయ్ దేవరకొండని కూడా విచారించారు. ఇది ముగిసిన తర్వాత విజయ్ మీడియాతో మాట్లాడుతూ పలు ఆసక్తికర వ్యాఖ్యలు చేశాడు. అవి కాస్త ఇప్పుడు సోషల్ మీడియాలో హాట్ టాపిక్ గా మారాయి.
ఇక వివరాల్లోకి వెళ్తే.. ‘లైగర్’ సినిమాని పాన్ ఇండియా రేంజ్ లో పూరీ జగన్నాథ్, ఛార్మి కలిసి నిర్మించారు. ఈ మూవీకి పూరీనే డైరెక్టర్ కూడా. అయితే ‘లైగర్’ పెట్టుబడుల్లో హవాలా ట్రాన్ జాంక్షన్స్ జరిగినట్లు ఈడీ ప్రాథమికంగా గుర్తించింది. దుబాయికి డబ్బు పంపి, అక్కడ నుంచి సినిమాలో ఇన్వెస్ట్ చేసినట్లు తేల్చింది. ఇందులో ఓ రాజకీయ నాయకుడి హస్తం కూడా ఉందని ఈడీ అనుమానిస్తోంది. ఈ క్రమంలోనే కొన్నిరోజుల క్రితం.. పూరీ జగన్నాథ్ తో పాటు ఛార్మిని ఈడీ అధికారులు ప్రశ్నించారు. ఇప్పుడు హీరో విజయ్ దేవరకొండను ఏకంగా 12 గంటలు పాటు విచారించారు. ఈ క్రమంలో నెక్స్ట్ ఎవరిని విచారణ చేయనున్నారనేది ఆసక్తికరంగా మారింది. ఈ క్రమంలోనే విచారణ పూర్తయిన అనంతరం బయటకొచ్చిన విజయ్.. ప్రేక్షకులు, అభిమానం గురించి మాట్లాడాడు.
‘అధికారులు కొన్ని ప్రశ్నలు అడిగారు. కొన్ని విషయాల్లో క్లారిఫికేషన్ అడిగారు. వాళ్ల జాబ్ వాళ్లు మంచిగా చేస్తున్నారు. వాళ్లు అడిగిన క్వశ్చన్స్ కి ఆన్సర్ చెప్పాను. ఇంతవరకే నేను చెప్పగలను. ఇంతకంటే నేనేమైనా చెబితే వాళ్లు ఫీలవుతారు. ఆరోపణలు ఏం లేవు. కొన్ని క్లారిఫికేషన్స్ అంతే. మీరు ఇంతగా ప్రేమిస్తారు కాబట్టి.. ఆ ప్రేమతో వచ్చే పాపులారిటీ వల్ల కొన్ని ఇబ్బందులు, సైడ్ ఎఫెక్ట్స్ కూడా ఉంటాయి. దాంట్లో ఇది ఒకటి. ఇది కూడా లైఫ్ లో ఓ ఎక్స్ పీరియెన్స్.’ అని విజయ్ దేవరకొండ చెప్పాడు. ఇక ఈడీ అధికారులు.. విజయ్ బ్యాంక్ స్టేట్ మెంట్ ని రికార్డ్ చేసి పరిశీలించినట్లు తెలుస్తోంది. ప్రస్తుతానికైతే విజయ్ ని విచారించారు. మళ్లీ ఆఫీస్ కు అయితే తనని రావాలని చెప్పలేదు అని విజయ్ పేర్కొన్నాడు. మరి ఇతడు, ఫ్యాన్స్ గురించి చేసిన వ్యాఖ్యలపై మీ అభిప్రాయాన్ని కామెంట్స్ లో పోస్ట్ చేయండి.
